അലീഗഢ് ആൾക്കൂട്ട കൊലപാതകം: മരിച്ചയാൾക്കെതിരെയും കേസ്

അ​ലീ​ഗ​ഢ് (യു.​പി): ആ​ൾ​ക്കൂ​ട്ടം ത​ല്ലി​​ക്കൊ​ന്ന​യാ​ൾ​ക്കെ​തി​രെ മോ​ഷ​ണ​ക്കു​റ്റം ചു​മ​ത്തി യു.​പി പൊ​ലീ​സ്. ആ​ൾ​ക്കൂ​ട്ട ആ​ക്ര​മ​ണ​ത്തി​ലെ പ്ര​തി​യു​ടെ അ​മ്മ​യു​ടെ പ​രാ​തി​യി​ലാ​ണ് മ​രി​ച്ച​യാ​ള​ട​ക്കം ഒ​മ്പ​തു പേ​ർ​ക്കെ​തി​രെ ക​വ​ർ​ച്ച​യും സ്ത്രീ​ക്കെ​തി​രാ​യ ആ​ക്ര​മ​ണ​വു​മ​ട​ക്ക​മു​ള്ള കു​റ്റം ചു​മ​ത്തി​യ​ത്.

ജൂ​ൺ 18ന് ​രാ​ത്രി​യാ​ണ് മാ​മു ഭ​ഞ്ച പ്ര​ദേ​ശ​ത്ത് മു​ഹ​മ്മ​ദ് ഫ​രീ​ദി​നെ (35) ആ​ൾ​ക്കൂ​ട്ടം കൊ​ല​പ്പെ​ടു​ത്തി​യ​ത്. സം​ഭ​വ​ത്തി​ൽ ഏ​ഴു​പേ​ർ​ക്കെ​തി​രെ കേ​സെ​ടു​ത്തി​രു​ന്നു. ആ​റു​പേ​ർ അ​റ​സ്റ്റി​ലാ​യി. പ്ര​തി​ക​ളി​ൽ ഒ​രാ​ളാ​യ രാ​ഹു​ലി​ന്റെ അ​മ്മ ല​ക്ഷ്മി മി​ത്ത​ൽ ശ​നി​യാ​ഴ്ച ന​ൽ​കി​യ പ​രാ​തി​യു​ടെ അ​ടി​സ്ഥാ​ന​ത്തി​ലാ​ണ് മോ​ഷ​ണ​ക്കു​റ്റം ചു​മ​ത്തി​യ​ത്.

ജൂ​ൺ 18ന് ​രാ​ത്രി മു​ഹ​മ്മ​ദ് ഫ​രീ​ദ് എ​ന്ന ഔ​റം​ഗ​സേ​ബ് ത​ന്റെ വീ​ട്ടി​ൽ അ​തി​ക്ര​മി​ച്ചു​ക​യ​റി വി​ല​പി​ടി​പ്പു​ള്ള വ​സ്തു​ക്ക​ൾ കൊ​ള്ള​യ​ടി​ക്കാ​ൻ ശ്ര​മി​ച്ചെ​ന്ന് ല​ക്ഷ്മി മി​ത്ത​ൽ പ​രാ​തി​യി​ൽ പ​റ​യു​ന്നു. കു​ടും​ബാം​ഗ​ങ്ങ​ൾ ഫ​രീ​ദി​നെ പി​ന്തു​ട​രു​മ്പോ​ൾ നി​ല​തെ​റ്റി ഗോ​വ​ണി​പ്പ​ടി​യി​ൽ​നി​ന്നു​വീ​ണ് പ​രി​ക്കേ​റ്റ് മ​രി​ക്കു​ക​യു​മാ​യി​രു​ന്നു​വെ​ന്നാ​ണ് പ​രാ​തി​യി​ലു​ള്ള​ത്.

അ​തേ​സ​മ​യം, ഫ​രീ​ദ് ജോ​ലി ക​ഴി​ഞ്ഞ് വീ​ട്ടി​ലേ​ക്ക് മ​ട​ങ്ങു​മ്പോ​ൾ മോ​ഷ്ടാ​വാ​ണെ​ന്ന് സം​ശ​യി​ച്ച് നാ​ട്ടു​കാ​രി​ൽ ചി​ല​ർ മ​ർ​ദി​ക്കു​ക​യാ​യി​രു​ന്നെ​ന്ന് കു​ടും​ബം ആ​രോ​പി​ച്ചു. ഗു​രു​ത​ര​മാ​യി പ​രി​ക്കേ​റ്റ ഫ​രീ​ദി​നെ പൊ​ലീ​സ് ആ​ശു​പ​ത്രി​യി​ലെ​ത്തി​ച്ചെ​ങ്കി​ലും മ​രി​ച്ചെ​ന്ന് സി​റ്റി പൊ​ലീ​സ് സൂ​പ്ര​ണ്ട് എം. ​ശേ​ഖ​ർ പ​ഥ​ക് പ​റ​ഞ്ഞു.