ജയലളിതയെ ആശുപത്രിയിൽ പ്രവേശിപ്പിച്ചപ്പോൾ സി.സി.ടി.വികൾ പ്രവർത്തന രഹിതമാക്കി: അപോളോ ചെയർമാൻ

​െചന്നൈ: ജയലളിതയെ അപോളോ ആശുപത്രിയിലെത്തിച്ചപ്പോൾ എല്ലാ സി.സി.ടി.വി കാമറകളും പ്രവർത്തന രഹിതമാക്കിയിരുന്നതായി അപോ​േളാ ആശുപത്രി ചെയർമാൻ പ്രതാപ്​ ​റെഡ്ഡി. 24 പേരെ കിടത്താവുന്ന ​െഎ.സി.യുവിൽ ജയലളിതയെ മാത്രമാണ്​ പ്രവേശിപ്പിച്ചതെന്നും അദ്ദേഹം പറഞ്ഞു. 75 ദിവസത്തെ ആശുപത്രി വാസത്തിന്​ ശേഷം 2016 ഡിസംബർ അഞ്ചിന്​ ഹൃദയാഘാതത്തെ തുടർന്ന്​ ജയലളിത മരിച്ചെന്നായിരുന്നു ആശുപത്രി അധികൃതർ പറഞ്ഞത്​. ജയലളിതയുടെ മരണം അന്വേഷിക്കുന്ന ജസ്​റ്റിസ്​ എ. അറുമുഖം സ്വാമി കമീഷന്​ എല്ലാ രേഖകളും കൈമാറിയിരുന്നതായും റെഡ്ഡി മാധ്യമങ്ങ​േളാട്​ വെളിപ്പെടുത്തി.

സി.സി.ടി.വി ദൃശ്യങ്ങൾ കൈമാറിയിട്ടുണ്ടേയെന്ന ചോദ്യത്തിന്​ മറുപടിയായിട്ടായിരുന്നു റെഡ്ഡിയുടെ പ്രതികരണം. ചികിത്സയുടെ ആദ്യ ദിവസം തന്നെ സി.സി.ടി.വി​കളെല്ലാം ഒാഫാക്കിയിരുന്നു. ജയലളിതയെ ആരും കാണാൻ പാടില്ലെന്നായിരുന്നു അവരുടെ തീരുമാനം. ​എല്ലാ രോഗികളെയും ​െഎ.സി.യുവിൽ നിന്നും മാറ്റി. െഎ.സി.യുവിലേക്കുള്ള പ്രവേശനവും നിരോധിച്ചു. അതിഥികൾക്കും പ്ര​േവശനം നൽകിയില്ല. പൊതുവേ ഏറ്റവും അടുത്ത ബന്ധുക്കൾക്ക്​ വളരെ കുറച്ച്​ സമയം മാത്രമേ ​െഎ.സി.യുവിലുള്ള രോഗിക​ളെ കാണാൻ അനുവദിക്കാറുള്ളൂ. ജയലളിതയുടെ ആരോഗ്യ സ്ഥിതി വളരെ മോശമായതോടെ ആരെയും അകത്ത്​ പ്രവേശിപ്പിച്ചില്ലെന്നും പ്രതാപ്​ റെഡ്ഡി വ്യക്​തമാക്കി. 

വാർഡ്​ ബോയ്​സ്​ മുതൽ നഴ്​സുമാരും ഡോക്​ടർമാരും ജയലളിതയെ വളരെ നന്നായി നോക്കിയിരുന്നു. വിദേശത്ത്​ നിന്നുള്ള അതിവിദഗ്​ധരായ ഡോക്​ടർമാർ വേറെയുണ്ടായിരുന്നു. ആരോഗ്യ സ്ഥിതി മെച്ചപ്പെടുമെന്ന ഉറച്ച വിശ്വാസം അപ്പോ​ഴുണ്ടായിരുന്നതായും അദ്ദേഹം പറഞ്ഞു. അന്വേഷണ കമീഷന്​ മുമ്പാകെ എപ്പോൾ വേണമെങ്കിലും ഹാജരാകാൻ തയ്യാറാണ്​. എല്ലാം റിപ്പോർട്ടുകളും നൽകിയിട്ടുണ്ടെന്നും മരണവുമായി ബന്ധപ്പെട്ട എല്ലാ കാര്യങ്ങൾക്കും സാക്ഷിയായിരുന്നുവെന്നും അപോളോ ചെയർമാൻ വ്യക്​തമാക്കി.

2016 സെപ്റ്റംബർ 22ന് ശുചിമുറിയിൽ കുഴഞ്ഞുവീണ ജയലളിത ആശുപത്രിയിൽ പോകാൻ കൂട്ടാക്കിയിരുന്നില്ല എന്ന്​ ശശികല ഇന്നലെ സത്യവാങ്​മൂലത്തിൽ പറഞ്ഞിരുന്നു. അഴിമതി കേസിൽ ശിക്ഷിക്കപ്പെട്ടതിനെ തുടർന്നു ജയ വളരെ സമ്മർദത്തിലായിരുന്നുവെന്നും ശശികല വ്യക്​തമാക്കി. ഇൗ വെളിപ്പെടുത്തലിനു പിന്നാലെയാണ് അപ്പോളോ ചെയർമാ​​െൻറ വാക്കുകൾ.