തബ്​ലീഗുകാർ അറിയാതെ ചെയ്​തതാണ്​ കുംഭമേളയിൽ അറിഞ്ഞുകൊണ്ട്​ ചെയ്യുന്നത്​; നമ്മൾ ഹിന്ദുക്കൾ മുസ്​ലിംകളോട്​ മാപ്പുപറയണം -രാംഗോപാൽ വർമ

ന്യൂഡൽഹി: കോവിഡ്​ രണ്ടാം തരംഗം കടുത്ത ഭീഷണി ഉയർത്തവേ ആയിരങ്ങളെ പ​ങ്കെടുപ്പിച്ച്​ നടത്തുന്ന കുംഭമേള​ക്കെതിരെ പ്രതിഷേധവുമായി ബോളിവുഡ്​ സംവിധായകൻ രാംഗോപാൽ വർമ. കഴിഞ്ഞ വർഷം തബ്​ലീഗ്​ ജമാഅത്ത്​​ സ​േ​മ്മളനത്തിലൂടെ ബോധപൂർവ്വം കോവിഡ്​ പടർത്തുന്നുവെന്ന്​ സംഘ്​പരിവാർ കേ​ന്ദ്രങ്ങൾ നടത്തിയ പ്രചാരണത്തിന്​ മറുപടിയായാണ്​ രാംഗോപാൽ വർമയുടെ മറുപടി.

'' 2020ൽ ഡൽഹിയിൽ നടന്ന തബ്​ലീഗ്​ ജമാഅത്ത്​ വെറുമൊരു ഹൃസ്വചിത്രമായിരുന്നെങ്കിൽ ഇപ്പോഴുള്ള കുംഭമേള ബാഹുബലിയെപ്പോലെ ബ്രഹ്മാണ്ഡ ചിത്രമാണ്​.നമ്മൾ ഹിന്ദുക്കൾ മുസ്​ലിംകളോട്​ മാപ്പുചോദിക്കണം. കാരണം അവരറിയാതെ ചെയ്​തതാണ്​ ഒരുവർഷത്തിനിപ്പുറം നമ്മൾ ചെയ്​തത്​ എല്ലാം അറിഞ്ഞുകൊണ്ടാണ്​.''

നിരവധി ട്വീറ്റുകൾ കുംഭമേളക്കെതിരെ രാംഗോപാൽ വർമ ചെയ്​തിട്ടുണ്ട്​. കുംഭമേളയെ കൊറോണ ആറ്റം ബോംബിനോടാണ്​ അ​ദ്ദേഹം ഉപമിച്ചത്​.