വി.എച്ച്.പി പരിപാടിയിൽ മുസ്‌ലിംകൾക്കെതിരെ വിദ്വേഷ പ്രസംഗം: ഹൈകോടതി ജഡ്ജിയോട് നേരിട്ട് ഹാജരാകാൻ സുപ്രീംകോടതി കൊളീജിയം

ന്യൂ​ഡ​ൽ​ഹി: മു​സ്‍ലിം​ക​ൾ​ക്കെ​തി​രെ വി​ദ്വേ​ഷ പ്ര​സം​ഗം ന​ട​ത്തി​യ അ​ല​ഹാ​ബാ​ദ് ഹൈ​കോ​ട​തി ജ​ഡ്ജി ജ​സ്റ്റി​സ് ശേ​ഖ​ർ കു​മാ​ർ യാ​ദ​വി​ന് ചീ​ഫ് ജ​സ്റ്റി​സ് അ​ധ്യ​ക്ഷ​നാ​യ സു​പ്രീം​കോ​ട​തി കൊ​ളീ​ജി​യ​ത്തി​ന് മു​ന്നി​ൽ നാ​ളെ ഹാ​ജ​രാ​കാ​ൻ നി​ർ​ദേ​ശം. യാ​ദ​വി​നെ ജ​ഡ്ജി​യു​ടെ പ​ദ​വി​യി​ൽ നി​ന്ന് നീ​ക്കാ​ൻ ക​പി​ൽ സി​ബ​ലി​ന്റെ നേ​തൃ​ത്വ​ത്തി​ൽ 59 എം.​പി​മാ​ർ രാ​ജ്യ​സ​ഭ​ക്ക് ഇം​പീ​ച്ച്മെ​ന്റ് നോ​ട്ടീ​സ് ന​ൽ​കി​യ​തി​ന് പി​ന്നാ​ലെ​യാ​ണ് കൊ​ളീ​ജി​യം വി​ളി​ച്ചു​വ​രു​ത്തു​ന്ന​ത്. സു​പ്രീം​കോ​ട​തി​യു​ടെ ആ​ഭ്യ​ന്ത​ര ന​ട​പ​ടി​യു​ടെ ഭാ​ഗ​മാ​യാ​ണ് കൊ​ളീ​ജി​യം വി​ളി​പ്പി​ച്ച​തെ​ന്നും യോ​ഗ​ത്തി​ന് ശേ​ഷ​മേ തു​ട​ർ ന​ട​പ​ടി​ക​ൾ കൈ​ക്കൊ​ള്ളൂ എ​ന്നും കോ​ട​തി വൃ​ത്ത​ങ്ങ​ൾ പ​റ​ഞ്ഞു.

ഡി​സം​ബ​ർ എ​ട്ടി​ന് വി​ശ്വ​ഹി​ന്ദു പ​രി​ഷ​ത്തി​ന്റെ പ​രി​പാ​ടി​യി​ൽ പ​​​​ങ്കെ​ടു​ത്ത് ഏ​ക​സി​വി​ൽ കോ​ഡി​നെ കു​റി​ച്ച് യാ​ദ​വ് ന​ട​ത്തി​യ പ​രാ​മ​ർ​ശ​ങ്ങ​ളെ തു​ട​ർ​ന്നാ​ണ് ഹാ​ജ​രാ​കാ​ൻ നി​ർ​ദേ​ശി​ച്ചി​രി​ക്കു​ന്ന​ത്. അ​ല​ഹ​ബാ​ദ് ഹൈ​കോ​ട​തി​യി​ൽ നി​ന്ന് വി​ദ്വേ​ഷ പ്ര​സം​ഗ​ത്തി​ന്റെ വി​ശ​ദാം​ശ​ങ്ങ​ൾ തേ​ടി​യ ശേ​ഷ​മാ​ണ് സു​പ്രീം​കോ​ട​തി ന​ട​പ​ടി.

സു​പ്രീം​കോ​ട​തി ഇ​ട​പെ​ട​ലോ​ടെ ജ​ഡ്ജി​ക്ക് ന​ൽ​കു​ന്ന കേ​സു​ക​ൾ അ​ല​ഹ​ബാ​ദ് ഹൈ​കോ​ട​തി പ​രി​മി​ത​പ്പെ​ടു​ത്തി. 2010 വ​രെ​യു​ള്ള കേ​സു​ക​ളു​ടെ ജി​ല്ല കോ​ട​തി​ക​ളി​ൽ നി​ന്നു​ള്ള അ​പ്പീ​ലു​ക​ൾ മാ​ത്രം ​അ​​ദ്ദേ​ഹം പ​രി​ഗ​ണി​ച്ചാ​ൽ മ​തി​യെ​ന്നാ​ണ് ഹൈ​കോ​ട​തി ചീ​ഫ് ജ​സ്റ്റി​സി​ന്റെ നി​ർ​ദേ​ശം.

ഡി​സം​ബ​ർ എ​ട്ടി​ന് വിശ്വ ഹിന്ദു പരിഷത്തിന്‍റെ ഏകസിവിൽകോഡ് സംബന്ധിച്ച പരിപാടിയിലായിരുന്നു വിദ്വേഷ പ്രസംഗം. ജ​ഡ്ജി​ക്കെ​തി​രെ നി​യ​മ മേ​ഖ​ല​യി​ൽ നി​ന്ന​ട​ക്കം വ്യാ​പ​ക പ്ര​തി​ഷേ​ധം ഉയർന്നിരുന്നു. ജഡ്ജിയെ ഇംപീച്ച് ചെയ്യണമെന്ന് പ്രതിപക്ഷം ആവശ്യപ്പെട്ടു. മു​സ്‍ലിം ലീ​ഗ് എം.​പി​മാ​ർ രാ​ഷ്ട്ര​പ​തി​ക്കും പ​രാ​തി ന​ൽ​കി. പിന്നാലെ, പ്ര​സം​ഗ​ത്തി​ന്റെ പൂ​ര്‍ണ​രൂ​പം കൈ​മാ​റാ​ന്‍ അ​ല​ഹ​ബാ​ദ് ഹൈ​കോ​ട​തി​ക്ക് സു​പ്രീം​കോ​ട​തി നി​ര്‍ദേ​ശം ന​ൽ​കിയിരുന്നു. 2026 ഏപ്രിലിലാണ് യാദവ് വിരമിക്കേണ്ടത്.

ജ​ഡ്ജി​യു​ടെ വി​ദ്വേ​ഷ പ്ര​സം​ഗ​ത്തി​ലെ ഭാ​ഗ​ങ്ങ​ൾ

‘‘ഈ ​രാ​ജ്യം ‘ഹി​ന്ദു​സ്ഥാ​ൻ’ ആ​ണെ​ന്ന് പ​റ​യാ​ൻ ത​നി​ക്ക് ഒ​രു ശ​ങ്ക​യു​മി​ല്ല. ഇ​വി​ടെ ജീ​വി​ക്കു​ന്ന ഭൂ​രി​പ​ക്ഷ​ത്തി​​ന്റെ ഇം​ഗി​ത​മ​നു​സ​രി​ച്ചാ​ണ് ഈ ​രാ​ജ്യം ച​ലി​ക്കു​ക. ഇ​താ​ണ് നി​യ​മം. ഒ​രു ഹൈ​കോ​ട​തി ജ​ഡ്ജി​യെ​ന്ന നി​ല​ക്ക​ല്ല താ​ൻ സം​സാ​രി​ക്കു​ന്ന​ത്. മ​റി​ച്ച് ഭൂ​രി​പ​ക്ഷ​ക്കാ​ർ​ക്ക് അ​നു​സ​രി​ച്ചാ​ണ് നി​യ​മം പ്ര​വ​ർ​ത്തി​ക്കു​ന്ന​ത്. ഒ​രു കു​ടും​ബ​ത്തി​ന്റെ കാ​ര്യ​മാ​യാ​ലും സ​മൂ​ഹ​ത്തി​​ന്റെ കാ​ര്യ​മാ​യാ​ലും ഭൂ​രി​പ​ക്ഷ​ത്തി​ന്റെ സ​ന്തോ​ഷ​മാ​ണ് പ​രി​ഗ​ണി​ക്ക​പ്പെ​ടു​ക.

എ​ന്നാ​ൽ ഈ ‘​ക​ഠ്മു​ല്ല’​യു​ണ്ട​ല്ലോ.... ആ ​വാ​ക്ക് ഒ​രു പ​ക്ഷേ ശ​രി​യാ​യ വാ​ക്കാ​ക​ണ​മെ​ന്നി​ല്ല..​എ​ന്നാ​ലും പ​റ​യു​ക​യാ​ണ്. അ​വ​ർ ഈ​രാ​ജ്യ​ത്തി​ന് അ​പ​ക​ട​ക​ര​മാ​ണ്. അ​വ​ർ രാ​ജ്യ​ത്തി​നും ജ​ന​ങ്ങ​ൾ​ക്കും ഉ​പ​ദ്ര​വ​ക​ര​മാ​ണ്. പൊ​തു​ജ​ന​ത്തെ ഇ​ള​ക്കി​വി​ടു​ന്ന​വ​രാ​ണ്. രാ​ജ്യ​ത്തി​ന്റെ പു​രോ​ഗ​തി ആ​ഗ്ര​ഹി​ക്കാ​ത്ത ഇ​ത്ത​ര​മാ​ളു​ക​ളെ ക​രു​തി​യി​രി​ക്ക​ണം. മു​സ്‍ലിം​ക​ൾ നി​ര​വ​ധി ഭാ​ര്യ​മാ​ർ വേ​ണ​മെ​ന്ന​ത് അ​വ​കാ​ശ​മാ​യി ക​രു​തു​ന്ന​വ​രാ​ണ്’’.