ഭരണഘടനയുടെ ആമുഖം തിരുത്താൻ കണ്ണന്താനം; സ്വ​കാ​ര്യ​ബി​ൽ വി​വാ​ദ​മാ​യി

ന്യൂ​ഡ​ൽ​ഹി: ഭ​ര​ണ​ഘ​ട​ന​യു​ടെ ആ​മു​ഖ​ത്തി​ൽ നി​ന്ന്​ ​'സോ​ഷ്യ​ലി​സ്​​റ്റ്​' ഒ​ഴി​വാ​ക്ക​ണ​മെ​ന്ന്​ ആ​വ​ശ്യ​പ്പെ​ട്ട്​ കേ​ര​ള​ത്തി​ൽ നി​ന്നു​ള്ള ബി.​ജെ.​പി നേ​താ​വ്​ അ​ൽ​ഫോ​ൻ​സ്​ ക​ണ്ണ​ന്താ​നം കൊ​ണ്ടു വ​ന്ന സ്വ​കാ​ര്യ​ബി​ൽ വി​വാ​ദ​മാ​യി.

​രാഷ്​​​ട്ര​പ​തി​യു​ടെ അ​നു​മ​തി​യി​ല്ലാ​തെ ഇ​ത്ത​ര​മൊ​രു ബി​ൽ കൊ​ണ്ടു​വ​രാ​നാ​വി​ല്ലെ​ന്ന്​ വ്യ​ക്ത​മാ​ക്കി പ്ര​തി​പ​ക്ഷം​ പ്ര​തി​ഷേ​ധി​ച്ച​തോ​ടെ ബി​ല്ലി​െൻറ അ​വ​ത​ര​ണം റൂ​ളി​ങ്ങി​നാ​യി മാ​റ്റി​വെ​ച്ചു.

രാ​ഷ്​​ട്രീ​യ ജ​ന​താ​ദ​ൾ നേ​താ​വും ഡ​ൽ​ഹി സ​ർ​വ​ക​ലാ​ശാ​ല അ​ധ്യാ​പ​ക​നു​മാ​യ മ​നോ​ജ്​ ഝാ ​ഉ​ന്ന​യി​ച്ച ത​ട​സ്സ​വാ​ദ​ത്തെ പി​ന്തു​ണ​ച്ചാ​ണ്​ പ്ര​തി​പ​ക്ഷം രം​ഗ​ത്തു​വ​ന്ന​ത്. സ​ഭ​യി​ൽ ഭൂ​രി​ഭാ​ഗം പേ​രും എ​തി​ർ​ത്ത​ത്​ കൊ​ണ്ടും അ​വ​ത​ര​ണം പ​റ്റി​ല്ലെ​ന്ന്​ മ​നോ​ജ്​ ഝാ ​പ​റ​ഞ്ഞു.

അ​ത്​ അ​വ​ഗ​ണി​ച്ച്​ ക​ണ്ണ​ന്താ​ന​ത്തി​ന്​ ബി​ല്ലു​മാ​യി പോ​കാ​ൻ അ​നു​മ​തി ന​ൽ​കി​യ രാ​ജ്യ​സ​ഭ ഉ​പാ​ധ്യ​ക്ഷ​ൻ ഹ​രി​വം​ശ്​​ നാ​രാ​യ​ൺ ഒ​ടു​വി​ൽ കേ​ന്ദ്ര മ​ന്ത്രി വി. ​മു​ര​ളീ​ധ​ര​ൻ കൂ​ടി നി​ർ​ദേ​ശി​ച്ച​തോ​ടെ റൂ​ളി​ങ്ങി​നാ​യി മാ​റ്റി​വെ​ക്കു​ക​യാ​യി​രു​ന്നു.