കൂടുതൽ ചരിത്രസ്​മാരകങ്ങൾ സ്വകാര്യ കമ്പനികൾക്ക്​ കൈമാറുമെന്ന്​ കണ്ണന്താനം

ന്യൂഡൽഹി: കൂടുതൽ ചരിത്രസ്​മാരകങ്ങൾ പരിപാലനത്തിനായി സ്വകാര്യ കമ്പനികൾക്ക്​ കൈമാറുമെന്ന്​ കേന്ദ്ര ടൂറിസം മന്ത്രി അൽഫോൻസ്​ കണ്ണന്താനം. ​​ചെേങ്കാട്ടയുടെ പരിപാലനം കുത്തക കമ്പനിക്ക്​ കൈമാറിയതിനെതിരെ കടുത്ത വിമർശനമുയരു​േമ്പാഴാണ്​ ഇതിൽനിന്ന്​ പിന്നോട്ടില്ലെന്ന്​ മന്ത്രി വ്യക്​തമാക്കിയത്​. വിവാദത്തെക്കുറിച്ച്​ തനിക്ക്​ ആശങ്കയില്ല. ‘പൈ​തൃ​കം ദ​ത്തെ​ടു​ക്ക​ൽ’ പ​ദ്ധ​തിയിലാണ്​ ചരിത്രസ്​മാരകങ്ങൾ കൈമാറുന്നത്​.

ഹുമയൂണി​​​െൻറ ശവകുടീരം ഉൾപ്പെടെ അഞ്ചു സ്​മാരകങ്ങൾ പരിപാലനത്തിനായി സ്വകാര്യ കമ്പനികൾക്ക്​ കരാർ നൽകിയത്​ യു.പി.എ സർക്കാറാണ്​. അതൊരു നല്ല പരീക്ഷണമായിരുന്നു. എന്നാൽ, ഇതിൽ ചില പ്രശ്​നങ്ങളുണ്ട്​. ഇതിൽ മാറ്റം വരുത്തിയാണ്​ നടപ്പാക്കുന്നത്​. വിഷയത്തിൽ കോൺഗ്രസ്​ രാഷ്​ട്രീയം കളിക്കുകയാണെന്നും കണ്ണന്താനം കുറ്റപ്പെടുത്തി. അഞ്ചുവർഷത്തേക്ക്​ ചെ​​​​േങ്കാട്ട പരിപാലിക്കാൻ സിമൻറ്​ നിർമാണ കമ്പനിയായ ഡാ​ൽ​മി​യ ഗ്രൂ​പ്പുമായി 25 കോടിയുടെ കരാറിനാണ്​ ​ കേന്ദ്രസർക്കാർ ധാരണപത്രത്തിൽ ഒപ്പിട്ടത്​. ലോ​ക നി​ല​വാ​ര​ത്തി​ലു​ള്ള സൗ​ക​ര്യ​ങ്ങ​ൾ സ​ന്ദ​ർ​ശ​ക​ർ​ക്ക്​ ല​ഭ്യ​മാ​ക്കി മാ​തൃ​ക പൈ​തൃ​ക​സ്​​മാ​ര​ക​ങ്ങ​ളാ​ക്കു​ന്ന​തി​നു​ള്ള പൊ​തു​സ്വ​കാ​ര്യ പ​ങ്കാ​ളി​ത്ത പ​ദ്ധ​തി​യാ​ണി​തെ​ന്നാ​ണ്​ സാം​സ്​​കാ​രി​ക മ​ന്ത്രാ​ല​യ​ത്തി​​​െൻറ വി​ശ​ദീ​ക​ര​ണം. 

അതേസമയം, ത​​​െൻറ നേതൃത്വത്തിലുള്ള ടൂറിസവ​ുമായി ബന്ധപ്പെട്ട പാർല​െമൻററി സമിതി പദ്ധതിയുമായി മുന്നോട്ടുപോകാൻ അനുമതി നൽകിയെന്ന വാർത്ത തെറ്റാണെന്ന്​ ​ തൃണമൂൽ കോൺഗ്രസ്​ എം.പി ഡെറിക്​ ഒബ്രിയൻ പറഞ്ഞു. തീര​ുമാനം പിൻവലിക്കണമെന്ന്​ പശ്ചിമ ബംഗാൾ മുഖ്യമന്ത്രി മമത ബാനർജിയും ആവശ്യപ്പെട്ടിരുന്നുവെന്ന്​ അദ്ദേഹം വ്യക്​തമാക്കി.