കെജ്​രിവാൾ നുണപറയുന്നു, എനിക്ക്​ നിങ്ങളെപ്പോലെ ബി.ജെ.പിയുമായി ബന്ധമില്ല -അമരീന്ദർ സിങ്​

ന്യൂഡൽഹി: കാർഷിക ബില്ലിനെതിരെ കർഷക പ്രതിഷേധം കനക്കവേ പഞ്ചാബ്​ മുഖ്യമന്ത്രി ക്യാപ്​റ്റൻ അമരീന്ദർ സിങ്ങും ഡൽഹി മുഖ്യമന്ത്രി അരവിന്ദ്​ കെജ്​രിവാളും തമ്മിലുള്ള പോര്​ മുറുകുന്നു. കാർഷിക ബിൽ പാസാക്കുന്ന ​ഡ്രാഫ്​റ്റിങ്​ കമ്മറ്റിയിൽ അമരീന്ദർ ഉണ്ടായിരുന്നെന്നും പഞ്ചാബ്​ മുഖ്യമന്ത്രിയുടേത്​ ഇരട്ടത്താപ്പ്​ നിലപാടാണെന്നുമുള്ള കെജ്​രിവാളിൻെറ പ്രതികരണത്തോട്​ അമീരന്ദർ സിങ്​ രൂക്ഷമായ ഭാഷയിൽ തിരിച്ചടിച്ചു.

''കാർഷിക ബിൽ ഒരു യോഗത്തിലും ചർച്ച ചെയ്​തിട്ടില്ല. നിങ്ങളുടെ ആവർത്തിച്ചുള്ള നുണകൾ ഒരുമാറ്റവും വരുത്തില്ല. എനിക്ക്​ ഇരട്ടത്താപ്പുണ്ടെന്ന്​ ബി.ജെ.പിക്ക്​ ആരോപിക്കാനാവില്ല. കാരണം എനിക്ക്​ നിങ്ങളെപ്പോലെ ബി.ജെ.പിയുമായി ബന്ധമില്ല. എല്ലാത്തിനുമുപരി അവർക്ക്​ നിങ്ങളുമായുള്ള ബന്ധം മറച്ചുവെക്കേണ്ടതുണ്ട്​'' -അമരീന്ദർ സിങ്​ ട്വീറ്റ്​ ചെയ്​തു.

കർഷക പ്രക്ഷോഭം ഹൈജാക്ക്​ ചെയ്യാനുള്ള ശ്രമമാണ്​ കെജ്​രിവാൾ നടത്തുന്നതെന്നും ഭീരുവായ നേതാവാണ്​ അദ്ദേഹമെന്നും അമരീന്ദർ മ​െറ്റാരു ട്വീറ്റിൽ ആരോപിച്ചു. താനൊരു കേസിലും പെട്ടിട്ടില്ലെന്നും കർഷകർ താങ്കളുടെ നാടകങ്ങളിൽ വീഴില്ലെന്നും അമരീന്ദർ കൂട്ടിച്ചേർത്തു.