മഞ്ഞിനടിയിൽ അകപ്പെട്ട ലോറി​ ഡ്രൈവർക്ക്​ അത്ഭുതകരമായ രക്ഷപ്പെടൽ - വിഡിയോ

ശ്രീനഗർ: മഞ്ഞിനടിയിൽ അകപ്പെട്ട ലോറി​ ഡ്രൈവറെ​ അത്ഭുതകരമായി രക്ഷപ്പെടുത്തി. ജമ്മു കശ്​മീരിലെ കുപ്​വാര-കേരൻ റോഡിൽ ഞായറാഴ്ച ഉച്ചക്കുശേഷമാണ്​ സംഭവം. ഈ ഭാഗത്തുണ്ടായിരുന്ന ബോർഡർ റോഡ്​ ഓർ​ഗനൈസേഷൻ ഉദ്യോഗസ്​ഥരാണ്​ ലോറി ഡ്രൈവറെ രക്ഷിച്ചത്​.

109 ആർ.സി.സി യൂനിറ്റിലുള്ള ഒരു സംഘം ഉദ്യോഗസ്​ഥർ ഫാർക്കിയൻ ടോപ്പിലെ വാട്ടർ പോയിന്‍റിനടുത്ത് റോഡിൽ അടിഞ്ഞുകൂടിയ മഞ്ഞ് നീക്കുകയായിരുന്നു. ഇതിനിടയിലാണ്​ ലോറി​ ഡ്രൈവർ മഞ്ഞിനടിയിൽ കുടുങ്ങിയത്​ ശ്രദ്ധയിൽപ്പെട്ടത്​.

മണിക്കൂറുകൾ നീണ്ട കഠിനമായ പരിശ്രമങ്ങൾക്ക് ശേഷമാണ്​ ഡ്രൈവറെ മഞ്ഞിനടിയിൽനിന്ന്​ പുറത്തെടുത്തത്​. മഞ്ഞിലൂടെ വലിയ ദ്വാരമുണ്ടാക്കിയാണ്​ ഇയാളെ രക്ഷിച്ചത്​​. ഇയാൾ സുഖമായിരിക്കുന്നുവെന്നും പരിക്കേറ്റിട്ടില്ലെന്നും ഉദ്യോഗസ്ഥർ അറിയിച്ചു.

WATCH | Miraculous escape for truck driver buried under snow in J&K's #Keran#BRO personnel rescued a truck driver who was buried under snow after an #avalanche at Pharkian Gali top area on #Kupwara-Keran road stretch this afternoon.#Kashmir #JammuKashmir #Beacon @BROindia pic.twitter.com/cJTxO1mbvC

— News Vibes of India (@nviTweets) March 21, 2021