ആമസോണ്‍ അഴിമതി സുപ്രീംകോടതി ജഡ്ജി അന്വേഷിക്കണം -കോൺഗ്രസ്​

തിരുവനന്തപുരം: 8546 കോടി രൂപയുടെ ആമസോണ്‍ അഴിമതി സുപ്രീംകോടതി സിറ്റിങ്​ ജഡ്ജിയെ കൊണ്ട് അന്വേഷിപ്പിക്കണമെന്ന്​ മുന്‍ കേന്ദ്രമന്ത്രി എം.എം. പള്ളം രാജുവും ശശി തരൂരും വാർത്തസമ്മേളനത്തിൽ ആവശ്യപ്പെട്ടു. ഇത്രയും വലിയ തുക കൈപ്പറ്റിയ രാഷ്​ട്രീയക്കാരും ഉന്നത ഉദ്യോഗസ്ഥരും രാഷ്​ട്രീയ പാര്‍ട്ടികളും ആരെന്ന്​ കണ്ടെത്തണം. രാജ്യത്തെ നിയമങ്ങളും ചട്ടങ്ങളും മാറ്റിയെഴുതി ചെറുകിട കച്ചവടക്കാരെയും വ്യവസായ സംരംഭകരെയും ഇല്ലാതാക്കി ആമസോണ്‍ കമ്പനിയുടെ കച്ചവടം ഇന്ത്യയില്‍ പ്രോത്സാഹിപ്പിക്കാൻ വേണ്ടിയായിരുന്നോ ഈ തുക കൈപ്പറ്റിയതെന്നും അവർ ചോദിച്ചു.

ആറ്​ ആമസോണ്‍ കമ്പനികള്‍ ചേര്‍ന്നാണ് നിയമ ഫീ​െസന്ന നിലയിൽ ഈ തുക നല്‍കിയതെന്ന് പറയുന്നു. അത് അഴിമതിക്കാണെന്ന് ആമസോണ്‍ ഭാഗികമായി സമ്മതിച്ചിട്ടുണ്ട്. അമേരിക്കന്‍ ഇ-കോമേഴ്‌സ് കമ്പനിയായ ആമസോണും കേന്ദ്ര സർക്കാറും ഒത്തുകളിച്ച്​ ഇന്ത്യയിലെ ചെറുകിട കച്ചവടക്കാരെയും സംരംഭകരെയും ശ്വാസംമുട്ടിച്ച് അവരുടെ ഉപജീവന മാർഗം ഇല്ലാതാക്കിയതിന്​ പുറമെ 14 കോടി തൊഴിലവസരങ്ങൾ ഇല്ലാതാക്കിയെന്നും നേതാക്കൾ ആരോപിച്ചു.