ബി.ജെ.പി എം.പിമാർ പിടിച്ചുതള്ളിയെന്ന് രാഹുൽ; കോൺഗ്രസ് മാപ്പുപറയണമെന്ന് ബി.ജെ.പി

ന്യൂ​ഡ​ൽ​ഹി: പാ​ർ​ല​മെ​ന്റി​ലേ​ക്കു​ള്ള വ​ഴി​യി​ൽ ത​നി​ക്ക് മു​ന്നി​ൽ വ​ന്നു​നി​ന്ന് ബി.​ജെ.​പി എം.​പി​മാ​ർ ത​ട​സ്സം തീ​ർ​ക്കു​ക​യാ​യി​രു​ന്നെ​ന്ന് രാ​ഹു​ൽ ഗാ​ന്ധി പ​റ​ഞ്ഞു. ‘ബി.​ജെ.​പി എം.​പി​മാ​ർ ഞാ​ൻ പാ​ർ​ല​മെ​ന്റി​ൽ പ്ര​വേ​ശി​ക്കു​ന്ന​ത് ത​ട​ഞ്ഞു. അ​വ​ർ എ​ന്നെ​യും ഖാ​ർ​ഗെ​യെ​യും പ്രി​യ​ങ്ക​യെ​യും പി​ടി​ച്ചു​ത​ള്ളി. സം​ഭ​വി​ച്ച​ത് എ​ന്താ​ണെ​ന്ന് നി​ങ്ങ​ളു​ടെ കാ​മ​റ​ക​ളി​ലു​ണ്ടെ’​ന്ന് രാ​ഹു​ൽ മാ​ധ്യ​മ​പ്ര​വ​ർ​ത്ത​ക​രോ​ടാ​യി പ​റ​ഞ്ഞു.

‘പാ​ർ​ല​മെ​ന്റി​ലെ മു​ഖ്യ​ക​വാ​ട​ത്തി​ലൂ​ടെ ഉ​ള്ളി​ലേ​ക്ക് പോ​കു​ക​യാ​യി​രു​ന്ന എ​ന്റെ മു​ന്നി​ൽ വ​ന്ന് ബി.​ജെ.​പി എം.​പി​മാ​ർ ത​ട​സ്സം സൃ​ഷ്ടി​ച്ചു. എ​ന്നെ പി​ടി​ച്ചു​ത​ള്ളി. ത​ള്ളി​യ​വ​രെ ത​ടു​ത്ത​തോ​ടെ ഉ​ന്തും​ത​ള്ളു​മാ​യി. പാ​ർ​ല​മെ​ന്റി​ൽ പ്ര​വേ​ശി​ക്കു​ക​യെ​ന്ന​ത് എ​ന്റെ അ​വ​കാ​ശ​മാ​ണ്. ഇ​തി​ലെ കേ​ന്ദ്ര​വി​ഷ​യം ഭ​ര​ണ​ഘ​ട​ന​ക്ക് മേ​ൽ ബി.​ജെ.​പി ന​ട​ത്തു​ന്ന ആ​ക്ര​മ​ണ​മാ​ണ്. അം​ബേ​ദ്ക​റി​ന്റെ ഓ​ർ​മ​ക​ളെ ബി.​ജെ.​പി അ​പ​മാ​നി​ക്കു​ക​യാ​ണ്. അ​തി​നെ​തി​രാ​യ പ്ര​തി​ഷേ​ധ​ത്തി​ൽ​നി​ന്ന് പി​ന്മാ​റി​ല്ലെ’​ന്നും രാ​ഹു​ൽ പ​റ​ഞ്ഞു.

‘ബി.ജെ.പി ആക്രമണം ശ്രദ്ധ തിരിക്കാൻ’

ന്യൂ​ഡ​ൽ​ഹി: ഭ​ര​ണ​ഘ​ട​ന ശി​ൽ​പി ബി.​ആ​ർ. അം​ബേ​ദ്ക​ർ​ക്കെ​തി​രെ കേ​ന്ദ്ര ആ​ഭ്യ​ന്ത​ര​മ​ന്ത്രി അ​മി​ത് ഷാ ​ന​ട​ത്തി​യ വി​വാ​ദ പ​രാ​മ​ർ​ശ​ങ്ങ​ളി​ൽ​നി​ന്ന് ശ്ര​ദ്ധ തി​രി​ക്കാ​നാ​ണ് ബി.​ജെ.​പി സം​ഘ​ർ​ഷ​മു​ണ്ടാ​ക്കി​യ​തെ​ന്ന് പ്ര​തി​പ​ക്ഷ നേ​താ​വ് രാ​ഹു​ൽ ഗാ​ന്ധി. അം​ബേ​ദ്ക​റു​ടെ പ്ര​തി​ക്ക് സ​മീ​പ​ത്തു​നി​ന്ന് സ​മാ​ധാ​ന​പ​ര​മാ​യി പാ​ർ​ല​മെ​ന്റ് മ​ന്ദി​ര​ത്തി​ലേ​ക്ക് പോ​കു​ക​യാ​യി​രു​ന്ന പ്ര​തി​പ​ക്ഷ എം.​പി​മാ​രെ കൈ​യി​ൽ വ​ടി​ക​ളു​മാ​യി ക​വാ​ട​ത്തി​ലു​ണ്ടാ​യി​രു​ന്ന ബി.​ജെ.​പി എം.​പി​മാ​ർ ത​ട​യു​ക​യാ​യി​രു​ന്നു.

പാ​ർ​ല​മെ​ന്റ് സ​മ്മേ​ള​നം ആ​രം​ഭി​ച്ച​തു മു​ത​ൽ അ​ദാ​നി​ക്കെ​തി​രെ ഉ​യ​ർ​ന്ന അ​മേ​രി​ക്ക​യി​ലെ കേ​സ് അ​ട​ക്ക​മു​ള്ള പ്ര​ധാ​ന വി​ഷ​യ​ങ്ങ​ൾ വ​ഴി​തി​രി​ച്ചു​വി​ടാ​ൻ ബി.​ജെ.​പി ശ്ര​മി​ക്കു​ന്നു​ണ്ട്. ബി.​ജെ.​പി​യു​ടെ പ്ര​ത്യ​യ​ശാ​സ്ത്രം ഭ​ര​ണ​ഘ​ട​നാ​വി​രു​ദ്ധ​വും അം​ബേ​ദ്ക​ർ​വി​രു​ദ്ധ​വു​മാ​ണ്. അം​ബേ​ദ്ക​റു​ടെ പാ​ര​മ്പ​ര്യ​വും സം​ഭാ​വ​ന​ക​ളും ഇ​ല്ലാ​താ​ക്കാ​നാ​ണ് അ​വ​ർ ശ്ര​മി​ക്കു​ന്ന​തെ​ന്നും എ.​ഐ.​സി.​സി ആ​സ്ഥാ​ന​ത്ത് ന​ട​ത്തി​യ വാ​ർ​ത്താ​സ​മ്മേ​ള​ന​ത്തി​ൽ രാ​ഹു​ൽ ഗാ​ന്ധി പ​റ​ഞ്ഞു. അം​ബേ​ദ്ക​റെ​ക്കു​റി​ച്ചു​ള്ള അ​മി​ത് ഷാ​യു​ടെ പ​രാ​മ​ർ​ശ​വും അ​ദ്ദേ​ഹ​ത്തി​നെ​തി​രെ അ​വ​ർ പ്ര​തി​ഫ​ലി​പ്പി​ക്കു​ന്ന മാ​ന​സി​കാ​വ​സ്ഥ​യും അ​പ​ല​പ​നീ​യ​മാ​ണെ​ന്ന് കോ​ൺ​ഗ്ര​സ് അ​ധ്യ​ക്ഷ​ൻ മ​ല്ലി​കാ​ർ​ജു​ൻ ഖാ​ർ​ഗെ വ്യ​ക്ത​മാ​ക്കി.

കോൺഗ്രസ് മാപ്പുപറയണമെന്ന് ബി.ജെ.പി

ന്യൂ​ഡ​ൽ​ഹി: പാ​ർ​ല​മെ​ന്റി​ലെ അ​നി​ഷ്ട സം​ഭ​വ​ങ്ങ​ൾ​ക്ക് കോ​ൺ​ഗ്ര​സ് മാ​പ്പു​പ​റ​യ​ണ​മെ​ന്ന് കേ​ന്ദ്ര​മ​ന്ത്രി ശി​വ​രാ​ജ് സി​ങ് ചൗ​ഹാ​ൻ. വ്യാ​ഴാ​ഴ്ച പാ​ർ​ല​​മെ​ന്റി​ലു​ണ്ടാ​യ​ത് പ​രി​ഷ്കൃ​ത സ​മൂ​ഹ​ത്തി​ന് സ​ങ്ക​ൽ​പി​ക്കാ​ൻ​പോ​ലും ക​ഴി​യാ​ത്ത കാ​ര്യ​ങ്ങ​ളാ​ണ്. സ്പീ​ക്ക​റു​ടെ ചെ​യ​റി​ന്റെ അ​ന്ത​സ്സ് ക​ള​ങ്ക​പ്പെ​ട്ടു. കോ​ൺ​ഗ്ര​സ് എം.​പി​മാ​ർ സ്പീ​ക്ക​റു​ടെ ചെ​യ​റി​ന് മു​ക​ളി​ൽ ക​യ​റി. ആ​ദി​വാ​സി വി​ഭാ​ഗ​ക്കാ​രി​യാ​യ വ​നി​ത എം.​പി​ക്ക് നേ​രി​ട്ട ദു​ര​നു​ഭ​വം ഞെ​ട്ടി​ക്കു​ന്ന​താ​ണ്.

മ​റ്റൊ​രു വാ​തി​ൽ വ​ഴി അ​ക​ത്തു​ക​ട​ക്കാ​മെ​ന്നി​രി​ക്കെ പ്ര​തി​പ​ക്ഷ നേ​താ​വ് രാ​ഹു​ൽ ഗാ​ന്ധി​യ​ട​ക്ക​മു​ള്ള​വ​ർ ബി.​ജെ.​പി എം.​പി​മാ​ർ പ്ര​തി​ഷേ​ധി​ച്ചി​രു​ന്ന ക​വാ​ട​ത്തി​ലൂ​ടെ ബ​ലം​പ്ര​യോ​ഗി​ച്ച് അ​ക​ത്തു​ക​ട​ക്കാ​ൻ ശ്ര​മി​ക്കു​ക​യാ​യി​രു​ന്നു. മു​മ്പ് ഇ​വി​ടെ കോ​ൺ​ഗ്ര​സ് എം.​പി​മാ​ർ പ്ര​തി​ഷേ​ധി​ച്ച​പ്പോ​ൾ ത​ങ്ങ​ൾ മ​റ്റൊ​രു ക​വാ​ട​ത്തി​ലൂ​ടെ​യാ​ണ് അ​ക​ത്തു​ക​ട​ന്നി​രു​ന്ന​ത്. മ​നഃ​പൂ​ർ​വം സം​ഘ​ർ​ഷ​മു​ണ്ടാ​ക്കു​ക​യാ​യി​രു​ന്നു പ്ര​തി​പ​ക്ഷ എം.​പി​മാ​രു​ടെ ല​ക്ഷ്യംമെന്നും അദ്ദേഹംപറഞ്ഞു.