മോദി ഹിന്ദുക്കളെയും മുസ്​ലിംകളെയും തമ്മിലടിപ്പിക്കുന്നു; ഇത്​ ഇന്ത്യയെ എന്നെന്നേക്കുമായി നശിപ്പിക്കും -നൊബേൽ ജേതാവ്​

വാഷിങ്​ടൺ: ന​രേന്ദ്ര​ മോദി സർക്കാർ ഹിന്ദുക്കളെയും മുസ്​ലിംകളെയും തമ്മിലടിപ്പിക്കുന്നെന്നും ഇത്​ ഇന്ത്യയെ എന്നെന്നേക്കുമായി നശിപ്പിക്കുമെന്നും അമേരിക്കൻ സാമ്പത്തിക ശാസ്​ത്രജ്​ഞനും ഗ്രന്ഥകാരനുമായ ജോസഫ്​ സ്​റ്റിഗ്​ ലിറ്റ്​സ്​. ഫെഡറേഷൻ ഓഫ്​ ഇന്ത്യൻ ചേംബേഴ്​സ്​ ഓഫ്​ കൊമേഴ്​സ്​ ആൻഡ്​ ഇൻഡസ്​ട്രിയുടെ വെബ്​ കോൺഫറൻസിൽ സംസാരിക്കവേയാണ്​​ നൊ​േബൽ സമ്മാന ജേതാവുകൂടിയായ സ്​റ്റിഗ്​ ലിറ്റ്​സി​െൻറ പ്രതികരണം.

''നിങ്ങളു​െട കഴിഞ്ഞ 250 വർഷത്തെ സാമ്പത്തിക പുരോഗതിയുടെ കാരണം സഹിഷ്​ണുതയും ബഹുസ്വരതയുമാണ്​. നിങ്ങൾ ചെയ്യേണ്ടതി​െൻറ നേർവിപരീതമാണ്​ വിഭജന രാഷ്​ട്രീയം. മോദി നിങ്ങളുടെ രാജ്യത്തെ വിഭജിക്കാൻ ശ്രമിച്ചുകൊണ്ടിരിക്കുന്നു. മുസ്​ലിംകളെയും ഹിന്ദുക്കളെയും തമ്മിലടിപ്പിക്കുന്നു. ഇത്​ നിങ്ങളുടെ സാമൂഹിക-സാമ്പത്തിക വ്യവസ്ഥയെ തകർക്കും. അടിസ്ഥാന സ്വഭാവത്തിൽ നടക്കുന്ന ഈ വിഭജനം ഇന്ത്യയെ എന്നെന്നേക്കുമായി നശിപ്പിക്കും''.

''ഇന്ത്യയും അമേരിക്കയും ബ്രസീലുമടക്കമുള്ള രാജ്യങ്ങൾ കോവിഡിനെ പ്രതിരോധിക്കുന്നതിൽ സമ്പൂർണ പരാജയമാണ്​. എന്തുചെയ്യരുതെന്നതി​െൻറ ഉത്തമ ഉദാഹരമാണ്​ ഇന്ത്യ. ഇന്ത്യപോലുള്ള ഒരു ദരിദ്രരാജ്യത്ത്​ ലോക്​ഡൗൺ ​പ്രഖ്യാപിക്കു​േമ്പാൾ കൂടുതൽ ചിന്തിക്കേണ്ടിയിരുന്നു. ആളുകൾ എങ്ങനെ ജീവിക്കുമെന്ന്​ മനസ്സിലാക്കേണ്ടിയിരുന്നു. ഒരുപാട്​ മനുഷ്യർ രാജ്യത്തുടനീളം സഞ്ചരിച്ചുകൊണ്ടേയിരുന്നു. പകർച്ച വ്യാധിയെ തുരത്താതെ സാമ്പത്തിക ശക്തി വീണ്ടെടുക്കാൻ കഴിയാത്തതിനാൽ ഇന്ത്യ പ്രതിരോധ പ്രവർത്തനങ്ങളിൽ ​ശ്രദ്ധ കേന്ദ്രീക്കണം''. -സ്​റ്റിഗ്​ ലിറ്റ്​സ്​ അഭിപ്രായപ്പെട്ടു.

പൊതുനയ വിദഗ്​ധൻ കൂടിയയ സ്​റ്റിഗ്​ ലിറ്റ്​സ്​ അമേരിക്കയിലെ കൊളംബിയ സർവകലാശാലയിലെ ​പ്രൊഫസറാണ്​. ലോകബാങ്കി​െൻറ സീനിയർ വൈസ്​ പ്രസിഡൻറും ചീഫ്​ ഇക്കണോമിസ്​റ്റുമായി സേവനമനുഷ്​ഠിച്ച സ്​റ്റിഗ്​ലിറ്റ്​സിന്​ 2001ലാണ്​ നോബേൽ സമ്മാനം ലഭിച്ചത്​.