ഇത്തവണ ഇന്ത്യയിൽ നിന്ന്​ ദീപാവലി മധുരം വേണ്ടെന്ന്​ പാക്​ റേഞ്ചർമാരും ഐ.എസ്​.ഐയും

ന്യൂഡൽഹി: കാലങ്ങളായി തുടർന്നു വരുന്ന ദീപാവലി മധുര പലഹാര കൈമാറ്റം വേണ്ടെന്ന്​ പാക്​ റേഞ്ചർമാരും ഐ.എസ്​.ഐയും വ് യക്തമാക്കി. ഇത്തവണ ഇന്ത്യയിൽ നിന്ന്​ മധുര പലഹാരങ്ങളും സമ്മാനങ്ങളും സ്വീകരിക്കില്ല. അതിർത്തിയിൽ ഇരു രാഷ്​ട്രങ ്ങളും തമ്മിലുള്ള സംഘർഷങ്ങൾ രൂക്ഷമായതാണ്​ മധുരം സ്വീകരിക്കുന്നതിൽ നിന്ന്​ പാകിസ്​താനെ പിൻവലിപ്പിച്ചത്​. നേരത്തേ ഈദിനോടനുബന്ധിച്ചും കഴിഞ്ഞ വർഷം റിപ്പബ്ലിക്​ ദിനത്തോടനുബന്ധിച്ചും ഇന്ത്യൻ സൈനികരിൽ നിന്ന്​ മധുരപലഹാരം പാകിസ്​താൻ റേഞ്ചർമാർ സ്വീകരിച്ചിരുന്നില്ല.

ജമ്മു കശ്​മീരിന്​ പ്രത്യേക പദവി നൽകുന്ന ആർട്ടിക്കിൾ 370 എടുത്തു കളഞ്ഞതിനെ തുടർന്ന്​ ഇന്ത്യയും പാകിസ്​താനും തമ്മിലുള്ള പ്രശ്​നം രൂക്ഷമായിരുന്നു. അതിർത്തി പ്രദേശത്ത് പാകിസ്​താ​​െൻറ ഭാഗത്തു നിന്ന്​​ നിരന്തരമായി വെടിനിർത്തൽ കരാർ ലംഘനങ്ങൾ തുടരുകയും ഇന്ത്യ തിരിച്ചടിക്കുകയും ചെയ്യുന്നുണ്ട്​.

തീവ്രവാദികൾ ഇന്ത്യയി​ലേക്ക്​ നുഴഞ്ഞു കയറാൻ ശ്രമിച്ചതിനെ തുടർന്ന്​ പാക്​ അധീന കശ്​മീരിലെ തീവ്രവാദ ക്യാമ്പുകൾക്ക്​ നേരെ ഇന്ത്യ ആക്രമണം നടത്തിയിരുന്നു. കശ്​മീരിൽ പാക്​ വെടിവെപ്പിൽ രണ്ട്​ സൈനികര​ും ഒരു സിവിലിയനും കൊല്ലപ്പെട്ടിരുന്നു.