കർഷക പ്രതിഷേധം: അമിത്​​ ഷാ അടിയന്തര യോഗം വിളിച്ചു

ന്യൂഡൽഹി: റിപ്പബ്ലിക്​ ദിനത്തിലെ കർഷക പ്രതിഷേധത്തിന്‍റെ പശ്ചാത്തലത്തിൽ കേന്ദ്ര ആഭ്യന്തര മന്ത്രി അമിത്​ ഷാ അടിയന്തിര യോഗം വിളിച്ചു. സംഭവങ്ങൾ വിലയിരുത്താനും സുരക്ഷയെക്കുറിച്ച്​ ചർച്ചചെയ്യാനുമാണ്​ ഉന്നതതല യോഗം വിളിക്കുന്നത്​. ഹോം സെക്രട്ടറി അജയ്​ ബല്ല, ഡൽഹി പൊലീസ്​ കമീഷണർ എസ്​.എൻ ​ശ്രീവാസ്​ത അടക്കമുള്ളവർ യോഗത്തിൽ പ​ങ്കെടുക്കുന്നുണ്ട്​.

റി​പ​ബ്ലി​ക്ക് ദി​ന​ത്തി​ല്‍ കാ​ര്‍​ഷി​ക നി​യ​മ​ങ്ങ​ള്‍​ക്കെ​തി​രെ ഡ​ൽ​ഹി​യി​ലേ​ക്ക് ആ​രം​ഭി​ച്ച ക​ർ​ഷ​ക മാ​ർ​ച്ചി​ൽ വ​ൻ​സം​ഘ​ർ​ഷമുണ്ടായിരുന്നു. ചെങ്കോട്ടയിൽ ദേശീയ പതാകക്ക്​ താഴെയായി കർഷകർ തങ്ങളുടെ പതാക ഉയർത്തിയിരുന്നു. ഏറെ സമയത്തിന് ശേഷമാണ് ചെങ്കോട്ടയിൽ നിന്ന് പ്രതിഷേധക്കാരെ ഒഴിപ്പിക്കാൻ പൊലീസിനായത്. കേന്ദ്രസേനയും അർധസൈനികരും കർഷകസമരത്തെ നേരിടാനായി രംഗത്തിറങ്ങിയിട്ടുണ്ട്​.

ന​ഗ​ര​ഹൃ​ദ​യ​മാ​യ ഐ​.ടി​.ഒ​യി​ൽ സം​ഘ​ർ​ഷ​ത്തി​നി​ടെ ഒ​രു ക​ർ​ഷ​ക​ൻ മ​രി​ച്ചു. ഉ​ത്ത​ര​ഖാ​ണ്ഡി​ൽ നി​ന്നു​ള്ള ക​ർ​ഷ​ക​നാ​ണ് മ​രി​ച്ച​ത്. പോ​ലീ​സി​ന്‍റെ വെ​ടി​യേ​റ്റാ​ണ് മ​രി​ച്ച​തെ​ന്ന് ക​ർ​ഷ​ക​ർ ആ​രോ​പി​ച്ചു. അ​തേ​സ​മ​യം, ട്രാ​ക്ട​ർ മ​റി​ഞ്ഞാ​ണ് മ​ര​ണ​മെ​ന്നാ​ണ് പോ​ലീ​സ് വാദം.‌ മരിച്ച കർഷകന്‍റെ മൃതദേഹവുമായി കർഷകർ പ്രതിഷേധിച്ചു.