പ്ര​തി​പ​ക്ഷ സ​ഖ്യ​മായ ഇന്ത്യയെ ``പ​ഴ​യ കു​പ്പി​യി​ലെ പ​ഴ​യ വീ​ഞ്ഞ്'' എ​ന്ന് ഉ​പ​മി​ച്ച് അ​മി​ത് ഷാ

ഗാന്ധിനഗർ: രാജ്യത്തെ പ്ര​തി​പ​ക്ഷ സ​ഖ്യ​മാ​യ ഇ​ന്ത്യ​ക്കെതിരെ രൂക്ഷ വി​മ​ർ​ശ​ന​വു​മാ​യി കേ​ന്ദ്ര ആ​ഭ്യ​ന്ത​ര​മ​ന്ത്രി അ​മി​ത് ഷാ. ​പ്ര​തി​പ​ക്ഷ സ​ഖ്യ​ത്തെ ``പ​ഴ​യ കു​പ്പി​യി​ലെ പ​ഴ​യ വീ​ഞ്ഞ്'' എ​ന്നാണ് അ​മി​ത് ഷാ ഉപമിച്ചത്. 12 ​ല​ക്ഷം കോ​ടി രൂ​പ​യു​ടെ അ​ഴി​മ​തി​യി​ൽ ഏ​ർ​പ്പെ​ട്ടി​രി​ക്കു​ന്ന ഒ​രു കൂ​ട്ടം നേ​താ​ക്ക​ളാ​ണ് ഈ സ​ഖ്യ​ത്തി​ലുള്ളതെന്നും കുറ്റപ്പെടുത്തി.

പ്ര​തി​പ​ക്ഷ​മാ​യ കോ​ണ്‍​ഗ്ര​സി​നെ ക​ട​ന്നാ​ക്ര​മി​ച്ച ഷാ, ​അ​തി​ന്‍റെ ഭ​ര​ണ​കാ​ല​ത്ത് ഇ​ന്ത്യ​യു​ടെ സ​മ്പ​ദ്‌വ്യ​വ​സ്ഥ ലോ​ക​ത്തി​ലെ 11-ാം റാ​ങ്കി​ന് അ​പ്പു​റ​ത്തേ​ക്ക് പോ​യി​ട്ടി​ല്ല. എന്നാൽ പ്ര​ധാ​ന​മ​ന്ത്രി ന​രേ​ന്ദ്ര മോ​ദി ഒ​റ്റ​യ​ടി​ക്ക് അ​തി​നെ അ​ഞ്ചാം സ്ഥാ​ന​ത്തെ​ത്തി​ച്ചെ​ന്നും അമിത് ഷാ അവകാശപ്പെട്ടു.

12 ല​ക്ഷം കോ​ടി രൂ​പ​യു​ടെ അ​ഴി​മ​തി​യി​ൽ ഏ​ർ​പ്പെ​ട്ടി​രി​ക്കു​ന്ന ഒ​രു കൂ​ട്ടം നേ​താ​ക്ക​ളാ​ണ് യു​.പി.എ​യിലും കോ​ണ്‍​ഗ്ര​സിലുമുള്ളത്. അ​വ​ർ ഇ​പ്പോ​ൾ പേ​ര് മാ​റ്റിയിരികുകകയാണ്. എ​ന്നാ​ൽ നി​ങ്ങ​ൾ അ​വ​രെ യു​.പി.എ എ​ന്ന് വി​ളി​ക്ക​ണ​മെ​ന്നും അ​മി​ത് ഷാ ​പ​റ​ഞ്ഞു. പ​ഴ​യ വീ​ഞ്ഞ് പു​തി​യ കു​പ്പി​യി​ൽ എ​ന്ന ചൊ​ല്ല് നി​ങ്ങ​ൾ കേ​ട്ടി​ട്ടി​ല്ലേ. എ​ന്നാ​ൽ ഇ​വി​ടെ കു​പ്പി​യും വീ​ഞ്ഞും പ​ഴ​യ​താ​ണ്. അ​തു​കൊ​ണ്ട് ച​തി​ക്ക​പ്പെ​ട​രു​ത്. മോ​ദി​യു​ടെ നേ​തൃ​ത്വ​ത്തി​ൽ ബി​.ജെ.പി ഭൂ​രി​പ​ക്ഷ​ത്തോ​ടെ അ​ധി​കാ​ര​ത്തി​ൽ തി​രി​ച്ചെ​ത്തു​മെ​ന്നും അ​മി​ത് ഷാ ​പ​റ​ഞ്ഞു.

ന​മ്മ​ളി​ൽ പ​ല​രും രാ​ജ്യ​ത്തി​ന്‍റെ സ്വാ​ത​ന്ത്ര്യ​ത്തി​നാ​യു​ള്ള പോ​രാ​ട്ടം ക​ണ്ടി​ട്ടി​ല്ല. രാ​ജ്യ​ത്തി​നു​വേ​ണ്ടി മ​രി​ക്കാ​നു​ള്ള അ​വ​സ​രം ല​ഭി​ച്ചി​ട്ടു​മി​ല്ല. രാ​ജ്യ​ത്തി​നു​വേ​ണ്ടി ജീ​വ​ൻ ബ​ലി​യ​ർ​പ്പി​ക്കു​മാ​യി​രു​ന്നു​വെ​ന്ന് പ​ല​രും പ​റ​യാ​റു​ണ്ട്. എ​ന്നാ​ൽ രാ​ജ്യ​ത്തി​ന് വേ​ണ്ടി ജീ​വ​ൻ ബ​ലി​യ​ർ​പ്പി​ക്കേ​ണ്ട​തി​ല്ല. രാ​ജ്യ​ത്തി​നു വേ​ണ്ടി ജീ​വി​ക്കു​ന്ന​തി​ൽ നി​ന്ന് ഞ​ങ്ങ​ളെ ത​ട​യാ​ൻ ആ​ർ​ക്കും ക​ഴി​യി​ല്ലെ​ന്നും അ​മി​ത് ഷാ ​പ​റ​ഞ്ഞു. ഗുജറാത്തിലെ ഗാന്ധിനഗർ ജില്ലയിൽ നാഷണൽ സെക്യൂരിറ്റി ഗാർഡിന്റെ (എൻ.എസ്.ജി) പ്രാദേശിക കേന്ദ്രത്തിന് തറക്കല്ലിട്ട ശേഷം നടന്ന സമ്മേളനത്തെ അഭിസംബോധന ചെയ്യുകയായിരുന്നു കേന്ദ്ര ആഭ്യന്തര മന്ത്രി.