മ​ണ്ഡ​ല പു​ന​ർ​നി​ർ​ണ​യം: ബി.​ജെ.​പി നേ​ട്ടം കൊ​യ്യു​ക ഇ​ങ്ങ​നെ; അ​മി​ത് ഷാ ​പ​റ​ഞ്ഞ​തി​ലെ ത​ന്ത്ര​വും കു​ത​ന്ത്ര​വും

ഏ​റെ നാ​ളാ​യി ദ​ക്ഷി​ണേ​ന്ത്യ​ൻ സം​സ്ഥാ​ന​ങ്ങ​ൾ ആ​ശ​ങ്ക​പ്പെ​ടു​ന്ന​തും ക​ഴി​ഞ്ഞ ദി​വ​സം ത​മി​ഴ്നാ​ട് മു​ഖ്യ​മ​ന്ത്രി എം.​കെ. സ്റ്റാ​ലി​ൻ വെ​ടി പൊ​ട്ടി​ക്കു​ക​യും ചെ​യ്ത മ​ണ്ഡ​ല പു​ന​ർ​നി​ർ​ണ​യ വി​വാ​ദ​ത്തി​ൽ കേ​ന്ദ്ര ആ​ഭ്യ​ന്ത​ര മ​ന്ത്രി അ​മി​ത് ഷാ​യു​ടെ നി​ഷേ​ധം സാ​​ങ്കേ​തി​ക​മാ​യി ശ​രി​യാ​ണെ​ങ്കി​ലും ഒ​ളി​ച്ചി​രി​ക്കു​ന്ന​ത് വ​ൻ പ​ദ്ധ​തി​യെ​ന്ന് ക​ണ​ക്കു​ക​ൾ.

ജ​ന​സം​ഖ്യാ​നു​പാ​തി​ക​മാ​യി മ​ണ്ഡ​ല പു​ന​ർ​നി​ർ​ണ​യം ന​ട​ത്തി​യാ​ൽ ബി.​ജെ.​പി​ക്ക് സ്വാ​ധീ​ന​മു​ള്ള സം​സ്ഥാ​ന​ങ്ങ​ളി​ൽ ലോ​ക്സ​ഭ സീ​റ്റു​ക​ളു​ടെ എ​ണ്ണ​ത്തി​ൽ വ​ൻ വ​ർ​ധ​ന​യു​ണ്ടാ​കു​മെ​ന്ന​താ​ണ് യാ​ഥാ​ർ​ഥ്യം. ദ​ക്ഷി​ണേ​ന്ത്യ​യി​ൽ മ​ണ്ഡ​ല​ങ്ങ​ളു​ടെ എ​ണ്ണം കു​റ​യു​ന്ന​താ​ണ് ഇ​തി​ലെ പ്ര​ധാ​ന ഹി​ഡ​ൺ അ​ജ​ണ്ട.

ത​മി​ഴ്നാ​ട്, ക​ർ​ണാ​ട​ക സം​സ്ഥാ​ന മു​ഖ്യ​മ​ന്ത്രി​മാ​ർ ഇ​ക്കാ​ര്യ​ത്തി​ലു​ള്ള വി​യോ​ജി​പ്പ് അ​റി​യി​ച്ചു​ക​ഴി​ഞ്ഞു. അ​തേ​സ​മ​യം, ന​ട​പ​ടി​ക​ളു​മാ​യി മു​ന്നോ​ട്ടു​പോ​കു​മെ​ന്ന് ആ​ഭ്യ​ന്ത​ര മ​ന്ത്രി ​പ്ര​ഖ്യാ​പി​ച്ചി​ട്ടു​ണ്ട്. മ​ണ്ഡ​ല പു​ന​ർ​നി​ർ​ണ​ത്തി​നു​ശേ​ഷം ദ​ക്ഷി​ണേ​ന്ത്യ​ൻ സം​സ്ഥാ​ന​ങ്ങ​ളു​ടെ സീ​റ്റ് കു​റ​യി​ല്ലെ​ന്നും അ​ദ്ദേ​ഹം പ​റ​ഞ്ഞു.

നേ​ട്ടം ആ​ർ​ക്ക്?

മ​ണ്ഡ​ല പു​ന​ർ​നി​ർ​ണ​യം അ​ഥ​വാ ഡി ​ലി​മി​റ്റേ​ഷ​ൻ എ​ന്ന​ത് സ​ർ​ക്കാ​റി​ന്റെ ഭ​ര​ണ​ഘ​ട​ന​പ​ര​മാ​യ ഉ​ത്ത​ര​വാ​ദി​ത്ത​മാ​ണ്. ഓ​രോ സെ​ൻ​സ​സി​നു​ശേ​ഷ​വും ജ​ന​സം​ഖ്യാ​നു​പാ​തി​ക​മാ​യി വേ​ണം മ​ണ്ഡ​ല​ങ്ങ​ളു​ടെ എ​ണ്ണം ക​ണ​ക്കാ​ക്കാ​ൻ. 1951, 61, 71 സെ​ൻ​സ​സു​ക​ൾ​ക്കു​ശേ​ഷം കൃ​ത്യ​മാ​യി ഇ​ത് ന​ട​ക്കു​ക​യും ചെ​യ്തു. അ​ടി​യ​ന്ത​രാ​വ​സ്ഥ​ക്കാ​ല​ത്ത്, ഭ​ര​ണ​ഘ​ട​ന ഭേ​ദ​ഗ​തി​യി​ലൂ​ടെ 2001 വ​രെ പു​ന​ർ​നി​ർ​ണ​യം വേ​ണ്ടെ​ന്നും തീ​രു​മാ​നി​ച്ചു. 2001ൽ, ​മ​ണ്ഡ​ല​ങ്ങ​ളു​ടെ അ​തി​ർ​ത്തി മാ​റി​യെ​ങ്കി​ലും എ​ണ്ണ​ത്തി​ൽ മാ​റ്റം വ​രു​ത്തി​യി​ല്ല. ഇ​പ്പോ​ൾ, ഒ​രി​ക്ക​ൽ​കൂ​ടി പു​ന​ർ​നി​ർ​ണ​യ​ത്തി​നു​ള്ള സ​മ​യ​മാ​യി​രി​ക്കു​ന്നു. 2021ലെ ​സെ​ൻ​സ​സ് ന​ട​പ​ടി​ക​ൾ തു​ട​ങ്ങി​യി​ട്ട​ി​ല്ലെ​ങ്കി​ലും അ​ടു​ത്തു​ത​ന്നെ ഡി ​ലി​മി​റ്റേ​ഷ​ൻ ​പ്ര​ക്രി​യ ആ​രം​ഭി​ക്കു​മെ​ന്ന് ആ​ഭ്യ​ന്ത​ര മ​ന്ത്രാ​ല​യം പ​ല​കു​റി വ്യ​ക്ത​മാ​ക്കി​യി​ട്ടു​ണ്ട്.

20 ല​ക്ഷം പേ​ർ​ക്കാ​യി ഒ​രു ലോ​ക്സ​ഭ മ​ണ്ഡ​ലം എ​ന്നാ​ണ് പു​തി​യ പു​ന​ർ​നി​ർ​ണ​യ​ത്തി​ന് മാ​ന​ദ​ണ്ഡ​മാ​യി പ​റ​യു​ന്ന​ത്. ഇ​ക്കാ​ര്യം കേ​ന്ദ്രം സ്ഥി​രീ​ക​രി​ച്ചി​ട്ടി​ല്ലെ​ങ്കി​ലും ഇങ്ങനെ ആയിരിക്കും പു​ന​ർ​നി​ർ​ണ​യ​മെ​ന്ന​തി​ന്റെ സൂ​ച​ന​ക​ളാ​ണ് വരുന്നത്. അ​ങ്ങ​നെ​യെ​ങ്കി​ൽ ഉ​റ​പ്പാ​യും ലോ​ക്സ​ഭ മ​ണ്ഡ​ല​ങ്ങ​ളു​ടെ എ​ണ്ണം 700 ക​ട​ക്കും; വ​ർ​ധി​ച്ച സീ​റ്റു​ക​ളി​ൽ 85 ശ​ത​മാ​ന​വും ഉ​ത്ത​രേ​ന്ത്യ​യി​ലു​മാ​യി​രി​ക്കും. കേ​ര​ള​മ​ട​ക്ക​മു​ള്ള ദ​ക്ഷി​ണേ​ന്ത്യ​ൻ സം​സ്ഥാ​ന​ങ്ങ​ളി​ൽ സീ​റ്റ് കു​റ​യു​ക​യും ചെ​യ്യും. ദ​ക്ഷി​ണേ​ന്ത്യ​ൻ സം​സ്ഥാ​ന​ങ്ങ​ളി​ൽ സീ​റ്റ് കു​റ​യി​ല്ലെ​ന്ന അ​മി​ത് ഷാ​യു​ടെ പ്ര​സ്താ​വ​ന മു​ഖ​വി​ല​ക്കെ​ടു​ത്താ​ൽ പോ​ലും ഉ​ത്ത​രേ​ന്ത്യ​യി​ൽ മ​ണ്ഡ​ല​ങ്ങ​ളു​ടെ എ​ണ്ണം കൂ​ടു​മെ​ന്നു​റ​പ്പാ​ണ്.

ജ​ന​സം​ഖ്യ നി​യ​ന്ത്ര​ണം തി​രി​ച്ച​ടി

രാ​ജ്യ​ത്ത് ജ​ന​സം​ഖ്യ നി​യ​ന്ത്ര​ണ പ​രി​പാ​ടി​ക​ൾ കൃ​ത്യ​മാ​യി ന​ട​പ്പാ​ക്കി​യ സം​സ്ഥാ​ന​ങ്ങ​ളി​ൽ ലോ​ക്സ​ഭ മ​ണ്ഡ​ല​ങ്ങ​ളു​ടെ എ​ണ്ണം ഗ​ണ്യ​മാ​യി കു​റ​യു​മെ​ന്നാ​ണ് ക​ണ​ക്കു​ക​ൾ സൂ​ചി​പ്പി​ക്കു​ന്ന​ത്. ഇ​ത് നേ​ട്ട​മാ​കു​ന്ന​താ​ക​ട്ടെ, ഉ​ത്ത​രേ​ന്ത്യ​യി​ൽ സ്വാ​ധീ​ന​മു​ള്ള ബി.​ജെ.​പി​ക്കും. ലോ​ക​ത്ത് ഏ​റ്റ​വും വ​ലി​യ ജ​ന​സം​ഖ്യ​യു​ള്ള രാ​ജ്യ​മി​പ്പോ​ൾ ഇ​ന്ത്യ​യാ​ണ്. 143 കോ​ടി ജ​ന​ങ്ങ​ൾ രാ​ജ്യ​ത്തു​ണ്ട്. ജ​ന​സം​ഖ്യാ​നു​പാ​തി​ക​മാ​യി മ​ണ്ഡ​ല​ങ്ങ​ളെ ത​രം​തി​ച്ചാ​ൽ 543 ലോ​ക്സ​ഭ മ​ണ്ഡ​ല​ങ്ങ​ൾ എ​ന്ന​ത് 753 ആ​കും.

സം​സ്ഥാ​ന​ങ്ങ​ൾ തി​രി​ച്ച് ക​ണ​ക്കാ​ക്കു​മ്പോ​ൾ, യു.​പി​യി​ലെ 80 സീ​റ്റ് 128 ആ​കും. മ​ഹാ​രാ​ഷ്ട്ര​യി​ലും ബി​ഹാ​റി​ലു​മെ​ല്ലാം സ​മാ​ന​മാ​യ ഉ​യ​ർ​ച്ച കാ​ണാം. എ​ന്നാ​ൽ, ദ​ക്ഷി​ണേ​ന്ത്യ​യി​ൽ കാ​ര്യ​ങ്ങ​ൾ ആ​കെ മാ​റി​മ​റി​യും. നി​ല​വി​ൽ 543 സീ​റ്റി​ൽ ദ​ക്ഷി​ണേ​ന്ത്യ​യി​ലു​ള്ള​ത് 129 സീ​റ്റാ​ണ്. അ​ത് 753ലേ​ക്ക് ഉ​യ​രു​മ്പോ​ൾ ദ​ക്ഷി​ണേ​ന്ത്യ​യി​ൽ ആ​കെ വ​ർ​ധി​ക്കു​ക 15 സീ​റ്റ് മാ​​ത്രം. കേ​ര​ള​ത്തി​ൽ ഒ​രു സീ​റ്റ് കു​റ​യു​ക​യും ചെ​യ്യും.