അമിത്​ ഷാ ജമ്മുകശ്​മീർ സന്ദർശിച്ചേക്കും

ന്യൂഡൽഹി: കേന്ദ്ര ആഭ്യന്തര മന്ത്രി അമിത്​ ഷാ ജമ്മുകശ്​മീർ സന്ദർശിച്ചേക്കും. പാർലമ​​െൻറ്​ സമ്മേളനത്തിന്​ ശേഷമായിരിക്കും കശ്​മീരിലേക്ക്​ എത്തുക എന്നതാണ്​ സൂചന. ആദ്യം ജമ്മുവിലെത്തുന്ന അമിത്​ ഷാ പിന്നീട്​ കശ്​മീരിലേക്ക്​ പോകും. കശ്​മീരിൽ ഭീകരാക്രമണ ഭീഷണി നില നിൽക്കുന്ന സാഹചര്യത്തിലാണ്​ അമിത്​ ഷായുടെ സന്ദർശനം.

അ​മ​ർ​നാ​ഥ്​ തീ​ർ​ഥാ​ട​ന പാ​ത​യി​ൽ പാ​ക്​​നി​ർ​മി​ത കു​ഴി​ബോം​ബു​ക​ളും മ​റ്റു സ്​​ഫോ​ട​ക വ​സ്​​തു​ക്ക​ളും ക​ണ്ടെ​ത്തി​യെ​ന്ന വി​വ​രം കൈ​മാ​റി, ക​ശ്​​മീ​ർ താ​ഴ്​​വ​ര​യി​ൽ​നി​ന്ന്​ സ​ഞ്ചാ​രി​ക​ളോ​ട്​ സ്​​ഥ​ലം വി​ടാ​ൻ ആ​വ​ശ്യ​പ്പെ​ടു​ക​യും അ​മ​ർ​നാ​ഥ്​ യാ​ത്ര നി​ർ​ത്തി​വെ​ച്ച്​ തീ​ർ​ഥാ​ട​ക​രെ പാ​തി​വ​ഴി​യി​ൽ മ​ട​ക്കി​യ​യ​ക്കുകയുമാണ്​ കേന്ദ്രസർക്കാർ കഴിഞ്ഞ ദിവസം ചെയ്​തത്​. ഇതിന്​ പിന്നാലെയാണ്​ ഷായുടെ സന്ദർശനം സംബന്ധിച്ച വാർത്തകൾ പുറത്ത്​ വരുന്നത്​.

ജമ്മുകശ്​മീരി​ൽ ഭീകരാക്രമണ ഭീഷണിയെ തുടർന്ന്​ 35,000 ത്തോ​ളം വ​രു​ന്ന അ​ർ​ധ​സേ​ന​യെ​ക്കൂ​ടി കേ​ന്ദ്രം വി​ന്യ​സി​ച്ചി​രു​ന്നു. ഇ​തേ​ച്ചൊ​ല്ലി​യു​ള്ള ഉൗ​ഹാ​പോ​ഹ​ങ്ങ​ൾ കൂ​ടി​യാ​യ​തോ​ടെ ക​ശ്​​മീ​ർ ജ​ന​ത വ​ലി​യ ഭീ​തി​യി​ലാ​യിരുന്നു. 25,000ത്തോ​ളം വ​രു​ന്ന സ​ഞ്ചാ​രി​ക​ൾ വി​മാ​ന​ത്താ​വ​ള​ത്തി​ൽ മ​ട​ങ്ങാ​ൻ തി​ര​ക്കു​കൂ​ടി ത​ടി​ച്ചു​കൂ​ടി. അ​ടു​ത്ത ദി​വ​സ​ങ്ങ​ളി​ലെ സ്​​ഥി​തി എ​ന്താ​യി​രി​ക്കു​മെ​ന്ന്​ അ​റി​യാ​തെ പാ​ൽ മു​ത​ൽ പെ​ട്രോ​ൾ വ​രെ വാ​ങ്ങാ​നു​ള്ള പ​ര​ക്കം​പാ​ച്ചി​ൽ മ​റു​വ​ശ​ത്ത്​്. ഇ​തി​നെ​ല്ലാ​മി​ട​യി​ൽ, അ​തി​ർ​ത്തി​യി​ൽ പാ​ക്​ പ്ര​കോ​പ​ന​മു​ണ്ടെ​ന്ന്​ സൈ​ന്യം വി​ശ​ദീ​ക​രി​ക്കു​ക​യും ചെ​യ്യു​ന്നു.