രണ്ടു​ പെൺമക്കളെ ദമ്പതികൾ തലക്കടിച്ച്​കൊന്ന്​ നരബലി നൽകി, പൊലീസെത്തിയപ്പോൾ മക്കളെ പുനരുജ്ജീവിപ്പിക്കാമെന്നും വാദം

ഹൈദരാബാദ്​: മന്ത്രവാദത്തി​‍െൻറ ഭാഗമായി മുതിർന്ന രണ്ടു പെൺമക്കളെ മാതാപിതാക്കൾ ഡംബെൽകൊണ്ട്​​ തലക്കടിച്ചു​കൊലപ്പെടുത്തി. വിവരം അറിഞ്ഞെത്തിയ പൊലീസ്​ ഉദ്യോഗസ്ഥനോട്​​ അർധരാത്രിവരെ സമയം അനുവദിച്ചാൽ മക്കളെ പുനരുജ്ജീവിപ്പിക്കാമെന്നും അവകാശവാദം. ആന്ധ്രപ്രദേശിലെ ചിറ്റൂർ ജില്ലയിൽ തിങ്കളാഴ്​ച ഉച്ച കഴിഞ്ഞാണ്​​ നാടിനെ ഞെട്ടിച്ച സംഭവം നടന്നത്​​​. ഗവൺമെൻറ്​ വനിത​ കോളജിലെ വൈസ്​ പ്രിൻസിപ്പലായ വെള്ളരു പുരുഷോത്തമും ഭാര്യ പത്മജയുമാണ്​ പ്രതികൾ. മക്കളായ അലെഖ്യ (27), സായി ദിവ്യ (23) എന്നിവരാണ് ക്രൂരമായി​ കൊല്ലപ്പെട്ടത്​. ചിറ്റൂരിൽ ഇവരുടെ മൂന്നുനില വീട്ടിൽ വെച്ചാണ്​ സംഭവം.

ഏതാനും ദിവസങ്ങളായി ഇവർ മന്ത്രവാദം നടത്തിവരു​ന്നുണ്ടെന്ന്​ പൊലീസ്​ അറിയിച്ചു. ലോക്​ഡൗണിന്​ ശേഷം ഇവർ ആരേയും വീട്ടിലേക്ക്​ അടുപ്പിച്ചിരുന്നില്ല. വിദ്യാസമ്പന്നരായ മക്കളെ നിർബന്ധിച്ചാണ്​ മന്ത്രവാദത്തിൽ പ​ങ്കെടുപ്പിച്ചത്​. ചടങ്ങ്​ പുരോഗമിക്കവെ ജിംനേഷ്യത്തിൽ ഉപയോഗിക്കുന്ന​ ഡംബെൽ ഉപയോഗിച്ച്​ ഇവർ മക്കളുടെ തലക്കടിക്കുകയായിരുന്നു​.

തുടർന്ന്​ പു​രുഷോത്തംതന്നെയാണ്​ സുഹൃത്തിനെ ഫോണിലൂടെ കാര്യങ്ങൾ അറിയിച്ചത്​. ഇയാൾ നൽകിയ വിവരത്തി​‍െൻറ അടിസ്ഥാനത്തിൽ വീട്ടിലെത്തിയ പൊലീസ്​ കണ്ടത്​ ചോരയിൽ കുളിച്ചുകിടക്കുന്ന മൃതദേഹങ്ങളാണ്​. രക്തം വാർന്നായിരുന്നു​ രണ്ടു പേരുടെയും മരണം. വീട്ടിലെത്തിയ തങ്ങളോട്​ അർധരാത്രി വരെ സമയം നൽകിയാൽ മക്കളെ മന്ത്രവാദം ഉ​പയോഗിച്ച്​ പുനരുജ്ജീവിപ്പിക്കാമെന്നും മാതാപിതാക്കൾ പറഞ്ഞതായി ചിറ്റൂർ പൊലീസ്​ ഓഫിസർ എം. ചിദാനന്ദ റെഡ്​ഡി പറഞ്ഞു. മാതാപിതാക്കളെ അറസ്​റ്റ്​ ചെയ്​തിട്ടുണ്ട്​.