![train train](https://www.madhyamam.com/h-upload/2021/11/21/1287979-andhra-pradesh-rain-canceled-several-trains-from-kerala.webp)
ആന്ധ്രയിൽ കനത്ത മഴ; കേരളത്തിൽ നിന്നടക്കമുള്ള നിരവധി ട്രെയിനുകൾ റദ്ദാക്കി
text_fieldsഹൈദരാബാദ്: ആന്ധ്രപ്രദേശിൽ തുടർച്ചയായി പെയ്ത മഴയെ തുടർന്ന് ട്രെയിൻ ഗതാഗതം തടസപ്പെട്ടു. വിജയവാഡ, ഗുണ്ടക്കൽ റെയിൽവേ ഡിവിഷൻ പരിധിയിലെ വെള്ളപ്പൊക്കത്തെ തുടർന്നാണ് ട്രെയിൻ ഗതാഗതം തടസപ്പെട്ടത്. നിരവധി ട്രെയിനുകൾ റദ്ദാക്കുകയും വഴിതിരിച്ചുവിടുകയും ചെയ്തു.
13352 ആലപ്പുഴ -ധൻബാദ് ഡെയ്ലി ബൊക്കാറോ എക്സ്പ്രസ്, 16352 നാഗർകോവിൽ ജങ്ഷൻ -മുംബൈ സി.എസ്.എം.ടി ബൈ വീക്ക്ലി എക്സ്പ്രസ്, 12512 കൊച്ചുവേളി -ഗൊരഖ്പൂർ ജങ്ഷൻ ത്രിവാര രപ്തിസാഗർ എക്സ്പ്രസ്, 17229 തിരുവനന്തപുരം സെൻട്രൽ -സെക്കന്തരാബാദ് ജങ്ഷൻ പ്രതിദിന ശബരി എക്സ്പ്രസ്, 18190 എറണാകുളം -ടാറ്റാനഗർ ദ്വൈവാര എക്സ്പ്രസ്, 22620 തിരുനെൽവേലി -ബിലാസ്പൂർ പ്രതിവാര സൂപ്പർഫാസ്റ്റ്, 18189 ടാറ്റാനഗർ -എറണാകുളം ദ്വൈവാര എക്സ്പ്രസ് എന്നിവയാണ് ഞായറാഴ്ച (21/11/2021) പൂർണമായും റദ്ദാക്കിയ ട്രെയിനുകൾ.
ദിവസങ്ങളായി കനത്ത മഴയാണ് ആന്ധ്രയുടെ വിവിധ ഭാഗങ്ങളിൽ പെയ്യുന്നത്. നിരവധി വീടുകളും പ്രദേശങ്ങളും വെള്ളത്തിനടിയിലാകുകയും ഒറ്റപ്പെടുകയും ചെയ്തു. 30ൽ അധികം പേർക്കാണ് മഴക്കെടുതിയിൽ ജീവൻ നഷ്ടമായത്. ബംഗാൾ ഉൾക്കടലിലെ ന്യൂനമർദത്തെ തുടർന്നാണ് ആന്ധ്രയിൽ കനത്ത മഴ പെയ്യുന്നത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.