എട്ട് വയസുകാരിയെ കുട്ടികൾ ബലാത്സം​ഗം ചെയ്തത് അശ്ലീല ചിത്രം കണ്ടതിന് പിന്നാലെ; കൊല്ലപ്പെട്ടത് ദൃശ്യം പുനരാവിഷ്കരിക്കാൻ ശ്രമിക്കുന്നതിനിടെ

അമരാവതി: ആന്ധ്രപ്രദേശിൽ എട്ട് വയസുകാരിയെ ബലാത്സം​ഗം ചെയ്ത് കൊലപ്പെടുത്തിയ സംഭവത്തിൽ പ്രതികളായ കുട്ടികൾ അശ്ലീല ചിത്രങ്ങൾ കണ്ടിരുന്നതായി റിപ്പോർട്ട്. വീഡിയോയിൽ കണ്ട ദൃശ്യങ്ങൾ പുനരാവിഷ്കരിക്കുകയായിരുന്നു സംഘമെന്നാണ് റിപ്പോർട്ടിലെ പരാമർശം.

ജൂലൈ ഏഴിനായിരുന്നു കേസിനാസ്പദമായ സംഭവം. പ്രായപൂർത്തിയാകാത്ത മൂന്ന് ആൺകുട്ടികൾ ചേർന്ന് എട്ടു വയസുകാരിയെ ബകൂട്ട ബലാത്സം​ഗം ചെയ്യുകയും കൊലപ്പെടുത്തുകയുമായിരുന്നു. സൈക്കിളിൽ കുട്ടിയുടെ മൃതദേഹം കുറച്ചുദൂരം കൊണ്ടുപോയ ശേഷം മറ്റ് രണ്ട് ബന്ധുക്കളുടെ സഹായത്തോടെ കൃഷ്ണ നദിക്കരയിലെത്തിക്കുകയും ദേഹത്ത് കല്ല് കെട്ടിവെച്ച ശേഷം തള്ളിയിടുകയുമായിരുന്നു.

സംഭവത്തിൽ പെൺകുട്ടിയുടെ മൃതദേഹം ഇതുവരെ കണ്ടെത്താനായിട്ടില്ല. ദുരന്ത നിവാരണ സേനാം​ഗങ്ങൾ ഉൾപ്പെടെ തെരച്ചിൽ നടത്തിയിരുന്നു. കേസിൽ പ്രതികളായ കുട്ടികളെയും ഇവരെ സഹായിച്ച ബന്ധുക്കളെയും പൊലീസ് അറസ്റ്റ് ചെയ്തിട്ടുണ്ട്.