ദമ്പതിമാരുടെ തല്ല്​: വിമാനം തിരിച്ചിറക്കി

ന്യൂഡൽഹി: വിമാനയാത്രക്കിടെ ഇറാനിയൻ ദമ്പതിമാരുടെ കലഹംമൂലം ദോഹ-ബാലി വിമാനം ചെന്നൈയിൽ അടിയന്തരമായി ഇറക്കി. ഉറങ്ങുകയായിരുന്ന ഭർത്താവി​​​​െൻറ ഫോൺ ഭാര്യ  പരിശോധിച്ച​താണ്​ വഴക്കിന്​ തുടക്കം. ഭർത്താവി​​​​െൻറ വിരൽ പതിപ്പിച്ചാണ്​ യുവതി ഫോൺ തുറന്നത്​. ഫോണിൽ നിന്നും ഭർത്താവി​​​​െൻറ പരസ്​ത്രീ ബന്ധം അറിഞ്ഞ യുവതി ഇതോടെ കോപാകുലയാവുകയായിരുന്നു.  പിന്നീട്​ ഇരുവരും കൂട്ടയടിയായിരുന്നു.
മദ്യലഹരിയിലായിരുന്ന യുവതി വഴക്ക്​ തീർപ്പാക്കാൻ വന്ന വിമാന ജീവനക്കാരോടും വളരെ മോശമായി പെരുമാറി. ഒടുവിൽ പൈലറ്റിന്​ വിമാനം അടിയന്തരമായി ചെന്നൈയിൽ ഇറക്കേണ്ടി വന്നു.
നവംബർ അഞ്ചിന് ദോഹയിൽ നിന്ന്​  ബാലിയി​േലക്ക്​ തിരിച്ച ​ ഖത്തർ എയർവേസി​​​​െൻറ ക്യൂ.ആർ 962 ​ വിമാനത്തിലാണ്​ സംഭവം. അടികൂടിയ ഇറാനിയൻ ദമ്പതിമാരെയും അവരുടെ കുഞ്ഞിനെയും നിർബന്ധിച്ച്​ ചെന്നൈ വിമാനത്താവളത്തിൽ ഇറക്കിയ ശേഷം വിമാനം ബാലിയിലേക്ക്​ പറന്നു.

ദമ്പതിമാർക്കിടയിലെ പ്രശ്​നത്തിന്​ അയവു വന്നതോടെ അവർ കോലാലംപൂരിലേക്ക്​ ബാറ്റിക്​ എയർ ഫ്​ളെയ്​റ്റിൽ കയറി. കോലാലംപൂരിൽ നിന്നും ദോഹ യിലേക്കുള്ള വിമാനത്തിൽ യാത്രചെയ്യാൻ സൗകര്യം നൽകിയതായും എയർലൈൻസ്​ അധികൃതർ അറിയിച്ചു.