മമതയെ വെട്ടിലാക്കി വീണ്ടും പുറത്തുപോക്ക്​; വനംമന്ത്രി രാജിവെച്ചു

കൊൽക്കത്ത: തെരഞ്ഞെടുപ്പ്​ നടക്കാ​നിരിക്കേ ബംഗാൾ മുഖ്യമന്ത്രി മമത ബാനർജിയെ വെട്ടിലാക്കി മന്ത്രിസഭയിൽനിന്ന്​ വീണ്ടും രാജി. വനംവകുപ്പ്​ മന്ത്രി രജീബ്​ ബാനർജിയാണ്​ രാജിക്കത്ത്​ കൈമാറിയത്​.

ഇദ്ദേഹം ബി.ജെ.പിയിൽ ചേർന്നേക്കുമെന്നാണ്​ വിവരം. കഴിഞ്ഞ ഡിസംബറിൽ മമത വിളിച്ചുചേർത്ത കാബിനറ്റ്​ യോഗത്തിൽ​ രജീബ്​ ബാനർജി പ​െങ്കടുത്തിരുന്നില്ല. കാബിനറ്റ്​ യോഗത്തിൽനിന്ന്​ വിട്ടുനിൽക്കുന്ന കാര്യം മുൻകൂട്ടി അറിയിക്കുകയും ചെയ്​തിരുന്നില്ല. ഇതോടെ രജീബ്​ ബാനർജി ബി.ജെ.പിയിൽ ചേർന്നേക്കുമെന്ന അഭ്യൂഹങ്ങൾ വൻതോതിൽ പ്രചരിച്ചിരുന്നു.

പശ്ചിമ ബംഗാളിലെ ജനങ്ങളെ സേവിക്കുന്നത്​ വളരെ വളരെ അംഗീകാരമാണ്​. ഈ അവസരം ലഭിച്ചതിന്​ ഞാൻ നന്ദി പറയുന്നുവെന്ന്​ ​രജീബ്​ കൈമാറിയ രാജിക്കത്തിൽ പറയുന്നു.

തെരഞ്ഞെടുപ്പ്​ അടുത്ത പശ്ചാത്തലത്തിൽ തൃണമൂലിൽനിന്ന്​ കൂടുതൽ നേതാക്കളെ പാർട്ടിയിലെത്തിക്കാനാണ്​ ബി.ജെ.പിയുടെ നീക്കം. സുവേന്ദു അധികാരി ഉൾപ്പെടെ നിരവധി നേതാക്കൾ ബി.ജെ.പി പാളയത്തിലെത്തിയിരുന്നു.