ഭീകരവാദത്തിനെതിരെ നീക്കം ശക്​തിപ്പെടുത്തണം -രാഷ്​ട്രപതി

ന്യൂഡൽഹി: ആ​േഗാളതലത്തിൽ ഭീകരവാദത്തിനെതിരായ നീക്കം ശക്​തിപ്പെടുത്തണമെന്നും ഇതിനായി ലോകരാഷ്​ട്രങ്ങൾ കൈകോർക്കണമെന്നും രാഷ്​ട്രപതി പ്രണബ്​ മുഖർജി. ഇന്ത്യ സന്ദർശിക്കാനെത്തിയ സൈപ്രസ്​ പ്രസിഡൻറ്​ നി​കോ​സ്​ അ​ന​സ്​​താ​ഷ്യേ​ഡ്​​സിന്​​ നൽകിയ സ്വീകരണ ചടങ്ങിൽ സംസാരിക്കുകയായിരുന്നു അദ്ദേഹം.

ഇന്ത്യയും സൈപ്രസും ഭീകരവാദത്തി​​െൻറ ഇരകളാണെന്നും പരിഷ്​കൃത സമൂഹത്തിൽ വ്യക്​തികൾ മാത്രമല്ല രാഷ്​ട്രങ്ങൾ പരസ്​പരവും ആഗോളതലത്തിലും ഭീകരവാദത്തിനെതിരെ പോരാടണമെന്നും അദ്ദേഹം പറഞ്ഞു. ഇതുമായി ബന്ധപ്പെട്ട്​ ആഗോള ഭീകരവാദത്തിനെതിരെ സമഗ്ര കൺവെൻഷൻ നടത്തണമെന്ന്​ ​െഎക്യരാഷ്​ട്ര സഭയോട്​ ആവശ്യപ്പെട്ടിട്ടുണ്ടെന്നും അ​േദ്ദഹം പറഞ്ഞു.

മഹാത്​മ ഗാന്ധിയും ആർച്​​ ബിഷപ്​ മകരിയോസും തുടങ്ങിവെച്ച സൗഹൃദം ഇന്ത്യക്കും സൈപ്രസിനുമിടയിൽ നിലനിൽക്കുന്നുണ്ടെന്നും അദ്ദേഹം പറഞ്ഞു.