കശ്​മീർ വിഷയത്തിൽ ചർച്ച പാകിസ്​താനുമായി മാത്രം -എസ്​.ജയ്​ശങ്കർ

ബാ​ങ്കോങ്ക്​: കശ്​മീർ വിഷയത്തിൽ ചർച്ച പാകിസ്​താനുമായി മാത്രമെന്ന നിലപാടിലുറച്ച്​ കേന്ദ്ര വിദേശകാര്യമന്ത്രിഎസ്​. ജയ്​ശങ്കർ. ഇന്ത്യയോ പാകിസ്​താ​നോ ആവശ്യപ്പെട്ടാൽ കശ്​മീർ വിഷയത്തിൽ മധ്യസ്ഥത വഹിക്കാൻ തയാറെന്ന അമേരിക്കൻ പ്രസിഡൻറ്​ ഡോണൾഡ്​ ട്രംപി​​െൻറ പരാമർശത്തിന്​ പിന്നാലെയാണ്​ ഇന്ത്യയുടെ നിലപാട്​ വ്യക്തമാക്കി വിദേശകാര്യമന്ത്രി രംഗത്തെത്തിയത്​.

കശ്മീര്‍ വിഷയത്തില്‍, ചര്‍ച്ച അത്യന്താപേഷിതമാണെങ്കില്‍ അത് പാകിസ്താനുമായി മാത്രമായിരിക്കും. അത് ഉഭയകക്ഷി ചര്‍ച്ചയുമായിരിക്കും -ജയ്​ശങ്കർ ട്വീറ്റ്​ ചെയ്​തു.

Have conveyed to American counterpart @SecPompeo this morning in clear terms that any discussion on Kashmir, if at all warranted, will only be with Pakistan and only bilaterally.

— Dr. S. Jaishankar (@DrSJaishankar) August 2, 2019

ആസിയാന്‍-ഇന്ത്യ മിനിസ്റ്റീരിയല്‍ ചർച്ചകൾക്കായി ബാ​ങ്കോങ്കിലെത്തിയ ജയ്​ശങ്കർ അമേരിക്കയുടെ വിദേശകാര്യ സെക്രട്ടറി മൈക്ക് പോംപിയോയുമായുള്ള കൂടിക്കാഴ്ചക്ക്​ പിന്നാലെയാണ്​ ജയ്​ശങ്കർ നിലപാട്​ വ്യക്തമാക്കിയത്​.