'ബി.ജെ.പി നേതാക്കളുടെ മിശ്ര വിവാഹങ്ങൾ ലവ്​ ജിഹാദി​െൻറ പരിധിയിൽ വരുമോ?' -ഛത്തീസ്​ഗഡ്​ മുഖ്യമന്ത്രി

റായ്​പുർ: ബി.ജെ.പി നേതാക്കളുടെ കുടുംബങ്ങളിലെ മിശ്രവിവാഹങ്ങൾ 'ലവ്​ ജിഹാദി'​െൻറ പരിധിയിൽ വരുമോയെന്ന്​ ഛത്തീസ്​ഗഡ്​ മുഖ്യമന്ത്രിയും മുതിർന്ന കോൺഗ്രസ്​ നേതാവുമായ ഭൂപേഷ്​ ബാഗൽ. ലവ്​ ജിഹാദ്​ എന്ന പേരിൽ മിശ്രവിവാഹങ്ങളെ കുറ്റകൃത്യമായി പരിഗണി​ക്കുന്നതിനെതിരെ പ്രതികരിക്കുകയായിരുന്നു ​അദ്ദേഹം.

'നിരവധി ബി.ജെ.പി നേതാക്കളുടെ കുടുംബങ്ങൾ മിശ്രവിവാഹങ്ങൾ ചെയ്​തു. ഈ വിവാഹങ്ങൾ ലവ്​ ജിഹാദി​െൻറ പരിധിയിൽ വരുമോയെന്ന്​ ഞാൻ ബി.ജെ.പി നേതാക്കളോട്​ ചോദിക്കുന്നു?' മാധ്യമപ്രവർത്തകരോട്​ സംസാരിക്കുന്നതിനിടെ ഭൂപേഷ്​ ബാഗൽ ചോദിച്ചു.

ബി.ജെ.പി നേതാക്കളായ സുബ്രഹ്​മണ്യൻ സ്വാമി, മുക്​താർ അബ്ബാസ്​ നഖ്​വി തുടങ്ങിയവരുടെ വിവാഹങ്ങൾ ലവ്​ ജിഹാദായി കണക്കാക്കുമോയെന്നും അദ്ദേഹം ചോദിച്ചു.

സമൂഹത്തിൽ സാമുദായിക വേർതിരിവ്​ സൃഷ്​ടിക്കാനുള്ള ശ്രമമാണ്​ ലവ്​ ജിഹാദ്​. ഇതിലൂടെ അവരുടെ പ്രധാന ലക്ഷ്യം പശ്ചിമ ബംഗാൾ തെരഞ്ഞെടുപ്പും. അവർ വോട്ടർമാരെ സാമുദായികമായി വേർതിരിക്കാൻ ശ്രമിക്കുകയും ഹിന്ദു വോട്ടർമാരെ സ്വാധീനിക്കാൻ ശ്രമിക്കുകയുമാണ്​ -ഭൂപേഷ്​ ബാഗൽ പറഞ്ഞു.

വിവാഹം സംബന്ധിച്ച പ്രശ്​നങ്ങൾ പരിഹരിക്കുന്നതിനായി നിലവിൽ രാജ്യത്ത്​ നിയമമുണ്ട്​. പുതിയ നിയമം രാഷ്​ട്രീയ നീക്കം മാത്രമാണ്​. എത്രപേര​ുടെ വിവാഹത്തിലാണ്​ അവർ സൂക്ഷ്​മ പരിശോധന നടത്തുക. വിവാഹത്തിൽ സൂക്ഷ്​മ പരിശോധന നടത്തുകയാണെങ്കിൽ, സ്വന്തം പാർട്ടി അംഗങ്ങളുടെ കാര്യത്തിലും അങ്ങനെ തന്നെ ചെയ്യു​േമാ​? -അദ്ദേഹം ചോദിച്ചു.

ലവ്​ ജിഹാദിനെതിരെയും നിർബന്ധിത മത പരിവർത്തനത്തിനെതിരെയും ശക്തമായ നിയമം കൊണ്ടുവരുമെന്ന്​ യു.പി മുഖ്യമന്ത്രി യോഗി ആദിത്യനാഥ്​ വ്യക്തമാക്കിയതിന്​ പിന്നാലെയാണ്​ ഭൂപേഷ്​ ബാഗലി​െൻറ പ്രതികരണം. നേ​രത്തേ ബി.ജെ.പി ഭരിക്കുന്ന മധ്യപ്രദേശിലും കർണാടകയി​ലു​ം ഹരിയാനയിലും ലവ്​ ജിഹാദിനെതിരെ നിയമനിർമാണം നടത്തുമെന്ന്​ വ്യക്തമാക്കിയിരുന്നു. അതേസമയം പ്രതിപക്ഷം ഭരിക്കുന്ന സംസ്​ഥാനങ്ങൾ ലവ്​ ജിഹാദ്​ നിയമനിർമാണ​ത്തിനെതിരെ രംഗത്തെത്തിയിരുന്നു. വ്യക്തിസ്വാതന്ത്ര്യത്തിൻ മേലുള്ള കടന്നുകയറ്റമാണെന്നും സാമുദായിക വിഭജനം സൃഷ്​ടിക്കുമെന്നുമായിരുന്നു പ്രതിപക്ഷത്തി​െൻറ പ്രതികരണം.