കശ്​മീരിൽ വെടിവെപ്പ്​: മേജറടക്കം നാല്​ സൈനികൾ കൊല്ലപ്പെട്ടു

ശ്രീനഗർ: തീവ്രവാദികളുമായുള്ള ഏറ്റുമുട്ടലിനിടെ കശ്​മീരിൽ മേജറും​ ജവാൻമാരും അടക്കം നാല്​ പേർ കൊല്ലപ്പെട്ടു. നുഴഞ്ഞുകയറാനുള്ള തീവ്രവാദികളുടെ ശ്രമം തടയാനായി സൈന്യം വെടിവെപ്പ്​ നടത്തുകയായിരുന്നു. 

വടക്കൻ കശ്​മീരിലെ ഗുരേസിലായിരുന്നു സംഭവം.  നുഴഞ്ഞുകയറ്റം തടഞ്ഞതായും രണ്ട്​ തീവ്രവാദികൾ കൊല്ലപ്പെട്ടതായും റിപ്പോർട്ടുകളുണ്ട്​. 

നിയന്ത്രണരേഖയും അതിർത്തിയും കടന്ന്​ നുഴഞ്ഞു കയറാനുള്ള ശ്രമങ്ങൾ ഏതുവിധേന​യും തകർക്കുമെന്ന്​ ശനിയാഴ്​ച പ്രതിരോധമന്ത്രി നിർമല സീതാരാമൻ പറഞ്ഞിരുന്നു.