മേധാവിയെ പരാതി അറിയിക്കാൻ സൈനികർക്ക്​ വാട്​സ്​ ആപ്പ്​ നമ്പർ

ന്യൂഡൽഹി: സൈനികർക്ക്​ പരാതികൾ നേരിട്ട്​ സൈനിക മേധാവിയെ അറിയിക്കാൻ വാട്​സ്​ ആപ്പ്​ നമ്പർ തുടങ്ങി. സൈനികർ അവരു​െട പ്രശ്​നങ്ങൾ സാമൂഹിക മാധ്യമങ്ങൾ വഴി പുറത്തറിയിക്കുന്നത്​ വിവാദമായതിനെ തുടർന്നാണ്​ മേധാവിയെ നേരിട്ട്​ വിവരമറിയിക്കാൻ പുതിയ നമ്പർ തുടങ്ങിയത്​.

പ്രശ്​നങ്ങൾ പരിഹരിക്കാൻ സൈന്യത്തിന്​ അതി​​െൻറതായ സംവിധാനങ്ങളുണ്ട്​. ഇൗ നടപടിക്രമങ്ങൾ പൂർത്തീകരിച്ചിട്ടും നീതി ലഭിച്ചിട്ടില്ലെന്ന്​ കരുതുന്നവർക്ക്​ +91 9643300008 എന്ന വാട്സ്​ ആപ്പ്​ നമ്പർ വഴി ൈസനിക മേധാവി ജനറൽ ബിപിൻ റാവത്തിന്​ നേരിട്ട്​ പരാതി നൽകാം.

സാമൂഹിക മാധ്യമങ്ങളിലൂടെ പരാതികൾ പ്രചരിപ്പിക്കുന്നത്​ സൈന്യത്തി​​െൻറ ആത്​മവീര്യം കെടുത്തുമെന്നും അത്തരം പ്രവർത്തികൾ ചെയ്യുന്നവരെ ശിക്ഷിക്കാ​െമന്നും ​െസെനിക ദിനത്തിൽ ബിപിൻ റാവത്ത്​ പറഞ്ഞിരുന്നു. പരാതികൾ തന്നോട്​ നേരിട്ട്​ പറയാമെന്നും അദ്ദേഹം അറിയിച്ചിരുന്നു. അതി​​െൻറ ഭാഗമായാണ്​ പുതിയ നടപടി.

1.3മില്യൺ ആളുകളുള്ള വലിയ സംവിധാനമാണ്​ ഇന്ത്യൻ സൈന്യം. വാട്​സ്​ ആപ്​ നമ്പർ ​െപാതു നമ്പറാണ്​. ഇത്രയും പേർക്കും കൂടാതെ ലോകത്തേതൊരാൾക്കും ഇൗ നമ്പറിലേക്ക്​ ​സന്ദേശങ്ങളും വിഡിയോയും അയക്കാം. ഇതെല്ലാം പരിശോധിക്കാനും മനസിലാക്കാനും സാധിക്കുമോ എന്ന്​ ​ൈസന്യത്തിൽ ആശങ്കയുമുണ്ട്​.