ബി.ജെ.പി എഴുതിക്കൊടുത്തത്​ വായിക്കുന്ന ഭ്രാന്തൻ; അർണബി​െൻറ പുതിയ പ്രകടനത്തെ പൊളിച്ചടുക്കി ട്വിറ്ററാറ്റികൾ

അർണബ്​ ഗോസ്വാമിയുടെ പുതിയ 'പ്രകടനത്തെ'പൊളിച്ചടുക്കി ട്വിറ്ററാറ്റികൾ. കഴിഞ്ഞ ദിവസമാണ്​ റിപ്പബ്ലിക്​ ടി.വിയിൽ നടന്ന ചർച്ചയിൽ ബോളിവുഡ്​ നടൻ സൽമാൻഖാനെതിരെ അർണബ്​ ഉറഞ്ഞുതുള്ളിയത്​. സുശാന്തി​െൻറ മരണത്തിലും മയക്കുമരുന്ന്​ കേസിലും സൽമാൻ പ്രതികരിക്കുന്നില്ല എന്നായിരുന്നു അർണബി​െൻറ ആരോപണം. ഇതുപറഞ്ഞ്​ ചാനൽ മുറിയിലിരുന്ന്​ അർണബ്​ അലറിവിളിക്കുകയായിരുന്നു.

'സൽമാൻ ഖാൻ എവിടെയാണ്? ഏത് രാജ്യത്താണ് നിങ്ങൾ ഒളിച്ചിരിക്കുന്നത്? ബോളിവുഡിലെ മയക്കുമരുന്ന് മാഫിയയെക്കുറിച്ച് എന്തുകൊണ്ടാണ് നിങ്ങൾ ഒരു വാക്കും സംസാരിക്കാത്തത്'-എന്നായിരുന്നു അർണബി​െൻറ ചോദ്യം. പ്രത്യേകിച്ച്​ ഒരു കാരണവുമില്ലാതെയായിരുന്നു അർണബ്​ പ്രകോപിതനായത്​. 'സുശാന്ത് സിംഗ് രാജ്​പുതി​െൻറ കൊലപാതകത്തിൽ നിങ്ങൾ എന്തിനാണ് മൗനം പാലിക്കുന്നത്? ഏത് നഗരത്തിലാണ്? നിങ്ങൾ ജീവിക്കുന്നത്​ സൽമാൻ'-എന്നും അർണബ്​ ആക്രോശിച്ചു.

ധൈര്യമുണ്ടെങ്കിൽ രാജ്യത്തിനെതിരെ സംസാരിക്കാനും സൽമാനെ ഗോസ്വാമി വെല്ലുവിളിച്ചു. സൽമാ​െൻറ ബിഗ് ബോസ് ഷോയെ പരിഹസിച്ച്​ ആരെങ്കിലും എഴുതിത്തരുന്ന സ്​ക്രിപ്​റ്റ്​ വായിക്കാനല്ലാതെ നിങ്ങളെ എന്തിന്​ ശകാള്ളാം എന്നും ചോദിച്ചു. ഇൗ ഭാഗം ട്വിറ്ററിൽ നിരവധിപേർ ഷെയർചെയ്​തിട്ടുണ്ട്​. 'ബി.ജെ.പി എഴുതിത്തരുന്നത്​ നോക്കി വായിക്കുന്നതിനേക്കാൾ നല്ലതാണ്​ സ്​ക്രിപ്​റ്റ്​ നോക്കി വായിക്കുന്നതെന്നാണ്'ചിലർ അർണബി​െൻറ ആക്രോശത്തെപറ്റി ഇതേപറ്റി പറഞ്ഞത്​.

And @BeingSalmanKhan reads dialogues the lunatic here reads a teleprompter promoted by Bjp pic.twitter.com/rArq2g8D2y

— Swati Chaturvedi (@bainjal) September 16, 2020

'ഇയാൾക്ക്​ ഉടനടി വൈദ്യസഹായം ലഭ്യമാക്കണമെന്നാണ്​' മറ്റുചിലരുടെ അഭിപ്രായം. 'ഇയാൾക്ക്​ മാത്രം ഇത്രയും മയക്കുമരുന്ന്​ എവിടന്ന്​ കിട്ടുന്നു'എന്ന്​ പരിഹസിക്കുന്നവരും ഉണ്ട്​. സംവിധായകൻ അനുരാഗ്​ കശ്യപും വീഡിയൊ ട്വീറ്റ്​ ചെയ്​തിട്ടുണ്ട്​. 'എവിടന്ന്​ എവിടെ എത്തി'എന്ന ബോളിവുഡ്​ പാട്ടി​െൻറ അകമ്പടിയോടെയാണ്​ അനുരാഗി​െൻറ ട്വീറ്റ്​. ​

क्या से क्या हो गया ... बेवफ़ा आ आ तेरे प्यार में .. https://t.co/JdxQvLsVpm

— Anurag Kashyap (@anuragkashyap72) September 16, 2020