150ഓളം കർഷകരെ വഞ്ചിച്ച്​ അഞ്ചുകോടിയുടെ വിളകൾ തട്ടിയെടുത്തു; പരാതിയുമായി കർഷകർ

ഭോപാൽ: മധ്യപ്രദേശിൽ 150ഓളം കർഷകരെ വഞ്ചിച്ച്​ അഞ്ചുകോടി തട്ടിയെടുത്തതായി പരാതി. നാലു ജില്ലകളിൽനിന്നുള്ള കർഷകരിൽനിന്ന്​ 2600 ക്വിന്‍റൽ കാർഷിക വിളകൾ വണ്ടിച്ചെക്ക്​ നൽകി തട്ടിയെടുത്തതായാണ്​ പരാതി.

മുഖ്യമന്ത്രി ശിവരാജ്​ സിങ്​ ചൗഹാന്‍റെയും കൃഷിമന്ത്രി കമൽ പ​േട്ടലിന്‍റെയും മണ്ഡലത്തിൽനിന്നുള്ള കർഷകരാണ്​ കബളിപ്പിക്ക​െപ്പട്ടത്​. കാർഷിക നിയമങ്ങൾ നടപ്പാക്കുന്നതിലൂടെ മണ്ഡികളിലൂടെയല്ലാതെ കർഷകർക്ക്​ തങ്ങളുടെ വിളകർ ആവശ്യക്കാർക്ക്​ നേരിട്ട്​ നൽകാ​മെന്ന ബി.​ജെ.പിയുടെ വാദത്തിനേറ്റ തിരിച്ചടിയാണിത്​.

22ഒാളം കർഷകർ ദേവസി​െല സബ്​ ഡിവിഷനൽ മജിസ്​​േട്രറ്റിന്‍റെ ഓഫിസിലേക്ക്​ മാർച്ച്​ നടത്തുകയും ഉപരോധിക്കുകയും ചെയ്​തതായി എൻ.ഡി.ടി.വി റിപ്പോർട്ട്​ ചെയ്​തു.

കാലാവധി കഴിഞ്ഞ ലൈസന്‍സ്​ ഉപ​േയാഗിച്ചാണ്​ വ്യാപാരികൾ കർഷകരുമായി കച്ചവടം നടത്തിയത്​. വിളകൾക്ക്​ നൽകിയ ചെക്ക്​ മടങ്ങിയതോടെയാണ്​ കബളിപ്പിക്ക​െപ്പട്ട വിവരം മനസിലാകുന്നത്​. മണ്ഡികളുമായി ബന്ധപ്പെട്ടപ്പോൾ വ്യാപാരികളുടെ യാതൊരു വിവരവും ലഭ്യമല്ലെന്ന്​ അറിയിക്കുകയായിരുന്നു.

മണ്ഡികൾക്ക്​ പുറത്ത്​ വിളകൾ വിൽക്കുന്നതിന്‍റെ നിയന്ത്രണത്തിൽ സംസ്​ഥാന സർക്കാർ ഇളവു വരുത്തിയതിന്​ പിന്നാലെയായിരുന്നു കച്ചവടം.

വിളകൾ കൈമാറിയതിന്​ ശേഷം അവർ ചെക്ക്​ നൽകി. എന്നാൽ സമയം കഴിഞ്ഞിട്ടും പണം കിട്ടിയില്ല. ഏകദേശം 150 ഓളം കർഷകരാണ്​ ഇത്തരത്തിൽ കബളിപ്പിക്കപ്പെട്ടത്​. സേഹോർ, ഹർദ്ദ, ഹോഷങ്കാബാദ്​ എന്നിവിടങ്ങളിൽനിന്നുള്ള കർഷകരുടെ അഞ്ചുകോടിയോളം രൂപ നഷ്​ടമായതായി കർഷകനായ കനയ്യ പ​േട്ടൽ പറഞ്ഞു. മുഖ്യമന്ത്രിയും കൃഷിമന്ത്രിയും ഇക്കാര്യത്തിൽ ഇടപെടണമെന്നും വ്യാപാരികളെ കണ്ടെത്തി തങ്ങളുടെ പണം തിരികെ നൽകാൻ സഹായിക്കണമെന്നും കർഷകനായ രാഹുൽ പ​േട്ടൽ പറഞ്ഞു.

കർഷരെ ഇത്തരത്തിൽ കബളിപ്പിച്ചതുമായി ബന്ധപ്പെട്ട്​ നിരവധി കേസുകൾ സംസ്​ഥാനത്ത്​ രജിസ്റ്റർ ചെയ്​തിട്ടുണ്ട്​. 250 ഓളം കർഷകർ കബളിപ്പിക്കപ്പെടുകയും ചെയ്​തു. കൃഷിമന്ത്രിയുടെ മണ്ഡലത്തിൽ മാത്രം എട്ടുകേസുകൾ രജിസ്റ്റർ ചെയ്​തിട്ടുണ്ട്​.