രാജ്യത്ത്​ 50ഓളം ആരോഗ്യ പ്രവർത്തകർക്ക്​ കോവിഡ്​ ബാധ

ന്യൂഡൽഹി: രാജ്യത്ത്​ വിവിധ സംസ്​ഥാനങ്ങളിലായി 50 ഓളം ആരോഗ്യപ്രവർത്തകർക്ക്​ കോവിഡ്​ ബാധ സ്​ഥിരീകരിച്ചു. ഡോക ്​ടർമാർക്കും നഴ്​സുമാർക്കും പാരാമെഡിക്കൽ ജീവനക്കാർക്കുമാണ്​ ​കോവിഡ്​ ബാധ സ്​ഥിരീകരിച്ചതെന്ന്​ ആരോഗ്യ മന്ത്രാലയം അറിയിച്ചു.

ഡൽഹി എയിംസിലെ ഡോക്​ടർക്ക്​ വ്യാഴാഴ്​ച കോവിഡ്​ ബാധ സ്​ഥിരീകരിച്ചിരുന്നു. അടുത്തൊന്നും വിദേശയാത്ര നടത്തിയിട്ടില്ലാത്ത ഡോക്​ടർക്കാണ്​ കോവിഡ്​ ബാധ കണ്ടെത്തിയത്​.

കോവിഡ്​ ബാധ പടരുന്ന സാഹചര്യത്തിൽ ആശുപത്രി ജീവനക്കാരുടെ സുരക്ഷ ഉറപ്പാക്കുന്നതിനായി ഗുണനിലവാരമുള്ള സുരക്ഷ ഉപകരണങ്ങൾ നൽകണമെന്ന്​ ആരോഗ്യ പ്രവർത്തകർ സർക്കാരിനോട്​ അഭ്യർഥിച്ചിട്ടുണ്ട്​.