കശ്​മീർ ജമാഅത്ത്​ ഇസ്​ലാമിയെ പിന്തുണക്കുന്ന മെഹബൂബയെ ​അറസ്​റ്റ്​ ചെയ്യണം -കവീന്ദർ ഗുപ്​ത

ശ്രീനഗർ: കേന്ദ്രസർക്കാർ നിരോധിച്ച കശ്​മീർ ജമാഅത്ത്​ ഇസ്​ലാമിയെ പിന്തുണക്കുന്ന പി.ഡി.പി നേതാവ്​ മെഹബൂബ മുഫ് ​തിയെ അറസ്​റ്റു ചെയ്യണമെന്ന്​ കശ്​മീർ മുൻ ഉപമുഖ്യമന്ത്രി കവീന്ദർ ഗുപ്​ത. കശ്​മീരിൽ തീവ്രവാദം പ്രചരിപ്പിക്കുന്ന മദ്രസകൾ പൂട്ടണമെന്നും കവീന്ദർ പറഞ്ഞു.

അഫ്​ഗാനിസ്​താനിലും ബംഗ്ലാദേശിലുമെല്ലാം ഭീകരവാദ പ്രവർത്തനങ്ങൾ പ്രചരിപ്പിക്കുന്നുവെന്ന്​ ആരോപിച്ച്​ നിരോധിച്ച സംഘടനകളുടെ മതപഠനശാലകൾ നിരോധിച്ചിട്ടുണ്ട്​. കശ്​മീരിലും അത്തരം നടപടി ഉണ്ടാകണം- കവീന്ദർ ഗുപ്​ത പറഞ്ഞു. കശ്​മീർ ജമാഅത്ത്​ ഇസ്​ലാമിയെ നിരോധിക്കുന്നത്​ അപകടകരമായ പ്രത്യാഘാതങ്ങൾ വിളിച്ചുവരുത്തുമെന്ന്​ മെഹബൂബ പറഞ്ഞിരുന്നു.

കവീന്ദറി​​​​െൻറ പരാമർശത്തിനെതിരെ മുൻ മുഖ്യമന്ത്രി ഉമർ അബ്​ദുള്ള രംഗത്തെത്തി. കവീന്ദർ ഗുപ്​തയെ പോലുള്ളവർ ഉൾപ്പെട്ട ആർ.എസ്​.എസ്​ ശാഖകളിൽ നിന്ന്​ വിദ്വേഷം തന്നെയാണ്​ പ്രചരിക്കുകയെന്ന്​ ഉമർ അബ്​ദുള്ള വിമർശിച്ചു.