ലെഫ്. ഗവർണറുടെ ‘സി.സി.ടി.വി റിപ്പോർട്ട്’​ കെജ്​രിവാൾ പരസ്യമായി കീറിക്കളഞ്ഞു

ന്യൂഡൽഹി: ​െഎ.പി.എസ്​ ഭരണത്തിന​ും റേഷൻ വിതരണത്തിലുമുള്ള തർക്കത്തിനു ശേഷം സി.സി.ടി.വിയുടെ പേരിൽ ഡൽഹി മുഖ്യമന്ത്രി അരവിന്ദ്​ കെജ്​രിവാളും ലെഫ്​. ഗവർണർ അനിൽ ബൈജാനും തമ്മിലടി. നിരീക്ഷണ കാമറകൾ സ്​ഥാപിക്കുന്നതിനായുള്ള നിർദേശങ്ങൾ അടങ്ങിയ ഗവർണറുടെ റിപ്പോർട്ട്​ കെജ്​രിവാൾ പരസ്യമായി കീറിക്കളഞ്ഞു. നിരീക്ഷണ കാമറകൾ സ്​ഥാപിക്കുന്നതിനും അവ നിയന്ത്രിക്കുന്നതിനും സംവിധാനങ്ങൾ ഒരുക്കുന്നതിനായി നിർദേശങ്ങൾ സമർപ്പിക്കാൻ ആവശ്യപ്പെട്ട്​ ഗവർണർ രൂപീകരിച്ച സമിതിയുടെ റിപ്പോർട്ടാണ്​ മുഖ്യമന്ത്രി കീറിക്കളഞ്ഞത്​. 

െറസിഡൻസ്​ അസോസിയേഷനുകൾ, മാർക്കറ്റ്​ അസോസിയേഷനുകൾ, സന്നദ്ധ സംഘടനകൾ എന്നിവയിലെ അംഗങ്ങളെ ഗാന്ധി സ്​റ്റേഡിയത്തിൽ വെച്ച്​ അഭിസംബോധന ചെയ്​തുകൊണ്ട്​ സംസാരിക്കുന്നതിനിടെയാണ്​ ഗവർണറുടെ റിപ്പോർട്ട്​ കെജ്​രിവാൾ കീറിക്കളഞ്ഞത്​. നിരീക്ഷണ കാമറകൾ സ്​ഥാപിക്കാൻ പൊലീസ്​ അനുമതി ആവശ്യമി​ല്ലെന്ന്​ വ്യക്​തമാക്കിയാണ്​ കെജ്​രിവാളി​​​​െൻറ പ്രവൃത്തി. ​നിരീക്ഷണ കാമറകൾ സ്​ഥാപിക്കുന്നതിലുടെ ഡൽഹിയിൽ നടക്കുന്ന കുറ്റകൃത്യങ്ങൾ പകുതിയായി കുറക്കാനാകുമെന്ന്​ മുഖ്യമന്ത്രി അവകാശപ്പെട്ടു. 

കഴിഞ്ഞ മൂന്നു വർഷമായി നഗരത്തിൽ നിരീക്ഷണ കാമറകൾ സ്​ഥാപിക്കുന്നതിനായി സർക്കാർ ശ്രമിക്കുന്നു. എന്നാൽ ലെഫ്​. ഗവർണറോ ബി.ജെ.പി സർക്കാറോ അതിന്​ അനുവദിക്കുന്നില്ലെന്നും കെജ്​രിവാൾ ആരോപിച്ചു.  തുടർന്ന്​ ഗവർണറുടെ സമിതി നൽകിയ റിപ്പേർട്ടിലെ ചില ഭാഗങ്ങൾ ജനങ്ങളെ വായിച്ചു കേൾപ്പിച്ചു. 

‘സി.സി.ടി.വി സ്​ഥാപിച്ചാൽ കെട്ടിടങ്ങളുടെ ഉടമകളും നിരീക്ഷണ കാമറ നിയന്ത്രിക്കുന്നവരും പൊതു സ്​ഥലത്ത്​ നടക്കുന്ന കാര്യങ്ങൾ അതാത്​ അധികൃതരെയോ പൊലീസിനെയോ അറിയിക്കണം. പൊലീസോ അധികൃതരോ വന്ന്​ പ്രദേശം പരിശോധിച്ച്​ സി.സി.ടി.വി ആവശ്യമുണ്ടോ എന്ന്​ ഉറപ്പുവരുത്തും’ എന്നായിരുന്നു റിപ്പോർട്ടിലെ ഭാഗങ്ങൾ. 

ജനാധിപത്യ രാജ്യത്ത്​ പൊലീസ്​ ഭരണമല്ല, ജനങ്ങളുടെ നിയമമാണ്​ നടപ്പിലാക്കുക എന്ന്​ ലെഫ്​. ഗവർണറെ ഒാർമിപ്പിക്കുകയാണ്​. നിരീക്ഷണ കാമറകൾ സ്​ഥാപിക്കുന്നതിന്​ നമുക്ക്​ ലൈസൻസി​​​​െൻറ ആവശ്യമുണ്ടോ? ഇല്ലെന്ന്​ നിങ്ങളെല്ലാവരും പറയുന്നു. എങ്കിൽ പിന്നെ ഇൗ റിപ്പോർട്ട്​ കൊണ്ട്​ നാം എന്തു ചെയ്യാനാണ്​? കിറിക്കളയുകയല്ലേ? -എന്നു ചോദിച്ചുകൊണ്ട്​ കെജ്​രിവാൾ റിപ്പോർട്ട്​ കീറി വലി​െച്ചറിഞ്ഞു. 

അതേസമയം, റിപ്പോർട്ടി​​​​െൻറ കരടാണിതെന്നും പൊതുസമൂഹത്തി​​​​െൻറ നിർദേശങ്ങൾക്കനുസരിച്ച്​ വ്യക്​തത വരുത്തുന്നതിനാണ്​ പ്രസിദ്ധീകരിച്ചതെന്നും ഗവർണറുടെ ഒാഫീസ്​ വിശദീകരിച്ചു.