ആപ്​-കോൺഗ്രസ്​ സഖ്യത്തെ പരിക്കേൽപിച്ച്​ ലവ്​ലി

ന്യൂ​ഡ​ൽ​ഹി: അ​ർ​വീ​ന്ദ​ർ​സി​ങ്​ ല​വ്​​ലി പി.​സി.​സി അ​ധ്യ​ക്ഷ സ്ഥാ​ന​ത്തു​നി​ന്ന്​ രാ​ജി​വെ​ച്ച​ത്​ ഡ​ൽ​ഹി​യി​ൽ ആം ​ആ​ദ്​​മി പാ​ർ​ട്ടി-​കോ​ൺ​ഗ്ര​സ്​ സ​ഖ്യ​ത്തി​ന്‍റെ സാ​ധ്യ​ത​ക​ൾ​ക്ക്​ മ​ങ്ങ​ലേ​ൽ​പി​ച്ചു. ക​ഴി​ഞ്ഞ ര​ണ്ട്​ ലോ​ക്സ​ഭ തെ​ര​ഞ്ഞെ​ടു​പ്പു​ക​ളി​ലും മ​റ്റാ​ർ​ക്കും ഒ​രു സീ​റ്റു​പോ​ലും വി​ട്ടു​കൊ​ടു​ക്കാ​തെ ഏ​ഴു സീ​റ്റും കൈ​യ​ട​ക്കി​യ ബി.​ജെ.​പി​ക്ക് മു​ന്നി​ൽ വ​ലി​യ വെ​ല്ലു​വി​ളി​യാ​ണ്​ ഇ​ത്ത​വ​ണ ആ​പും കോ​ൺ​ഗ്ര​സും ചേ​ർ​ന്ന്​ സൃ​ഷ്ടി​ച്ച​ത്. എ​ന്നാ​ൽ, ര​ണ്ടു പാ​ർ​ട്ടി​ക​ളു​ടെ​യും കൂ​ട്ടാ​യ പ്ര​വ​ർ​ത്ത​ന​ത്തെ​ക്കു​റി​ച്ച വ​ലി​യ സം​ശ​യ​ങ്ങ​ൾ​ക്ക് ഇ​ട​ന​ൽ​കു​ക​യാ​ണ്​ ല​വ്​​ലി​യു​ടെ രാ​ജി.

കോ​ൺ​ഗ്ര​സി​നെ ഡ​ൽ​ഹി​യി​ൽ എ​ല്ലും തോ​ലു​മാ​ക്കി​യ​തി​ൽ വ​ലി​യ പ​ങ്ക്​ വ​ഹി​ച്ച ആം ​ആ​ദ്​​മി പാ​ർ​ട്ടി​യു​മാ​യി ഒ​രു​വി​ധ​ത്തി​ലും സ​ന്ധി ചെ​യ്യ​രു​തെ​ന്ന്​ വാ​ദി​ച്ച​വ​ർ​ക്ക്​ ല​വ്​​ലി​യു​ടെ രാ​ജി ന​ൽ​കു​ന്ന​ത്​ പു​തി​യ ആ​യു​ധ​മാ​ണ്. മു​ൻ​മു​ഖ്യ​മ​ന്ത്രി ഷീ​ല ദീ​ക്ഷി​തി​ന്‍റെ മ​ക​ൻ സ​ന്ദീ​പ്​ ദീ​ക്ഷി​ത്, എ.​ഐ.​സി.​സി ട്ര​ഷ​റ​ർ അ​ജ​യ്​ മാ​ക്ക​ൻ തു​ട​ങ്ങി ഒ​രു​വി​ഭാ​ഗം നേ​താ​ക്ക​ൾ ആ​പ്​ ബ​ന്ധം പാ​ടി​ല്ലെ​ന്ന്​ വാ​ദി​ച്ച​വ​രാ​ണ്. മ​ദ്യ​ന​യ കേ​സി​ൽ​പെ​ട്ട ആ​പ്, നി​ല​നി​ൽ​പി​ന്‍റെ​യും പി​ന്തു​ണ​യു​ടെ​യും വ​ഴി​യി​ൽ ക​ണ്ടെ​ത്തി​യ പി​ടി​വ​ള്ളി​യാ​ണ്​ കോ​ൺ​ഗ്ര​സ്​ സ​ഖ്യ​മെ​ന്നാ​ണ്​ അ​വ​രു​ടെ പ​ക്ഷം. എ​ന്നാ​ൽ, അ​വ​രെ മെ​രു​ക്കി​ ഇ​ൻ​ഡ്യ മു​ന്ന​ണി​യു​ടെ വി​ശാ​ല താ​ൽ​പ​ര്യ​മെ​ന്ന നി​ല​യി​ൽ സ​ഖ്യം രൂ​പ​പ്പെ​ടു​ത്താ​ൻ കോ​ൺ​ഗ്ര​സ്​-​ആ​പ്​ നേ​തൃ​ത്വ​ത്തി​ന്​ ക​ഴി​ഞ്ഞു.

ല​വ്​​ലി രാ​ജി​വെ​ച്ച​തോ​ടെ, ര​ണ്ടു പാ​ർ​ട്ടി​ക​ളു​ടെ​യും സം​ഘ​ട​ന സം​വി​ധാ​നം പ​ര​സ്പ​ര സ​ഹ​ക​ര​ണ​ത്തോ​ടെ തെ​ര​ഞ്ഞെ​ടു​പ്പി​ലേ​ക്ക്​ നീ​ങ്ങു​മോ എ​ന്ന സം​ശ​യ​മാ​ണ്​ ശ​ക്ത​മാ​യ​ത്. അ​ടു​ത്ത കാ​ലം വ​രെ പോ​ര​ടി​ച്ചു​നി​ന്ന​വ​ർ​ക്ക് അ​ത​ത്ര​യും മ​റ​ന്ന്​ തോ​ള​ത്തു കൈ​യി​ടാ​ൻ പ്ര​യാ​സ​മു​ണ്ടാ​കു​മെ​ന്ന്​ ചൂ​ണ്ടി​ക്കാ​ണി​ക്ക​പ്പെ​ട്ടി​രു​ന്നു. അ​ർ​ഹ​രാ​യ​വ​രെ ത​ഴ​ഞ്ഞാ​ണ്​ പ​ല​ർ​ക്കും സീ​റ്റ്​ ന​ൽ​കി​യ​തെ​ന്ന വാ​ദ​വും ഇ​തി​നൊ​പ്പം ശ​ക്ത​മാ​യി. ക​ന​യ്യ കു​മാ​റി​ന്​ സീ​റ്റ്​ ന​ൽ​കി​യ​തി​നെ​യും മ​ത്സ​രി​ക്കാ​നാ​ഗ്ര​ഹി​ച്ച ല​വ്​​ലി ചോ​ദ്യം ചെ​യ്തി​ട്ടു​ണ്ട്. മ​ത്സ​രി​ക്കാ​ൻ ആ​ഗ്ര​ഹി​ച്ച​വ​രു​ടെ കൂ​ട്ട​ത്തി​ൽ സ​ന്ദീ​പ്​ ദീ​ക്ഷി​തി​നെ​പ്പോ​ലു​ള്ള​വ​രു​മു​ണ്ട്.

‘ദി​ല്ലി കാ ​സ​ർ​ദാ​ർ’ ആ​യി അ​റി​യ​പ്പെ​ടു​ന്ന ല​വ്​​ലി​യു​ടെ രാ​ജി ഡ​ൽ​ഹി​യി​ലെ വോ​ട്ടു​ബാ​ങ്കി​ൽ നി​ർ​ണാ​യ​ക​മാ​യ സി​ഖ്​ സ​മു​ദാ​യ​ത്തെ സ്വാ​ധീ​നി​ക്കും. ഇ​ന്ദി​ര​വ​ധ​ത്തി​ന്‍റെ കാ​ലം മു​ത​ൽ കോ​ൺ​ഗ്ര​സി​നോ​ട്​ അ​ക​ലം പാ​ലി​ച്ചു​പോ​ന്ന സി​ഖ്​ സ​മു​ദാ​യ​വു​മാ​യു​ള്ള പാ​ല​മാ​യി കോ​ൺ​ഗ്ര​സ്​ അ​ധ്യ​ക്ഷ​നാ​യ ല​വ്‍ലി പ്ര​വ​ർ​ത്തി​ച്ചി​രു​ന്നു. തി​ല​ക്​ ന​ഗ​ർ, ഹ​രി​ന​ഗ​ർ, ല​ക്ഷ്മി ന​ഗ​ർ, ജ​ങ്​​പു​ര തു​ട​ങ്ങി വി​വി​ധ മേ​ഖ​ല​ക​ളി​ൽ സി​ഖു​കാ​ർ​ക്ക്​ നി​ർ​ണാ​യ​ക വോ​ട്ടു​ണ്ട്. ഡ​ൽ​ഹി സി​ഖ്​ ഗു​രു​ദ്വാ​ര പ്ര​ബ​ന്ധ​ക്​ ക​മ്മി​റ്റി ഭാ​ര​വാ​ഹി​ക​ൾ അ​ട​ക്കം ആ​യി​ര​ക്ക​ണ​ക്കി​ന്​ സി​ഖു​കാ​ർ അ​ടു​ത്തി​ടെ മാ​ത്ര​മാ​ണ്​ ബി.​ജെ.​പി​യി​ൽ ചേ​ർ​ന്ന​ത്.