എഴുത്തുകാരനായി ഷാരൂഖിന്റെ മകൻ ആര്യൻ ഖാൻ; ഒരുങ്ങുന്നത് വെബ് സീരീസും ഫീച്ചർ ഫിലിമും
text_fieldsതന്റെ മകൻ ആര്യൻ ഖാന് അഭിനയത്തിൽ താൽപ്പര്യമില്ലെന്ന് ബോളിവുഡ് നടൻ ഷാരൂഖ് ഖാൻ നേരത്തേ വെളിപ്പെടുത്തിയിട്ടുള്ളതാണ്.
സിനിമാനിർമ്മാണവുമായി ബന്ധപ്പെട്ട സർഗാത്മക പ്രവർത്തന മേഖലയിലാണ് ആര്യന് കൂടുതൽ താൽപര്യമെന്നും ഷാരൂഖ് പല അഭിമുഖങ്ങളിലും വ്യക്തമാക്കിയിട്ടുള്ള കാര്യമാണ്. ഇത് ശരിവെക്കുന്ന വാർത്തകളാണ് ഇപ്പോൾ പുറത്തുവരുന്നത്. വെബ് സീരീസ്, ഫീച്ചർ ഫിലിം എന്നിവക്കുള്ള കഥാരചനയിൽ മുഴുകിയിരിക്കുകയാണ് ആര്യൻ ഖാൻ എന്നാണ് ഇപ്പോൾ പുറത്തുവരുന്ന വാർത്തകൾ.
ആമസോൺ പ്രൈമിനായുള്ള ഒരു വെബ് സീരീസും റെഡ് ചില്ലീസ് എന്റർടെയ്ൻമെന്റിനായി ഒരു ഫീച്ചർ ഫിലിമും ആണ് ഇപ്പോൾ ഒരുങ്ങുന്നത്. ആമസോൺ പ്രൈം തയ്യാറാക്കുന്ന സീരീസ് ഒരു കടുത്ത ആരാധകന്റെ ജീവിതത്തെക്കുറിച്ചാണെന്ന് പറയപ്പെടുന്നു. അതേസമയം ഫീച്ചർ ഫിലിം സംബന്ധിച്ച കൂടുതൽ വിവരങ്ങൾ പുറത്തുവന്നിട്ടില്ല. പ്രശസ്ത നോവലിസ്റ്റും തിരക്കഥാ കൃത്തുമായ ബിലാൽ സിദ്ധീഖിയുടെ ഒപ്പമാണ് രചന എന്നാണ് അറിയുന്നത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.