‘ഇനിയും എത്രപേരുടെ മുമ്പിൽ തല കുമ്പിടണം’ - പ്രതിപക്ഷ ഐക്യത്തിന് കൈകൊടുത്ത നിതീഷ് കുമാറിനെ പരിഹസിച്ച് ബി.ജെ.പി

ന്യൂ​ഡ​ൽ​ഹി: ബി​ഹാ​ർ മു​ഖ്യ​മ​ന്ത്രി നി​തീ​ഷ്​ കു​മാറും ഉപമുഖ്യമന്ത്രി തേജസ്വി യാദവും ഡൽഹിയിൽ എത്തി കോൺഗ്രസ് പ്രസിഡന്റ് മല്ലികാർജുൻ ഖാർഗെയെയും രാഹുൽ ഗാന്ധിയെയും സന്ദർശിച്ചതിനെ പരിഹസിച്ച് ബി.ജെ.പി.

‘എത്രയെത്ര പേരുടെ മുന്നിൽ നിതീഷ് കുമാർ തല കുമ്പിടണം എന്നതിൽ അത്ഭുതം തോന്നുന്നു’ എന്നാണ് നിതീഷ് കുമാർ രാഹുൽ ഗാന്ധിയെ അഭിവാദ്യം ചെയ്യുന്ന ഫോട്ടോ പങ്കുവെച്ചുകൊണ്ട്

ബി.ജെ.പിയുടെ ഐ.ടി സെൽ തലവൻ അമിത് മാളവ്യ കുറിച്ചത്. 2014ലും 2019ലും പ്രതിപക്ഷാംഗങ്ങളുടെ സഖ്യമുണ്ടാക്കി മത്സരത്തിനിറങ്ങിയെങ്കിലും അതെല്ലാം പരാജയമായിരുന്നെന്നും അതിനാൽ 2024 ലെ തെരഞ്ഞെടുപ്പിലും പ്രതിപക്ഷ സഖ്യം പരാജയപ്പെടുമെന്നും അമിത് മാളവ്യ കൂട്ടിച്ചേർത്തു.

ഖുശ്ബു സുന്ദറും പ്രതിപക്ഷ സഖ്യശ്രമങ്ങളെ പരിഹസിച്ച് രംഗത്തെത്തിയിട്ടുണ്ട്. ‘മഹാഭാരതത്തിലെ കൗരവരെ ഓർമിപ്പിക്കുന്ന വ്യർഥമായ സഖ്യം. കോൺഗ്രസിന്റെത് നല്ല ശ്രമമാണ്. പ​ക്ഷേ, ആരാണ് വിജയിയെന്ന് നിങ്ങൾക്ക് തന്നെ അറിയാം!’ - എന്നാണ് ഖുശ്ബു കുറിച്ചത്.

ലോ​ക്സ​ഭ തെ​ര​ഞ്ഞെ​ടു​പ്പി​ൽ ബി.​ജെ.​പി​യെ അ​ധി​കാ​ര​ത്തി​ൽ​നി​ന്ന്​ പു​റ​ത്താ​ക്കു​ക​യെ​ന്ന പൊ​തു​ല​ക്ഷ്യ​ത്തി​നായി ​പ്രതിപക്ഷ ​ഐക്യം കൊണ്ടുവരാനാണ് കോൺഗ്രസിന്റെയും മറ്റ് പാർട്ടികളുടെയും ശ്രമം. ​ല്ലി​കാ​ർ​ജു​ൻ ഖാ​ർ​ഗെ​യെയും രാഹുൽ ഗാന്ധിയെയും കണ്ടശേഷം നിതീഷ് കുമാർ ആം ​ആ​ദ്മി പാ​ർ​ട്ടി നേ​താ​വും ഡ​ൽ​ഹി മു​ഖ്യ​മ​ന്ത്രി​യു​മാ​യ അ​ര​വി​ന്ദ് കെ​ജ് രി​വാ​ളി​നെ​യും ക​ണ്ടു.

പ്ര​തി​പ​ക്ഷ ഐ​ക്യ​ത്തി​ന്​ ഡി.​എം.​കെ നേ​താ​വ്​ എം.​കെ. സ്റ്റാ​ലി​ൻ, ശി​വ​സേ​ന നേ​താ​വ്​ ഉ​ദ്ധ​വ്​ താ​ക്ക​റെ എ​ന്നി​വ​രു​മാ​യി ഖാ​ർ​ഗെ ക​ഴി​ഞ്ഞ ദി​വ​സം ഫോ​ണി​ൽ സം​സാ​രി​ച്ചി​രു​ന്നു.

ഇ​തി​നു പി​ന്നാ​ലെ​യാ​ണ്​ അ​ഭി​പ്രാ​യ​വ്യ​ത്യാ​സ​ങ്ങ​ൾ മാ​റ്റി​വെ​ച്ച്​ കോ​ൺ​ഗ്ര​സ്​ നേ​താ​ക്ക​ൾ​ക്ക്​ നി​തീ​ഷ്​ കൈ ​കൊ​ടു​ത്ത​ത്. പ്ര​ധാ​ന​മ​ന്ത്രി സ്ഥാ​നാ​ർ​ഥി​ത്വ​ത്തി​ൽ ക​ണ്ണു​വെ​ക്കു​ന്ന നി​തീ​ഷി​ന്‍റെ നീ​ക്ക​ങ്ങ​ളോ​ട്​ കോ​ൺ​ഗ്ര​സ്​ കൈ​യ​ക​ലം പാ​ലി​ച്ചു നി​ൽ​ക്കു​​മ്പോ​ൾ​ത​ന്നെ​യാ​ണി​ത്. ആ​ർ.​​ജെ.​ഡി വ​ർ​ഷ​ങ്ങ​ളാ​യി കോ​ൺ​ഗ്ര​സി​നൊ​പ്പ​മാ​ണ്.

രാ​ഹു​ൽ ഗാ​ന്ധി​യു​ടെ എം.​പി സ്ഥാ​ന​ത്തി​ന്​ അ​യോ​ഗ്യ​ത ക​ല്പി​ച്ച വി​ഷ​യ​ത്തി​ൽ തൃ​ണ​മൂ​ൽ കോ​ൺ​ഗ്ര​സ്, ബി.​ആ​ർ.​എ​സ്​ അ​ട​ക്ക​മു​ള്ള​വ​ർ കോ​ൺ​ഗ്ര​സി​നെ പി​ന്തു​ണ​ച്ച​ത്​ പ്ര​തി​പ​ക്ഷ ഐ​ക്യ​ശ്ര​മ​ങ്ങ​ളി​ൽ ഉ​ണ​ർ​വ്​ പ​ക​ർ​ന്നിരുന്നു. പ്ര​തി​പ​ക്ഷ പാ​ർ​ട്ടി നേ​താ​ക്ക​ളു​ടെ യോ​ഗം വി​ളി​ച്ച്​ തെ​ര​ഞ്ഞെ​ടു​പ്പി​ലേ​ക്ക്​ മു​ന്നൊ​രു​ക്കം ന​ട​ത്താ​നു​ള്ള ശ്ര​മ​ത്തി​ലാ​ണ്​ കോ​ൺ​ഗ്ര​സ്. ഭ​ര​ണ​ഘ​ട​ന​യും ജ​ന​ശ​ബ്​​ദ​വും സം​ര​ക്ഷി​ക്കു​ന്ന​തി​ന്​ സ​മാ​ന ചി​ന്താ​ഗ​തി​ക്കാ​രു​മാ​യി കൈ​കോ​ർ​ക്കു​മെ​ന്ന്​ കോ​ൺ​ഗ്ര​സ്​ മു​ൻ​അ​ധ്യ​ക്ഷ സോ​ണി​യ ഗാ​ന്ധി ക​ഴി​ഞ്ഞ ദി​വ​സ​വും ആ​വ​ർ​ത്തി​ച്ചി​രു​ന്നു.

അ​ദാ​നി, മോ​ദി​യു​ടെ ഡി​ഗ്രി തു​ട​ങ്ങി​യ വി​ഷ​യ​ങ്ങ​ൾ ഉ​യ​ർ​ത്തു​ന്ന​തി​നോ​ട്​ എ​ൻ.​സി.​പി നേ​താ​വ്​ ശ​ര​ദ്പ​വാ​ർ പ്ര​ക​ടി​പ്പി​ച്ച അ​തൃ​പ്തി ഐ​ക്യ​മെ​ന്ന പൊ​തു​ല​ക്ഷ്യ​ത്തെ ബാ​ധി​ക്കി​ല്ലെ​ന്ന ഉ​ത്ത​മ വി​ശ്വാ​സ​ത്തി​ലാ​ണ്​ വി​വി​ധ പ്ര​തി​പ​ക്ഷ പാ​ർ​ട്ടി​ക​ൾ. ഡ​ൽ​ഹി​യി​ലെ​ത്തി​യ നി​തീ​ഷ്​ കു​മാ​ർ വ​രും​ദി​വ​സ​ങ്ങ​ളി​ൽ കൂ​ടു​ത​ൽ നേ​താ​ക്ക​ളു​മാ​യി ച​ർ​ച്ച ന​ട​ത്തും.