ബി.ജെ.പി-ശിവസേന തർക്കം മുഖ്യമന്ത്രി പദത്തിനുള്ള കസേര കളിയെന്ന് ഉവൈസി

ഹൈദരാബാദ്: മഹാരാഷ്ട്ര മുഖ്യമന്ത്രി പദത്തെ ചൊല്ലിയുള്ള ബി.ജെ.പി-ശിവസേന തർക്കത്തെ രൂക്ഷമായി വിമർശിച്ച് എ.ഐ.എം.ഐ. എം അധ്യക്ഷൻ അസദുദ്ദീൻ ഉവൈസി. സംസ്ഥാനത്ത് നടക്കുന്നത് മുഖ്യമന്ത്രി പദത്തിനുള്ള കസേരകളിയാണെന്ന് ഉവൈസി വിമർശിച്ചു. സർക്കാർ രൂപീകരിക്കുന്നതിന് ബി.ജെ.പിയെയോ ശിവസേനയെയോ പിന്തുണക്കില്ലെന്നും അദ്ദേഹം വ്യക്തമാക്കി.

എന്താണ് ഫിഫ്റ്റി-ഫിഫ്റ്റി. ഇത് ഒരു പുതിയ ബിസ്ക്കറ്റ് ആണോ. സംസ്ഥാനത്തെ ജനങ്ങൾക്ക് വേണ്ടി എന്തെങ്കിലും പറയൂവെന്നും ഉവൈസി ആവശ്യപ്പെട്ടു.

സത്താറയിലെ മഴക്കെടുതി, കർഷകർ നേരിടുന്ന പ്രതിസന്ധി എന്നിവ ബി.ജെ.പി‍യെയോ ശിവസേനയെയോ അലട്ടുന്നില്ല. 'എല്ലാവർക്കുമൊപ്പം എല്ലാവരുടെയും വികസനം' എന്നത് ഇതാണോ എന്നും ഉവൈസി ചോദിച്ചു.