കുറിച്ചുവെച്ചോളൂ... ഹിജാബ് ധരിച്ച പെൺകുട്ടി ഒരിക്കൽ ഇന്ത്യയുടെ പ്രധാനമന്ത്രിയാകുമെന്ന് ഉ​വൈസി

ന്യൂഡൽഹി: ഹിജാബ് (ശി​രോ​വ​സ്ത്രം) ധരിച്ച പെൺകുട്ടി ഒരിക്കൽ ഇന്ത്യയുടെ പ്രധാനമന്ത്രിയാകുമെന്ന് എ.ഐ.എം.ഐ.എം അധ്യക്ഷനും ലോക്സഭ എം.പിയുമായ അസദുദ്ദീൻ ഉവൈസി. കർണാടകയിലെ കോളജുകളിൽ മുസ്‍ലിം പെൺകുട്ടികൾ ശിരോവസ്ത്രം ധരിക്കുന്നത് വിലക്കിയ നടപടി വിവാദമായ സാഹചര്യത്തിലാണ് ഉവൈസിയുടെ പ്രതികരണം.

ശി​രോ​വ​സ്ത്രം ധരിച്ച സ്ത്രീകൾ കോളജിൽ പോകുമെന്നും ജില്ല കലക്ടർമാർ, മജിസ്‌ട്രേറ്റ്‌മാർ, ഡോക്‌ടർമാർ, ബിസിനസുകാരികൾ തുടങ്ങിയവരാവുമെന്നും ഉവൈസി ഞായറാഴ്ച ട്വിററിൽ പങ്കുവെച്ച ഒരു വീഡിയോയിൽ പറഞ്ഞു.

'അത് കാണാൻ ഒരുപക്ഷേ ഞാൻ ഉണ്ടായേക്കില്ല. പക്ഷേ എന്റെ വാക്കുകൾ എഴുതിവെച്ചോളൂ... ഒരു ദിവസം ഹിജാബ് ധരിച്ച പെൺകുട്ടി പ്രധാനമന്ത്രിയാകും'-ഉവൈസി പറഞ്ഞു.

'നമ്മുടെ പെൺമക്കൾ ശി​രോ​വ​സ്ത്രം ധരിക്കണമെന്ന് തീരുമാനിക്കുകയും മാതാപിതാക്കളോട് പറയുകയും ചെയ്താൽ അവർ അതിനെ പിന്തുണയ്ക്കും. അവരെ തടയാൻ ആർക്ക് കഴിയുമെന്ന് നോക്കാം'-ഉവൈസി കൂട്ടിച്ചേർത്തു.

ക​ർ​ണാ​ട​ക​യി​ലെ വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ൽ ശി​രോ​വ​സ്ത്രം ധ​രി​ക്കാ​ൻ അ​നു​മ​തി തേ​ടി​യുള്ള ഹ​ര​ജി​യി​ൽ അ​ന്തി​മ തീ​രു​മാ​ന​മു​ണ്ടാ​കു​ംവ​രെ മ​ത​പ​ര​മാ​യ വ​സ്ത്ര​ങ്ങ​ൾ​ക്ക് താ​ൽ​ക്കാ​ലി​ക അ​നു​മ​തി നി​ഷേ​ധി​ച്ച് ഹൈ​കോ​ട​തി. വി​ശ​ദ​മാ​യ വാ​ദം കേ​ൾ​ക്കു​ന്ന​തി​ന് കേ​സ് തി​ങ്ക​ളാ​ഴ്ച ഉ​ച്ച​ക്ക് 2.30ലേ​ക്ക് മാ​റ്റി​വെ​ച്ചു.

ഡി​സം​ബ​ർ അ​വ​സാ​ന​ത്തോ​ടെ കർണാടകയിലെ ഉ​ഡു​പ്പി​ ഗ​വ. പി.​യു കോ​ള​ജി​ൽ ശി​രോ​വ​സ്ത്രം ധ​രി​ച്ചെ​ത്തി​യ വി​ദ്യാ​ർ​ഥി​നി​ക​ളെ ക്ലാ​സി​ൽ പ്ര​വേ​ശി​പ്പി​ക്കാ​ത്ത സം​ഭ​വ​മാ​ണ് വ്യാ​പ​ക പ്ര​തി​ഷേ​ധ​ത്തി​ന് കാ​ര​ണ​മാ​യ​ത്. ശി​രോ​വ​സ്ത്രം ധ​രി​ച്ചെ​ത്തു​ന്ന​തി​നെ​തി​രെ ഒ​രു വി​ഭാ​ഗം വി​ദ്യാ​ർ​ഥി​ക​ൾ കാ​വി ഷാ​ൾ അ​ണി​ഞ്ഞെ​ത്തി​യാ​യി​രു​ന്നു പ്ര​തി​ഷേ​ധി​ച്ച​ത്. സം​ഘ​ർ​ഷാ​വ​സ്ഥ​യി​ലെ​ത്തി​യ​തോ​ടെ വെ​ള്ളി​യാ​ഴ്ച വ​രെ വി​ദ്യാ​ഭ്യാ​സ സ്ഥാ​പ​ന​ങ്ങ​ൾ അ​ട​ച്ചു​കൊ​ണ്ട് സ​ർ​ക്കാ​ർ ഉ​ത്ത​ര​വി​റ​ക്കു​ക​യാ​യി​രു​ന്നു.