ഖിൽജി റാണി പത്​മിനിയെ കണ്ടുവെന്ന്​ ഫലകം; ചരിത്രം മറച്ച്​ പുരാവസ്​തു വകുപ്പ്​ 

ജയ്​പൂർ: രജ്​പുത്ര കർണിസേനയുടെ ഭീഷണി ഭയന്ന്​ പുരാവസ്​ത​ു വകുപ്പ്​ ചരിത്രത്തെ തുണിയിട്ട​ു മൂടി. ചിറ്റോർഗ്​ കോട്ടയിലെ പത്​മിനി മഹലിനു മുന്നിലെ ഫലകമാണ്​ പുരാവസ്​തു വകുപ്പ്​ തുണിയിട്ടു മൂടിയത്​. അലാവുദ്ദീർ ഖിൽജി അതിസുന്ദരിയായ റാണി പത്​മിനി​െയ മിന്നൊലിപോലെ കണ്ടത്​ പത്​മിനി മഹലിൽ വച്ചായിരു​ന്നുവെന്നും ആ സൗന്ദര്യം സ്വന്തമാക്കുന്നതിനാണ്​ ഖിൽജി ചിറ്റോർഗ്​ ആക്രമിച്ചതെന്നും വിവരിക്കുന്ന ഫലകമാണ്​ തുണിയിട്ട്​ മൂടിയത്​. പത്​മിനി മഹലിനു മുന്നിൽ നിന്ന്​ ഫലകം എടുത്തുമാറ്റണമെന്ന്​ രജ്​പുത്ര കർണി സേന ആവശ്യ​പ്പെട്ടു. തുടർന്ന്​ അക്രമ സംഭവങ്ങളെ ഭയന്ന്​ പുരാവസ്​തു വകുപ്പ്​ ഫലകം മൂടിവെച്ചിരിക്കുകയാണ്​. അലാവുദ്ദീൻ ഖിൽജി റാണി പത്​മിനിയെ കണ്ടിട്ടില്ലെന്നാണ്​ രജപുത്രസമൂഹം വിശ്വസിക്കുന്നത്​. ഖിൽജി റാണിയെ സ്വന്തമാക്കാൻ വരുന്നതറിഞ്ഞ്​ അവർ ആത്​മാഹുതി ചെയ്​തുവെന്നാണ്​ ഇൗ സമൂഹം കരുതുന്നത്​. 

ജോധ്​പൂരിലെ ഉന്നത അധികാരികളുടെ അഭിപ്രായം നേടിയ ശേഷമാണ്​ ഫലകം മൂടിയത്​. ഇൗ ഫലകത്തിൽ മാത്രമാണ്​ ഖിൽജി റാണിയെ കണ്ടുവെന്ന്​ അവകാശപ്പെടുന്നതെന്നും പുരാവസ്​തു വകുപ്പ്​ അറിയിച്ചു. ചരിത്രത്തെ വളച്ചൊടിക്കുന്ന ഇത്തരം ഫലകങ്ങളും സൂചനാബോർഡുകളും പുസ്​തകങ്ങളും ബ്രോഷറുകളുമുൾപ്പെടെ എല്ലാ വസ്​തുക്കളും മാറ്റണമെന്ന്​ രജപുത്ര സമൂഹം ആവശ്യപ്പെട്ടു. 

ചരിത്ര പിൻബലമില്ലാതെ രചിച്ച ഗ്ലാസുകൾ മാറ്റി രചിക്കുന്നതിനും പുതിയവ തടയുന്നതിനും രജ്​പുത്ര കർണിസേന ഫെബ്രുവരിയിൽ ആവശ്യപ്പെട്ടിരുന്നു. അതുപ്രകാരം പുരാവസ്​തു വകുപ്പ്​ ഗ്ലാസുകൾ മാറ്റി രചിച്ചിരുന്നു. പുരാവസ്തു വകുപ്പി​​െൻറ നടപടി സ്വാഗതാർഹമാണെന്നും ഇനി അവരുടെ സാഹിത്യ പുസ്​തകങ്ങളിലും ബ്രോഷറുകളിലുമുള്ള തെറ്റായ വിവരങ്ങൾ കൂടി ഇത്തരത്തിൽ തടയണമെന്നും ജൗഹർ സേവാ സൻസ്​ഥാൻ ലോകേന്ദ്ര സിങ്​ ചന്ദ്​വാദ്​ ആവശ്യപ്പെട്ടു. ഖിൽജി പത്​മിനിയെ കണ്ട സ്​മാരകത്തി​​െൻറ ഗ്ലാസുകൾ കർണിസേന തകർത്തതിനെ തുടർന്ന്​ സ്​മാരകം അടച്ചിട്ടിരിക്കുകയാണ്​.