പി.പി.ഇ കിറ്റുകൾ ചൈനയിൽ നിന്ന്​ നേരിട്ട്​ ഇറക്കുമതി ചെയ്​ത്​ അസം സർക്കാർ

ഗുവാഹത്തി: കോവിഡ്​ വ്യാപനത്തി​​​​െൻറ സാഹചര്യത്തിൽ ആരോഗ്യപ്രവർത്തകർക്ക്​ ആവശ്യമായ സുരക്ഷാ ഉപകരണങ്ങൾ ചൈനയ ിൽ നിന്ന്​ നേരിട്ട്​ ഇറക്കുമതി ചെയ്​ത്​ അസം സർക്കാർ. 50,000 പി.പി.ഇ കിറ്റുകളാണ്​ അസം സർക്കാർ ചൈനയിൽ നിന്ന്​ വാങ്ങിയ ത്​. ആദ്യമായാണ്​ ഒരു സംസ്ഥാന സർക്കാർ മറ്റൊരു രാജ്യത്ത്​ നിന്ന്​ നേരിട്ട്​ പി.പി.ഇ കിറ്റുകൾ വാങ്ങുന്നത്​.

പ ി.പി.ഇ കിറ്റുകളുമായി ചൈനയിലെ ഗുവാങ്​ഷ്വോയിൽ നിന്നുമുള്ള ചരക്ക്​ വിമാനം ബുധനാഴ്​ച രാത്രി 8.15ന്​ ഗുവാഹത്തിയിലെത്തി. അസം ആരോഗ്യമന്ത്രി ഹിമാന്ത ബിശ്വ ശർമ വിമാനത്താവളത്തിലെത്തി സുരക്ഷാ ഉപകരണങ്ങൾ ഏറ്റുവാങ്ങി. നേരത്തെ കേന്ദ്രസർക്കാർ ചൈനയിൽ നിന്ന്​ വൻതോതിൽ പി.പി.ഇ കിറ്റുകളും മറ്റ്​ സുരക്ഷാ ഉപകരണങ്ങളും ഇറക്കുമതി ചെയ്​തിരുന്നു.

രണ്ട് ലക്ഷം പി.പി.ഇ കിറ്റുകൾ സൂക്ഷിക്കുക എന്നതാണ്​ അസം ലക്ഷ്യമിടുന്ന​െതന്ന്​ ആരോഗ്യവകുപ്പ് വൃത്തങ്ങൾ അറിയിച്ചു. ചൈനയിൽ നിന്ന്​ ചരക്ക് വരുന്നതിനുമുമ്പ് അസമിൽ ഒരു ലക്ഷത്തോളം പി.പി.ഇ കിറ്റുകൾ ഉണ്ടായിരുന്നു. കോവിഡ് ബാധ ഇന്ത്യയിൽ സ്ഥിരീകരിക്കു​േമ്പാൾ 10 പി.പി.ഇ കിറ്റുകൾ മാത്രമേ അസമിൽ ഉണ്ടായിരുന്നുള്ളൂവെന്നും ആരോഗ്യമന്ത്രി പറഞ്ഞു.

ചെറിയ തോതിൽ പി‌.പി‌.ഇ കിറ്റുകൾ വാങ്ങാൻ കഴിഞ്ഞതിനാൽ തങ്ങൾക്ക് മുന്നിലുള്ള വലിയ പ്രതിസന്ധി നീങ്ങി. ഉടൻ തന്നെ തങ്ങളുടെ ആരോഗ്യ പ്രവർത്തകർക്ക് ഈ കിറ്റുകൾ വിതരണം ചെയ്യുമെന്നും മന്ത്രി ഹേമന്ത്​ ബിശ്വ ശർമ അറിയിച്ചു. അസമിലെ ആരോഗ്യപ്രവർത്തക​ർക്കും ഡോക്​ടർമാർക്കും സുരക്ഷിതത്വം ഉറപ്പു വരുത്തുക എന്നത്​ സർക്കാറി​​​​െൻറ കടമയാണെന്നും അദ്ദേഹം കൂട്ടിച്ചേർത്തു.