തങ്ങളുടേത്​ നേരത്തേ പ്രഖ്യാപിച്ച പദ്ധതി; രാഹുലിന്​ മറുപടിയുമായി അസം മന്ത്രി

ഗുവാഹത്തി: അസമിലും ഗുജറാത്തിലും കടങ്ങൾ എഴുതി തള്ളാൻ സർക്കാറിന്​ ഉണർവേകിയത്​ മധ്യപ്രദേശിലേയും​ ഛത്തിസ്​ഗഢി ലേയും കോൺഗ്രസ്​ സർക്കാറുകളുടെ നടപടികളാണെന്ന രാഹുൽ ഗാന്ധിയുടെ അഭിപ്രായ പ്രകടനത്തിനെതിരെ അസം മന്ത്രി ഹിമന്ദ ബിശ്വ ശർമ രംഗത്ത്​.​

തങ്ങളുടേത്​ വ്യത്യസ്​തമായ പദ്ധതിയാണെന്നും പത്താരുഘട്ട്​ യുദ്ധത്തി​​​​െൻറ 125ാം വാർഷ ികം അടയാളപ്പെടുത്തുന്നതിനായി ഒരു വർഷം മുമ്പ്​ തന്നെ പ്രഖ്യാപിച്ചിരുന്നുവെന്നും ഹിമന്ദ ബിശ്വ ശർമ പറഞ്ഞു. ഇതിൽ ഉണരാനോ ഉറങ്ങാനോ ആയി ഒന്നുമില്ല. കടം എഴുതി തള്ളലല്ല, സബ്​സിഡി പദ്ധതിയാണ്​ തങ്ങൾ നടപ്പിലാക്കുന്നതെന്നും അദ്ദേഹം പറഞ്ഞു.

25000 രൂപ വരെയുള്ള വായ്​പകൾക്ക്​ 25 ശതമാനം വായ്​പ തുക സംസ്​ഥാന മന്ത്രിസഭ നൽകുമെന്ന്​ അസം മുഖ്യമന്ത്രി സർബാനന്ദ സൊനോവാൾ ബുധനാഴ്​ച വ്യക്തമാക്കിയിരുന്നു. മധ്യപ്രദേശിൽ പുതുതായി വന്ന കമൽനാഥ്​ സർക്കാറും ഛത്തിസ്​ഗഢിലെ ഭൂപേഷ്​​ ബാഘേൽ സർക്കാറും കാർഷിക കടങ്ങൾ എഴുതി തള്ളിയിരുന്നു. ഇൗ നടപടികളാണ്​ അസം, ഗുജറാത്ത്​ സർക്കാറുകളെ സ്വാധീനിച്ചതെന്ന്​ സൂചിപ്പിച്ച്​ രാഹുൽ ഗാന്ധി കഴിഞ്ഞ ദിവസം ട്വീറ്റ്​ ചെയ്​തിരുന്നു.

‘‘അസം, ഗുജറാത്ത്​ മുഖ്യമന്ത്രിമാരെ ഗാഢനിദ്രയിൽ നിന്ന്​ ഉണർത്തിയത്​ കോൺഗ്രസാണ്​. പ്രധാനമന്ത്രി ഇപ്പോഴും ഉറക്കത്തിലാണ്​. അദ്ദേഹത്തേയും ഞങ്ങൾ ഉണർത്തും’’ എന്നായിരുന്നു രാഹുൽ ഗാന്ധിയുടെ ട്വീറ്റ്​. കാർഷിക കടങ്ങൾ എഴുതി തള്ളാതെ പ്രധാനമന്ത്രി ന​േ​രന്ദ്ര മോദിയെ ഉറങ്ങാൻ അനുവദിക്കി​ല്ലെന്ന്​ രാഹുൽ നേരത്തെ വ്യക്തമാക്കിയിരുന്നു.

മധ്യപ്രദേശിലും ഛത്തിസ്​ഗഢിലും കാർഷിക കടങ്ങൾ എഴുതി തള്ളിയതിനു പിന്നാലെ ബുധനാഴ്​ച രാജ്​സഥാനിലും കോൺഗ്രസ്​ സർക്കാർ രണ്ടുലക്ഷം രൂപ വരെയുള്ള കാർഷിക വായ്​പ എഴുതിത്തള്ളിയിട്ടുണ്ട്​.