12കാരിയെ ബലാത്സംഗം ചെയ്ത് കൊന്ന് കെട്ടിത്തൂക്കിയ നിലയിൽ; പത്താം ക്ലാസുകാർ അറസ്​റ്റിൽ

തേസ്​പൂർ: അസമിൽ ബലാത്സംഗത്തിനിരയായ 12 വയസുകാരിയെ മരിച്ചനിലയിൽ കണ്ടെത്തിയ സംഭവത്തിൽ ഏഴു പത്താം ക്ലാസ്​ വിദ്യാർഥികൾ പിടിയിൽ. 12 വയസുകാരിയെ മരത്തിൽ കെട്ടിത്തൂക്കിയ നിലയിലാണ്​ കണ്ടെത്തിയത്​.

ആസാമിലെ ബിസ്വനാഥ്​ ജില്ലയിൽ ചക്​ല ഗ്രാമത്തിൽ വെള്ളിയാഴ്​ചയാണ് സംഭവം​. വെള്ളിയാഴ്​ച പരീക്ഷ കഴിഞ്ഞെത്തിയ പത്താം ക്ലാസ്​ വിദ്യാർഥികളിലൊരാൾ പാർട്ടിയുണ്ടെന്ന വ്യാജേന പെൺകുട്ടിയെ വീട്ടിലേക്ക്​ വിളിക്കുകയായിരുന്നു.

ശേഷം വിദ്യാർഥികൾ ചേർന്ന്​ പെൺകുട്ടിയെ ബലാത്സംഗത്തിനിരയാക്കി. തുടർന്ന്​ രാത്രി പെൺകുട്ടിയെ വീടിന്​ സമീപത്തെ കാട്ടിലെ മരത്തിൽ കെട്ടിത്തൂക്കുകയായിരുന്നുവെന്ന് സംശയിക്കുന്നതായി​ പൊലീസ്​ പറഞ്ഞു. ശനിയാഴ്​ചയാണ്​ പെൺകുട്ടിയുടെ മൃതദേഹം കണ്ടെത്തിയത്​.
​