അസമി​െല സ്​ഫോടന പരമ്പര: എൻ.ഡി.എഫ്​.ബി തലവൻ ഉൾപ്പെടെ പത്ത്​ പേർക്ക്​ ജീവപര്യന്തം

ഗുവാഹതി: അസമിൽ 88 പേർ കൊല്ലപ്പെട്ട സ്​ഫോടനപരമ്പര കേസിൽ നാഷനൽ ഡെമോക്രാറ്റിക്​ ഫ്രൻഡ്​​ ഒാഫ്​ ബോഡോലാൻഡ്​​ (എൻ.ഡി.എഫ്​.ബി) തലവൻ രഞ്​ജൻ ഡൈമരി ഉൾപ്പെടെ 10 പേർക്ക്​ ജീവപര്യന്തം ശിക്ഷ വിധിച്ചു. ​ സി.ബി.​െഎ അതിവേഗ കോടതിയാണ്​ ശിക്ഷ വിധിച്ചത്​. പ്രതികളായ ബാക്കി നാലുപേർ നേരത്തെ വിധിച്ച തടവ്​ ശിക്ഷയും പിഴയും അടക്കണം.

സി.ബി.​െഎ പ്രത്യേക ജഡ്​ജി അപരേഷ്​ ചക്രബർത്തിയാണ്​ ശിക്ഷ വിധിച്ചത്​. 2008 ഒക്​ടോബർ 30ന്​ ഗുവാഹതി, കോക്രജാർ, ബൊൻഗായ്​ഗാവ്​, ബർപെട്ട എന്നിവിടങ്ങളിലുണ്ടായ സ്​ഫോടനങ്ങളിൽ 88 പേർ കൊല്ലപ്പെടുകയും 500 പേർക്ക്​ പരിക്കേൽക്കുകയും ചെയ്​തിരുന്നു. അസം പൊലീസിൽനിന്ന്​ സി.ബി.​െഎ ഏറ്റെടുത്ത കേസിൽ 22 പ്രതികൾക്കെതിരെയാണ്​ കുറ്റപത്രം നൽകിയത്​. ഏഴുപേർ ഇപ്പോഴും ഒളിവിലാണ്​.

2011ൽ വിചാരണ തുടങ്ങിയ കേസ്​ 2017ലാണ്​ അതിവേഗ കോടതിയിലേക്ക്​ മാറ്റിയത്​. ഡൈ​മരിയയെ 2010ൽ ബംഗ്ലാദേശിൽനിന്നാണ്​ അറസ്​റ്റ്​ചെയ്​തത്​. ഗുവാഹതി സെൻട്രൽ ജയിലിലായിരുന്ന ഡൈമരിയയെ 2013ൽ ഉപാധികളോടെ ജാമ്യത്തിൽ വിട്ടിരുന്നു. ഇദ്ദേഹം ഒ​ഴികെയുള്ള മറ്റു​ പ്രതികളെല്ലാം ജയിലിലാണ്​​.