അസം എം.എൽ.എ കോവിഡ്​ ബാധിച്ച്​ മരിച്ചു

ഗുവാഹത്തി: അസം എം.എൽ.എ കോവിഡ്​ ബാധിച്ച്​ മരിച്ചു. തമുൽപുർ എം.എൽ.എയായ ലേഹോ രാം ബോറോയാണ്​ ശനിയാഴ്​ച രാവിലെ മരിച്ചത്​.

കോവിഡ്​ സ്​ഥിരീകരിച്ചതിനെ തുടർന്ന്​ ഗുവാഹത്തി മെഡിക്കൽ കോളജ്​ ആശുപത്രിയിൽ ചികിത്സയിലായിരുന്നു അ​ദ്ദേഹം.

എം.എൽ.യുടെ മരണവിവരം ബോഡോ​ലാൻഡ്​ ടെറിറ്റോറിയൽ കൗൺസൽ ചീഫ്​ എക്​സിക്യൂട്ടീവ്​ മെമ്പറും യുനൈറ്റഡ്​ പീപ്പിൾസ്​ പാർട്ടി ലിബറൽ പ്രസിഡൻറുമായ പ്രമോദ്​ ബോറോ സ്​ഥിരീകരിച്ചു.

യുനൈറ്റഡ്​ പീപ്പിൾസ്​ പാർട്ടി ലിബറൽ ടിക്കറ്റിലാണ്​​ അദ്ദേഹം നിയമസഭയിലേക്ക്​ തെരഞ്ഞെടുക്കപ്പെട്ടത്​. ദിവസങ്ങൾക്ക്​ മുമ്പാണ്​ ലേഹോ രാം ബോറോക്ക്​ കോവിഡ്​ സ്​ഥിരീകരിക്കുന്നത്​. ആശുപത്രിയി​ൽ കോവിഡ്​ ചികിത്സയിൽ തുടരുന്നതിനിടെ സ്​ട്രോക്കും ഉണ്ടായി. തുടർന്ന്​ മരണം സഥിരീകരിക്കുകയായിരുന്നു.

മേയ്​ 26ന്​ ബോഡോലാൻഡ്​ പീപ്പിൾസ്​ ഫ്രണ്ട്​ എം.എൽ.എയായ ​മജേന്ദ്ര നർസാരി കോവിഡ്​ ബാധിച്ച്​ മരിച്ചിരുന്നു. അസമിലെ ഗോസയ്​ഗോൺ മണ്ഡലം എം.എൽ.എയായിരുന്നു അദ്ദേഹം.