ഖ​ലി​സ്താ​ൻ നേ​താ​വി​ന് നേ​രെ​ വ​ധ​ശ്ര​മം: പിടിയിലായ നിഖിൽ ചെക്ക് കോടതിയെ സമീപിക്കണമെന്ന് സുപ്രീംകോടതി

ന്യൂ​ഡ​ൽ​ഹി: ഖ​ലി​സ്താ​ൻ വി​ഘ​ട​ന​വാ​ദി നേ​താ​വും അ​മേ​രി​ക്ക​ൻ പൗ​ര​നു​മാ​യ ഗു​ർ​പ​ന്ത് വ​ന്ത് സി​ങ് പ​ന്നു​നി​നെ വ​ധി​ക്കാ​നു​ള്ള ശ്ര​മ​ത്തി​ൽ ചെ​ക്ക് റി​പ്പ​ബ്ലി​ക്കി​ൽ അ​റ​സ്റ്റി​ലാ​യ നി​ഖി​ൽ ഗു​പ്ത​യെ വി​ട്ടു​കി​ട്ടാ​ൻ ഇ​ട​പെ​ടാ​നാ​കി​ല്ലെ​ന്ന് സു​പ്രീം​കോ​ട​തി. മ​റ്റൊ​രു രാ​ജ്യ​ത്ത് ന​ട​ന്ന അ​റ​സ്റ്റി​നെ​തി​രെ​യു​ള്ള ഹ​ര​ജി ഇ​ന്ത്യ​ൻ കോ​ട​തി​യി​ൽ നി​ല​നി​ൽ​ക്കി​ല്ലെ​ന്ന് വ്യ​ക്ത​മാ​ക്കി​യ സു​പ്രീം​കോ​ട​തി ഈ ​ആ​വ​ശ്യ​വു​മാ​യി പ്രാ​ഗി​ലെ കോ​ട​തി​യെ സ​മീ​പി​ക്കാ​ൻ കു​ടും​ബ​ത്തോ​ട് ആ​വ​ശ്യ​പ്പെ​ട്ടു. ​

പ്രാ​ഗി​ൽ പി​ടി​യി​ലാ​യ നി​ഖി​ലി​നെ ചെ​ക്കോ​സ്ലാ​വാ​ക്യ അ​മേ​രി​ക്ക​ക്ക് കൈ​മാ​റാ​നി​രി​ക്കെ​യാ​ണ് ഇ​ന്ത്യ​ൻ സു​പ്രീം​കോ​ട​തി​യി​ൽ ഹാ​ജ​രാ​ക്കാ​ൻ കു​ടും​ബം ഹേ​ബി​യ​സ് കോ​ർ​പ​സ് ഹ​ര​ജി​യു​മാ​യി സ​മീ​പി​ച്ച​ത്.

വി​ദേ​ശ​രാ​ജ്യ​ത്തു​ള്ള ഏ​തൊ​രു ഇ​ന്ത്യ​ൻ പൗ​ര​നെ​യും പോ​ലെ നി​ഖി​ലി​നും കേ​ന്ദ്ര വി​ദേ​ശ മ​ന്ത്രാ​ല​യ​ത്തി​ൽ​നി​ന്ന് സ​ഹാ​യം വേ​ണ​മെ​ന്നാ​ണ് ത​ങ്ങ​ൾ ആ​വ​ശ്യ​പ്പെ​ടു​ന്ന​തെ​ന്ന് നി​ഖി​ലി​ന്റെ അ​ഭി​ഭാ​ഷ​ക​ൻ ആ​ര്യാ​മ സു​ന്ദ​രം ബോ​ധി​പ്പി​ച്ച​തി​നെ​തു​ട​ർ​ന്ന് സു​പ്രീം​കോ​ട​തി നോ​ട്ടീ​സ് അ​യ​ച്ച് ഹ​ര​ജി പ​രി​ഗ​ണി​ക്കാ​നാ​യി നാ​ലി​ലേ​ക്ക് മാ​റ്റി. കേ​സി​ന്റെ വൈ​കാ​രി​ക സ്വ​ഭാ​വം പ​രി​ഗ​ണി​ച്ച് അ​ട​ച്ചി​ട്ട കോ​ട​തി​യി​ൽ കേ​ട്ടാ​ൽ മ​തി​യെ​ന്നു​മു​ള്ള അ​ഭി​ഭാ​ഷ​ക​ന്റെ ആ​വ​ശ്യം നാ​ലി​ന് കേ​സ് എ​ടു​ക്കു​മ്പോ​ൾ പ​രി​ശോ​ധി​ക്കാ​മെ​ന്ന് ജ​സ്റ്റി​സു​മാ​രാ​യ സ​ഞ്ജീ​വ് ഖ​ന്ന, എ​സ്.​വി.​എ​ൻ. ഭാ​ട്ടി എ​ന്നി​വ​ര​ട​ങ്ങു​ന്ന ബെ​ഞ്ച് അ​റി​യി​ച്ചു.

അ​മേ​രി​ക്ക​ൻ പൗ​ര​നാ​യ ഖ​ലി​സ്താ​ൻ വി​ഘ​ട​ന​വാ​ദി നേ​താ​വ് പ​ന്നു​നി​നെ വ​ധി​ക്കാ​ൻ ഇ​ന്ത്യ​ൻ ഉ​ദ്യോ​ഗ​സ്ഥ​നു​മാ​യി ചേ​ർ​ന്ന് നി​ഖി​ൽ ഗു​പ്ത ഗൂ​ഢാ​ലോ​ച​ന ന​ട​ത്തി​യെ​ന്നും ആ ​നീ​ക്കം ത​ങ്ങ​ൾ ത​ക​ർ​ത്തു​വെ​ന്നും അ​മേ​രി​ക്ക​ൻ ജ​സ്റ്റി​സ് വ​കു​പ്പ് ന​വം​ബ​ർ 29ന് ​അ​വ​കാ​ശ​പ്പെ​ട്ടി​രു​ന്നു. അ​മേ​രി​ക്ക​യും ചെ​ക്ക് റി​പ്പ​ബ്ലി​ക്കും ത​മ്മി​ലു​ള്ള ഉ​ഭ​യ​ക​ക്ഷി ക​രാ​ർ പ്ര​കാ​ര​മാ​ണ് 2023 ജൂ​ൺ 30ന് ​അ​മേ​രി​ക്ക ആ​വ​ശ്യ​പ്പെ​ട്ട​ത് പ്ര​കാ​രം നി​ഖി​ലി​നെ ക​സ്റ്റ​ഡി​യി​ലെ​ടു​ത്ത് ത​ട​ങ്ക​ലി​ലാ​ക്കി​യി​രി​ക്കു​ന്ന​ത്. അ​തേ​സ​മ​യം പ്രാ​ഗ് വി​മാ​ന​ത്താ​വ​ള​ത്തി​ലേ​ക്ക് പോ​കു​ന്ന​തി​നി​ടെ നി​ഖി​ലി​നെ അ​മേ​രി​ക്ക​ൻ ഏ​ജ​ന്റു​മാ​ർ ക​സ്റ്റ​ഡി​യി​ലെ​ടു​ത്ത് ക​റു​ത്ത എ​സ്.​യു.​വി കാ​റി​ൽ ക​യ​റ്റു​ക​യാ​യി​രു​ന്നെ​ന്നാ​ണ് ഹ​ര​ജി​യി​ലു​ള്ള​ത്. ത​ട​ങ്ക​ലി​ലാ​ക്കി 20 ദി​വ​സ​ത്തി​ന് ശേ​ഷ​മാ​ണ് പ്രാ​ഗി​ലെ ഇ​ന്ത്യ​ൻ എം​ബ​സി​യു​മാ​യി ബ​ന്ധ​പ്പെ​ടാ​ൻ അ​നു​വ​ദി​ച്ച​ത്.

ചെ​ക്ക് റി​പ്പ​ബ്ലി​ക് നി​ഖി​ൽ ഗു​പ്ത​യെ നി​യ​മ​വി​രു​ദ്ധ​മാ​യി ഏ​കാ​ന്ത ത​ട​ങ്ക​ലി​ൽ വെ​ച്ചി​രി​ക്കു​ക​യാ​ണെ​ന്നും ജീ​വ​ൻ അ​പ​ക​ട​ത്തി​ലാ​ണെ​ന്നും ഹ​ര​ജി​യി​ൽ ബോ​ധി​പ്പി​ച്ചു.

നി​ഖി​ലി​ന്റെ മ​ത​പ​ര​മാ​യ അ​വ​കാ​ശ​ങ്ങ​ൾ ഹ​നി​ച്ചു​വെ​ന്നും സ​സ്യാ​ഹാ​രി​യാ​ണെ​ന്ന് പ​റ​ഞ്ഞി​ട്ടും ഗോ​മാം​സം തീ​റ്റി​ച്ചെ​ന്നും ഹ​ര​ജി ആ​രോ​പി​ക്കു​ന്നു. കു​ടും​ബ​ത്തെ ഇ​നി​യൊ​രി​ക്ക​ലും കാ​ണി​ല്ലെ​ന്ന് ഭീ​ഷ​ണി​പ്പെ​ടു​ത്തി​യെ​ന്നും ഹ​ര​ജി​യി​ലു​ണ്ട്. ഇ​ത്ത​ര​മൊ​രു വി​ഷ​യ​ത്തി​ൽ നി​ഖി​ലി​നെ വെ​റു​തെ വ​ലി​ച്ചി​ഴ​ച്ച​താ​ണെ​ന്നും അ​മേ​രി​ക്ക​ക്ക് അ​റ​സ്റ്റ് ചെ​യ്യാ​നാ​യി ചെ​ക്ക് റി​പ്പ​ബ്ലി​ക് അ​യാ​ളെ നാ​ടു​ക​ട​ത്താ​നി​രി​ക്കു​ക​യാ​ണെ​ന്നും അ​ഭി​ഭാ​ഷ​ക​ൻ പ​റ​ഞ്ഞു. അ​തി​നാ​ൽ നി​ഖി​ലി​നെ അ​മേ​രി​ക്ക​ക്ക് കൈ​മാ​റു​ന്ന​ത് ത​ട​യാ​നു​ള്ള നീ​ക്ക​ങ്ങ​ൾ​ക്ക് കേ​ന്ദ്ര സ​ർ​ക്കാ​റി​ന് നി​ർ​​ദേ​ശം ന​ൽ​ക​ണ​മെ​ന്ന് ആ​ര്യാ​മ സു​ന്ദ​രം വാ​ദി​ച്ചു.