'പീഡനം, ഷോക്കടിപ്പിക്കൽ, ബലാത്സംഗ ഭീഷണി....' യു.പി പൊലീസി​െൻറ ക്രൂരത വിവരിച്ച്​ കുടുംബം

ലഖ്​നേ: ഉത്തർ പ്രദേശ്​ പൊലീസ്​ അന്യായമായി കസ്​റ്റഡിയിലെടുത്ത്​ നടത്തിയ ക്രൂര പീഡന അനുഭവം പങ്കുവെച്ച്​ കുടുംബം രംഗത്തെത്തി. ഈ വർഷം മെയ്​ 20 നായിരുന്നു അജ്ഞാതരായ രണ്ട്​ പെൺകുട്ടികളുടെ മൃതദേഹം ഖൈരാനക്ക്​ സമീപത്തെ ജഗൻപൂർ ഗ്രാമത്തിൽ നിന്ന്​ കണ്ടെടുത്തത്​.

തലക്ക്​ ഗുരുതരമായി പരിക്കേറ്റ നിലയിൽ കാണപ്പെട്ട പെൺകുട്ടികളുടെ മരണത്തിൽ പൊലീസ്​ അന്വേഷണം ആരംഭിച്ചു. ജൂൺ ഏഴാം തിയതി ഖുർഗാൻ ഗ്രാമത്തിലെ ഹാഷിം അലിയുടെ വീടിന്​ മുന്നിലാണ്​ പൊലീസ്​ ജീപ്പ്​ വന്ന്​ നിന്നത്​. ഹാഷിമിനെയും മകൾ നിദയെയും പൊലീസ്​ കസ്​റ്റഡിയിലെടുത്തു.

'അവർ എന്നെയും പിതാവിനെയും അടിച്ചു. മരിച്ച പെൺകുട്ടികളെ ഞാൻ കണ്ടതായി കള്ള മൊഴി കൊടുക്കാനും അല്ലാത്ത പക്ഷം തന്നെ ജയിലിലടക്കുമെന്നും അവർ പറഞ്ഞു. അവിടെ വെച്ച്​ ഞാൻ ബലാത്സംഗം ചെയ്യപ്പെ​ട്ടേക്കാമെന്നും അവർ പറയുകയുണ്ടായി' -18കാരി 36 മണിക്കൂർ സമയത്തെ പൊലീസ്​ സ്​​േറ്റഷൻ അനുഭവം വിവരിച്ചു. കേസ് പോലും​ ചാർജ്​ ചെയ്യാതെയായിരുന്നു പൊലീസി​െൻറ പീഡനം.

ജൂലൈ 18ന്​ വീണ്ടുമെത്തിയ പൊലീസ്​ ഇക്കുറി ഹാഷിം, ഭാര്യ ഷാസിയ, മറ്റൊരു മകളായ സാദഫ്​ എന്നിവരെയാണ്​ കസ്​റ്റഡിയിലെടുത്തത്​. മൂന്ന്​ വാഹനങ്ങളിലായെത്തിയ പൊലീസിനെ കണ്ട്​ ഭയന്ന്​ വീട്ടിലെ സ്​ത്രീകൾ വാതിലടച്ചെു. എന്നാൽ വാതിൽ തകർത്ത്​ അകത്ത്​ കടന്നായിരുന്നു പൊലീസി​െൻറ വരവ്​.

ഖൈരാന പൊലീസ്​ സ്​റ്റേഷനിലേക്ക്​ കൊണ്ടുപോവുന്നതിന്​ മുമ്പ്​ തങ്ങളെ മർദ്ദിച്ചതായി ബോട്ടണിയിൽ ബിരുദാനന്തര ബിരുദം ചെയ്യുന്ന 21കാരിയായ സദഫ്​ പറഞ്ഞു. 'അവർ ഞങ്ങളെ ഇലക്​ട്രിക്​ ഷോക്കേൽപിക്കുകയും ക്രൂരമായി മർദ്ദിക്കുകയും ചെയ്​തു. വൈകീട്ട്​ അഞ്ചുമണി സമയത്ത്​ ഞങ്ങളെ മൊഴി രേഖപ്പെടുത്തിയെങ്കിലും അർധരാത്രി വരെ ഞങ്ങളെ കസ്​റ്റഡിയിൽ പാർപ്പിച്ചു' -സദഫ്​ പറഞ്ഞു. പൊലീസി​െൻറ ക്രൂരത വിവരിക്കാൻ സാധിക്കാത്തതാണെന്നും ഇലക്​ട്രിക്​ ഷോക്കിന്​ പുറമെ അടിയേറ്റ ത​െൻറ കേൾവി ശക്​തിക്ക്​ തകരാർ സംഭവിച്ചതായും അവർ വിവരിച്ചു.

സഹോദരി നിദയോടെന്ന പോലെ തന്നോടും ​മരിച്ച പെൺകുട്ടികളെ കുടുംബത്തിന്​ അറിയാമെന്ന്​ സമ്മതിക്കാൻ വേണ്ടി നിർബന്ധിച്ചതായി സദഫ്​ പറഞ്ഞു. കുടുംബത്തിന്​ ക്രൂര പീഡനം ഏൽക്കേണ്ടി വന്നതായി ഡൽഹിയിലെ റാം മനോഹർ ലോഹ്യ ആശുപത്രിയിലെ ഡോക്​ടർമാർ ജൂലൈ 22ന്​ സാക്ഷ്യപ്പെടുത്തി.

പൊലീസുകാർക്കെതിരെ നടപടി ആവശ്യപ്പെട്ട്​ മുഖ്യമന്ത്രി യോഗി ആദിത്യനാഥ്​, ഉപമുഖ്യമന്ത്രി ദിനേഷ്​ ശർമ, ദേശീയ മനുഷ്യാവകാശ കമീഷൻ, വനിത കമീഷൻ, ഡി.ജി.പി എന്നിവർക്ക് ഹാഷിം​ പരാതി നൽകിയിരുന്നു.

സംഭവത്തിൽ ഏഴുദിവസത്തിനകം വിശദീകരണം നൽകണം എന്നാവശ്യപ്പെട്ട്​ ആവശ്യപ്പെട്ട്​ വനിത കമീഷൻ സംസ്​ഥാന പൊലീസ്​ മേധാവിക്ക്​ കത്തയച്ചെങ്കിലും മറുപടിയുണ്ടായില്ല. ആഗസ്​റ്റിലും സമാനമായ രണ്ട്​ കത്തുകൾ അയച്ചെങ്കിലും മറുപടി ലഭിച്ചില്ല. മനുഷ്യാവകാശ കമീഷൻ അയച്ച കത്തുകൾക്കും അതേ ഗതിയായിരുന്നു.

മാധ്യമപ്രവർത്തകർ ശ്യാംലി പൊലീസ്​ സൂപ്രണ്ട്​ നിത്യാനന്ദ റായ്​യുമായി ബന്ധപ്പെട്ടപ്പോൾ മനുഷ്യാവകാശ കമീഷന്​ മറുപടി നൽകിയതായി പറഞ്ഞു. എന്നാൽ കേസിനെ കുറിച്ച്​ കുടുതൽ വിവരങ്ങൾ വെളിപ്പെടുത്താൻ തയാറായില്ല. ഡിസംബർ രണ്ടിന്​ റായ്ക്ക്​ പകരം സുകൃതി മാധവ്​ എസ്​.പിയായി നിയമിതനായി. മാധവുമായി മാധ്യമപ്രവർത്തകർ ബന്ധപ്പെട്ടപ്പോൾ നേരത്തെ നടത്തിയ അന്വേഷണങ്ങളിൽ ആരോപണങ്ങൾ തെളിയിക്കാനായില്ലെന്നായിരുന്നു മറുപടി.

ഹാഷിമി​െൻറ വീട്ടിൽ റെയ്​ഡ്​ നടത്തിയ യശ്​പാൽ ധാമയെന്ന പൊലീസുകാരനെ ജോലിയിൽ നിന്ന്​ മാറ്റി നിർത്തിയെങ്കിലും എഫ്​.ഐ.ആർ രജിസ്​റ്റർ ചെയ്​തിട്ടില്ല.

ഇതിനെതിരെ കോടതിയെ സമീപിക്കാനെരുങ്ങുകയാണ്​ ഹാഷിം. പൊലീസുകാരുടെ പീഡനത്തിനിരായി ശരീരത്തിലേറ്റ പരിക്കുകളുടെ ചിത്രങ്ങൾ സഹിതമാണ്​ കുടുംബം പരാതി നൽകിയത്​. ഹാഷിമി​െൻറ ബന്ധുവിനെയാണ് കേസിൽ​ പൊലീസ്​ ആദ്യം അറസ്​റ്റ്​ ചെയ്​തത്​.

ഇയാളെ മോചിപ്പിക്കുന്നതിനായി പൊലീസ്​ ആറ്​ ലക്ഷം രൂപയാണ്​ ആവശ്യപ്പെട്ടത്​. ത​െൻറ പോത്തിനെയും ആകെയുള്ള സമ്പാദ്യങ്ങളും ചേർത്ത്​ പണം നൽകിയെങ്കിലും ​പെൺകുട്ടികളുടെ മരണത്തി​െൻറ ഉത്തരവാദിത്വം തങ്ങളുടെ തലയിൽ കെട്ടിവെക്കാനാണ്​ പൊലീസ്​ ശ്രമിച്ചതെന്ന്​ ഹാഷിം പറഞ്ഞു.

അവലംബം: ന്യൂസ്​ലേൻട്രി.കോം