ആ​ദ്യ​ഘ​ട്ട വോ​ട്ടെ​ടു​പ്പ് പൂർത്തിയായി; മി​സോ​റ​മിൽ 77.04 ശതമാനവും ഛത്തി​സ്ഗ​​ഢി​​ൽ 70.87 ശതമാനവും പോളിങ്

റാ​​യ്പു​ർ/ഐ​​സോ​​ൾ: അ​ഞ്ച് നി​യ​മ​സ​ഭ​ക​ളി​ലേ​ക്ക് ന​ട​ക്കു​ന്ന തെ​ര​ഞ്ഞെ​ടു​പ്പിന്‍റെ ആ​ദ്യ​ഘ​ട്ട​ത്തി​ൽ മി​സോ​റ​മി​ലും ഛത്തി​സ്ഗ​​ഢി​​ലെ 20 മ​ണ്ഡ​ല​ങ്ങ​ളി​ലും വോ​ട്ടെ​ടു​പ്പ് പൂർത്തിയായി. മി​സോ​റ​മിൽ 77.04 ശതമാനവും ഛത്തി​സ്ഗ​​ഢി​​ൽ 70.87 ശതമാനവും പോളിങ് രേഖപ്പെടുക്കി.

മിസോറമിലെ 40 സീറ്റുകളിലും ഛത്തി​​സ്ഗ​​ഢി​​ൽ ന​ക്സ​ൽ ബാ​ധി​ത പ്ര​ദേ​ശ​മാ​യ ബ​സ്ത​ർ ഡി​വി​ഷ​നി​ലെ ഏ​ഴെ​ണ്ണം ഉ​ൾ​പ്പെ​ടെ 11 ജി​ല്ല​ക​ളി​ലെ 20 മ​ണ്ഡ​ല​ങ്ങ​ളി​ലുമാണ് വോട്ടെടുപ്പ് പൂർത്തിയായത്. മൊ​ഹ്‌​ല-​മാ​ൻ​പു​ർ - 73 %, അ​ന്ത​ഗ​ഢ് -65.67 %, ഭാ​നു​പ്ര​താ​പ​പു​ർ-61.83 %, കാ​ങ്ക​ർ-68 %, കേ​ശ​കാ​ൽ -60.11 %, കൊ​ണ്ട​ഗാ​വ് -69.03 %, നാ​രാ​യ​ൺ​പു​ർ - 53.55 %, ദ​ന്തേ​വാ​ഡ -51.9 %, ബി​ജാ​പു​ർ - 30 %, കോ​ണ്ട - 50.12 % എന്നിങ്ങനെയാണ് പോളിങ് ശതമാനം.

ഛത്തി​​സ്ഗ​​ഢി​ലെ ഖൈരാഘർ-ഛുയിഖദംഗണ്ഡായി മണ്ഡലത്തിലാണ് റെക്കോർഡ് പോളിങ് രേഖപ്പെടുത്തി. 76.31 ശതമാനമായിരുന്നു പോളിങ്. ബി​ജാ​പു​രിലാണ് ഏറ്റവും കുറവ് പോളിങ്, 40.98 %. മൊ​ഹ്‌​ല-​മാ​ൻ​പു​ർ - 76.31 %, കാ​ങ്ക​ർ-75.51 %, കൊ​ണ്ട​ഗാ​വ് -75.35 %, രാജ്നന്ദ്ഗാവ് -75.1 %, ബസ്തർ -72.41 %, അ​ന്ത​ഗ​ഢ് -65.67 %, ഭാ​നു​പ്ര​താ​പ​പു​ർ-61.83 %, കാ​ങ്ക​ർ-68 %, കേ​ശ​കാ​ൽ -60.11 %, നാ​രാ​യ​ൺ​പു​ർ - 53.55 %, ദ​ന്തേ​വാ​ഡ -51.9 %, കോ​ണ്ട - 50.12 % എന്നിവയാണ് വിവിധ മണ്ഡലത്തിലെ പോളിങ് ശതമാനം.

മൊ​ഹ്‌​ല-​മാ​ൻ​പു​ർ, അ​ന്ത​ഗ​ഢ്, ഭാ​നു​പ്ര​താ​പ​പു​ർ, കാ​ങ്ക​ർ, കേ​ശ​കാ​ൽ, കൊ​ണ്ട​ഗാ​വ്, നാ​രാ​യ​ൺ​പു​ർ, ദ​ന്തേ​വാ​ഡ, ബി​ജാ​പു​ർ, കോ​ണ്ട മ​ണ്ഡ​ല​ങ്ങ​ളി​ൽ രാ​വി​ലെ ഏ​ഴു മു​ത​ൽ വൈ​കീ​ട്ട് മൂ​ന്നു വ​രെ​യും മ​റ്റി​ട​ങ്ങ​ളി​ൽ ഏ​ഴു മു​ത​ൽ വൈ​കീ​ട്ട് അ​ഞ്ചു വ​രെ​യു​മാ​യിരുന്നു വോ​ട്ടെ​ടു​പ്പ്. വോ​ട്ടി​ങ് കേ​ന്ദ്ര​ങ്ങ​ളി​ൽ ക​ന​ത്ത സു​ര​ക്ഷ​യാ​ണ് ഏ​ർ​പ്പെ​ടു​ത്തി​യി​രു​ന്ന​ത്.

ത്രി​​കോ​​ണ ​മ​​ത്സ​​രം ന​​ട​​ക്കു​​ന്ന മി​​സോ​​റ​​മി​​ൽ 16 വ​​നി​​ത​​ക​​ള​​ട​​ക്കം 174 സ്ഥാ​​നാ​​ർ​​ഥി​​ക​​ളാ​​ണ് ജ​ന​വി​ധി തേ​ടു​ന്ന​ത്. ഭ​​ര​​ണ​​ക​​ക്ഷി​​യാ​​യ മി​​സോ നാ​​ഷ​​ന​​ൽ ഫ്ര​​ണ്ട് (എം.​​എ​​ൻ.​​എ​​ഫ്), പ്ര​​തി​​പ​​ക്ഷ​​മാ​​യ സോ​​റം പീ​​പ്ൾ​​സ് മൂ​​വ്മെ​​ന്റ് (ഇ​​സ​​ഡ്.​​പി.​​എം), കോ​​ൺ​​ഗ്ര​​സ് എ​​ന്നീ ക​​ക്ഷി​​ക​ൾ മു​ഴു​വ​ൻ സീ​റ്റു​ക​ളി​ലും മ​ത്സ​രി​ക്കു​ന്നു​ണ്ട്. ബി.​ജെ.​​പി 23 മ​ണ്ഡ​ല​ങ്ങ​ളി​ലും ആം ​​ആ​​ദ്മി പാ​​ർ​​ട്ടി നാ​​ലി​​ട​​ത്തും സ്ഥാ​നാ​ർ​ഥി​ക​ളെ നി​ർ​ത്തി​യി​ട്ടു​ണ്ട്. കൂ​ടാ​തെ 27 സ്വ​ത​ന്ത്ര​രും ജ​ന​വി​ധി തേ​ടു​ന്നു.

ഛത്തി​​സ്ഗ​​ഢി​​ൽ 25 വ​നി​ത​ക​ൾ ഉ​ൾ​പ്പെ​ടെ 223 സ്ഥാ​നാ​ർ​ഥി​ക​ളാ​ണ് ആ​ദ്യ​ഘ​ട്ട​ത്തി​ൽ ജ​ന​വി​ധി തേ​ടു​ന്ന​ത്. 40,78,681 പേ​രാ​ണ് ആ​ദ്യ​ഘ​ട്ട​ത്തി​ൽ സ​മ്മ​തി​ദാ​നം വി​നി​യോ​ഗി​ക്കു​ക. ഭ​ര​ണ​ക​ക്ഷി​യാ​യ കോ​ൺ​ഗ്ര​സി​ന്റെ സം​സ്ഥാ​ന അ​ധ്യ​ക്ഷ​നും എം.​പി​യു​മാ​യ ദീ​പ​ക് ബൈ​ജ്, മ​ന്ത്രി​മാ​രാ​യ ക​വാ​സി ല​ഖ്മ, മോ​ഹ​ൻ മ​ർ​കം, മു​ഹ​മ്മ​ദ് അ​ക്ബ​ർ, ച​വീ​ന്ദ്ര ക​ർ​മ, ബി.​ജെ.​പി നേ​താ​ക്ക​ളാ​യ മു​ൻ മു​ഖ്യ​മ​ന്ത്രി ര​മ​ൺ സി​ങ്, മു​ൻ മ​ന്ത്രി​മാ​രാ​യ കേ​ദാ​ർ ക​ശ്യ​പ്, ല​ത ഉ​സെ​ന്ദി, വി​ക്രം ഉ​സെ​ന്ദി, മ​ഹേ​ഷ് ഗ​ഗ്ദ എ​ന്നി​വ​രാ​ണ് എ​ന്നി​വ​രാ​ണ് ആ​ദ്യ​ഘ​ട്ട​ത്തി​ൽ ജ​ന​വി​ധി തേ​ടു​ന്ന പ്ര​മു​ഖ​ർ.