നിയമസഭ തെരഞ്ഞെടുപ്പ്; സ്ത്രീ പ്രാതിനിധ്യം കൂടുതൽ ഛത്തിസ്ഗഢിൽ

ന്യൂ​ഡ​ൽ​ഹി: ഛത്തി​സ്ഗ​ഢ്, തെ​ല​ങ്കാ​ന, മ​ധ്യ​പ്ര​ദേ​ശ് നി​യ​മ​സ​ഭ​ക​ളി​ലേ​ക്കു​ള്ള സ്ത്രീ ​പ്രാ​തി​നി​ധ്യ​ത്തി​ൽ മു​ൻ വ​ർ​ഷ​ത്തെ അ​പേ​ക്ഷി​ച്ച് നേ​രി​യ വ​ർ​ധ​ന ഉ​ണ്ടാ​യ​പ്പോ​ൾ രാ​ജ​സ്ഥാ​നി​ൽ കു​റ​ഞ്ഞു. 21 ശ​ത​മാ​നം സ്ത്രീ​ക​ളെ തെ​ര​ഞ്ഞെ​ടു​ത്ത ഛത്തി​സ്ഗ​ഢാ​ണ് മു​ന്നി​ൽ. 90 അം​ഗ സ​ഭ​യി​ലേ​ക്ക് 19 വ​നി​ത​ക​ളാ​ണ് ജ​യി​ച്ച​ത്. 10 പേ​ർ കോ​ൺ​ഗ്ര​സ് അം​ഗ​ങ്ങ​ളും ഒ​മ്പ​തു​പേ​ർ ബി.​ജെ.​പി അം​ഗ​ങ്ങ​ളു​മാ​ണ്. 2018ൽ ഛത്തിസ്ഗഢ് നിയമസഭയിൽ 13 വനിത അംഗങ്ങളാണ് ഉണ്ടായിരുന്നത്. 14 ശതമാനം മാത്രമായിരുന്നു കഴിഞ്ഞ സഭയിലെ സ്ത്രീ പ്രാതിനിധ്യം.

തെ​ല​ങ്കാ​ന​യി​ൽ വ​നി​താ പ്രാ​തി​നി​ധ്യം എ​ട്ടു ശ​ത​മാ​നം മാ​ത്ര​മാ​ണ്. 119 അം​ഗ സ​ഭ​യി​ലേ​ക്ക് ആ​കെ 10 വ​നി​ത​ക​ളാ​ണ് വി​ജ​യി​ച്ച​ത്. എ​ങ്കി​ലും 2018നെ ​​അ​പേ​ക്ഷി​ച്ച് ര​ണ്ടു​പേ​ർ അ​ധി​കം ജ​യി​ച്ചു. മ​ധ്യ​പ്ര​ദേ​ശി​ൽ 27 വ​നി​ത​ക​ളെ​യാ​ണ് ഇ​ത്ത​വ​ണ വോ​ട്ട​ർ​മാ​ർ വി​ജ​യി​പ്പി​ച്ച​ത്. 2013ൽ 30 ​വ​നി​ത​ക​ൾ നി​യ​മ​സ​ഭ​യി​ലേ​ക്ക് തെ​ര​ഞ്ഞെ​ടു​ക്ക​പ്പെ​ട്ട ച​രി​ത്രം മ​ധ്യ​​പ്ര​ദേ​ശി​നു​ണ്ട്. എ​ന്നാ​ൽ, 2018ൽ 21 ​വ​നി​ത​ക​ൾ മാ​ത്ര​മാ​ണ് സ​ഭ​യി​ൽ ഇ​ടം​നേ​ടി​യ​ത്.

രാ​ജ​സ്ഥാ​നി​ൽ 2018നെ ​അ​പേ​ക്ഷി​ച്ച് സ്ത്രീ ​പ്രാ​തി​നി​ധ്യ​ത്തി​ൽ കു​റ​വാ​ണ് ഉ​ണ്ടാ​യ​ത്. 2018ൽ 24 ​ആ​യി​രു​ന്ന വ​നി​താ എം.​എ​ൽ.​എ​മാ​രു​ടെ എ​ണ്ണം ഇ​ത്ത​വ​ണ 20 ആ​യി.