നി​യ​മ​സ​ഭ തെ​ര​ഞ്ഞെ​ടു​പ്പ്; കർണാടക കാറ്റിൽ തെലങ്കാന

നി​യ​മ​സ​ഭ തെ​ര​ഞ്ഞെ​ടു​പ്പ്​ പോ​ര്​ മു​റു​കു​മ്പോ​ൾ പ​തി​റ്റാ​ണ്ടാ​യി തെ​ല​ങ്കാ​ന ഭ​രി​ക്കു​ന്ന ഭാ​ര​ത്​ രാ​ഷ്ട്ര സ​മി​തി​ക്കും മു​ഖ്യ​മ​ന്ത്രി ച​ന്ദ്ര​ശേ​ഖ​ര റാ​വു​വി​നും ശ​ക്ത​മാ​യ വെ​ല്ലു​വി​ളി​ക​ൾ. ബി.​ജെ.​പി​യെ ത​ള്ളി​മാ​റ്റി പ്ര​ധാ​ന പോ​രാ​ട്ടം ബി.​ആ​ർ.​എ​സും കോ​ൺ​ഗ്ര​സും ത​മ്മി​ലാ​യി.

തെ​ല​ങ്കാ​ന സം​സ്ഥാ​ന​ത്തി​ന്‍റെ പി​റ​വി​ക്ക്​ കാ​ര​ണ​ക്കാ​ര​നാ​യ ച​ന്ദ്ര​ശേ​ഖ​ര റാ​വു​വി​നോ​ട്​ ഇ​​പ്പോ​ൾ വോ​ട്ട​ർ​മാ​ർ​ക്ക്​ പ​ഴ​യ മ​തി​പ്പി​ല്ല. വാ​ഗ്ദാ​ന​ങ്ങ​ൾ പാ​ലി​ക്ക​പ്പെ​ടാ​ത്ത​താ​ണ്​ കാ​ര​ണം. ഭ​ര​ണ​വി​രു​ദ്ധ വി​കാ​രം വ​ള​ർ​ന്നി​രി​ക്കു​ക​യാ​ണ്. തെ​ല​ങ്കാ​ന മേ​ഖ​ല​യു​ടെ വി​ക​സ​നം മു​ന്നോ​ട്ടു​വെ​ച്ച്​ സം​സ്ഥാ​ന​ത്തി​ന്‍റെ ആ​ദ്യ മു​ഖ്യ​മ​ന്ത്രി​യാ​യി മാ​റി​യ ച​ന്ദ്ര​ശേ​ഖ​ര റാ​വു​വി​ന് കീ​ഴി​ൽ തെ​ല​ങ്കാ​ന ഇ​പ്പോ​ൾ കു​ടും​ബാ​ധി​പ​ത്യ​ത്തി​ൽ അ​മ​ർ​ന്നി​രി​ക്കു​ന്നു​വെ​ന്ന ആ​ക്ഷേ​പം ശ​ക്തം.

ക​ഴി​ഞ്ഞ തെ​ര​ഞ്ഞെ​ടു​പ്പി​ൽ നി​ര​വ​ധി ക്ഷേ​മ പ​ദ്ധ​തി​ക​ളാ​ണ്​ ച​ന്ദ്ര​ശേ​ഖ​ര റാ​വു പ്ര​ഖ്യാ​പി​ച്ചി​രു​ന്ന​ത്. ജ​ല​സേ​ച​ന പ​ദ്ധ​തി​ക​ൾ അ​ട​ക്കം ക​ർ​ഷ​ക ക്ഷേ​മ​ത്തി​ന്​ പ്ര​ത്യേ​ക പ്രാ​ധാ​ന്യ​വും ന​ൽ​കി. എ​ന്നാ​ൽ ക​ർ​ണാ​ട​ക​ത്തി​ന്​ സ​മാ​ന​മാ​യി തെ​ല​ങ്കാ​ന​യി​ലും വ്യ​ക്ത​മാ​യ ചു​വ​ടു​വെ​പ്പു​ക​ളി​ലാ​ണ്​ കോ​ൺ​ഗ്ര​സ്. ഇ​തു​വ​ഴി ക​ർ​ണാ​ട​ക​ക്കാ​റ്റ്​ വീ​ശു​ക​യാ​ണ്​ തെ​ല​ങ്കാ​ന​യി​ൽ. ബി.​ആ​ർ.​എ​സി​ന്‍റെ സാ​ധ്യ​ത​ക​ളെ അ​ത്​ എ​ത്ര​ത്തോ​ളം ബാ​ധി​ക്കു​ന്നു​വെ​ന്ന്​ ഇ​നി​യു​ള്ള ദി​വ​സ​ങ്ങ​ളി​ലാ​ണ്​ കൂ​ടു​ത​ൽ വ്യ​ക്ത​മാ​കേ​ണ്ട​ത്.

അ​യ​ൽ​പ​ക്ക​മാ​യ ക​ർ​ണാ​ട​ക​ത്തി​ലെ വി​ജ​യം സം​ഘ​ട​നാ​പ​ര​മാ​യി കോ​ൺ​ഗ്ര​സി​ന്‍റെ കെ​ട്ടു​റ​പ്പും ആ​ത്മ​വീ​ര്യ​വും വ​ർ​ധി​പ്പി​ച്ചി​ട്ടു​ണ്ട്. അ​തി​നൊ​പ്പം, ക​ർ​ണാ​ട​ക​ത്തി​ൽ പ്ര​ഖ്യാ​പി​ച്ച​തു​പോ​ലെ നി​ര​വ​ധി ക്ഷേ​മ ന​ട​പ​ടി​ക​ളാ​ണ്​ തെ​ല​ങ്കാ​ന​യി​ലെ പ്ര​ക​ട​ന പ​ത്രി​ക​യി​ൽ കോ​ൺ​ഗ്ര​സ്​ വാ​ഗ്ദാ​നം ചെ​യ്യു​ന്ന​ത്.

ബി.​ആ​ർ.​എ​സ്​ ഒ​ന്നാം സ്ഥാ​ന​ത്തും ബി.​ജെ.​പി ര​ണ്ടാം സ്ഥാ​ന​ത്തു​മെ​ന്ന സാ​ഹ​ച​ര്യ​വും ഇ​തി​നി​ട​യി​ൽ മാ​റി​പ്പോ​യെ​ന്നാ​ണ്​ ചൂ​ണ്ടി​ക്കാ​ണി​ക്ക​പ്പെ​ടു​ന്ന​ത്. ഇ​തി​ലെ അ​പ​ക​ടം മ​ന​സ്സി​ലാ​ക്കി​യ ബി.​ആ​ർ.​എ​സ്​ വി​വി​ധ ജ​ന​ക്ഷേ​മ പ​ദ്ധ​തി​ക​ൾ വോ​ട്ട​ർ​മാ​രെ സ്വാ​ധീ​നി​ക്കാ​ൻ വൈ​കി​യ വേ​ള​യി​ൽ മു​​ന്നോ​ട്ടു വെ​ക്കു​ന്നു​ണ്ട്.