അതീഖ് അഹ്മദ് വധം: പ്രതികളെ മറ്റൊരു ജയിലിലേക്ക് മാറ്റി

ലഖ്നോ: സമാജ് വാദി പാർട്ടി മുൻ എം.പി അതീഖ് അഹ്മദിന്റെയും സഹോദരൻ അഷ്റഫ് അഹ്മദിന്റെയും കൊലപാതകികളെ ഉത്തർ പ്രദേശിലെ മറ്റൊരു ജയിലിലേക്ക് മാറ്റി. സുരക്ഷ കണക്കിലെടുത്താണിതെന്നാണ് അധികൃതരുടെ വാദം.

കൊലപാതക​വുമായി ബന്ധപ്പെട്ട് സണ്ണി സിങ്, അരുൺ മൗര്യ, ലവ് ലേഷ് തൊവാരി എന്നിവരാണ് അറസ്റ്റിലായത്. മൂവരെയും ​നൈനി ജയിലിൽ നിന്ന് പ്രതാപ്ഗഡ് ജയിലിലേക്കാണ് മാറ്റിയത്.

നൈനി ജയിലിൽ വെച്ച് പ്രതികൾക്കെതിരെ ആക്രമണം നടക്കാനുള്ള സാധ്യതയുണ്ടെന്ന ഇന്റലിജൻസ് റിപ്പോർട്ടിന്റെ അടിസ്ഥാനത്തിലാണ് കണ്ടാണ് മാറ്റിയതെന്ന് അധികൃതർ പറഞ്ഞു. മൂവരെയും 14 ദിവസത്തെ ജുഡീഷ്യൽ കസ്റ്റഡിയിൽ വിട്ടിരിക്കുകയാണ്.