ഡൽഹിയിൽ സംഘർഷം; അതിഷിയും സൗരഭ് ഭരദ്വാജും അറസ്റ്റിൽ, ബി.ജെ.പി ഓഫിസിലേക്ക് ആം ആദ്മി മാർച്ച്

ന്യൂഡൽഹി: ഡൽഹി മുഖ്യമന്ത്രിയും എ.എ.പി ദേശീയ കൺവീനറുമായ അരവിന്ദ് കെ‌ജ്‌രിവാളിനെ മദ്യനയക്കേസിൽ കുറ്റമാരോപിച്ച് എൻഫോഴ്സ്മെന്‍റ് ഡയറക്ടറേറ്റ് (ഇ.ഡി) അറസ്റ്റ് ചെയ്തതിന് പിന്നാലെ ഡൽഹിയിൽ സംഘർഷാവസ്ഥ. ബി.ജെ.പി ഓഫിസിലേക്ക് മാർച്ച് ചെയ്ത എ.എ.പി പ്രവർത്തകരെ പൊലീസ് തടഞ്ഞത് സംഘർഷത്തിനിടയാക്കി. പ്രവർത്തകരെ പൊലീസ് അറസ്റ്റ് ചെയ്ത് നീക്കുകയാണ്. പ്രതിഷേധത്തിന് നേതൃത്വം നൽകിയ ഡൽഹി മന്ത്രിമാരായ അതിഷി മർലേന, സൗരഭ് ഭരദ്വാജ് എന്നിവരെയും അറസ്റ്റ് ചെയ്തു.

അരവിന്ദ് കെ‌ജ്‌രിവാളിനെ അറസ്റ്റ് ചെയ്തതിന് പിന്നാലെ രാജ്യവ്യാപക പ്രതിഷേധത്തിന് ആം ആദ്മി പാർട്ടി ആഹ്വാനം ചെയ്തിരുന്നു. എല്ലാ ബി.ജെ.പി ഓഫിസുകളിലേക്കും മാർച്ച് സംഘടിപ്പിക്കാനാണ് പാർട്ടി ആഹ്വാനം. ഇതേത്തുടർന്ന്, ഡൽഹിയിൽ ഉൾപ്പെടെ ബി.ജെ.പി ഓഫിസുകൾക്ക് കനത്ത സുരക്ഷയേർപ്പെടുത്തി.

കെ‌ജ്‌രിവാളിന്‍റെ അറസ്റ്റിൽ രാജ്യവ്യാപക പ്രതിഷേധമുയരുകയാണ്. അറസ്റ്റ് രാഷ്ട്രീയ പ്രേരിതമാണെന്നും അന്വേഷണ ഏജൻസികളെ ഉപയോഗിച്ചുള്ള ബി.ജെ.പിയുടെ വേട്ടയാടലിന്‍റെ ഭാഗമാണെന്നും ആരോപിച്ച് ഇൻഡ്യ മുന്നണിയിലെ വിവിധ കക്ഷികൾ രംഗത്തെത്തി. ആം ആദ്മി പാർട്ടി പ്രവർത്തകർ ഡൽഹിയിൽ കനത്ത പ്രതിഷേധം തുടരുകയാണ്. കോൺഗ്രസ് നേതാവ് രാഹുൽ ഗാന്ധി ഇന്ന് കെ‌ജ്‌രിവാളിന്‍റെ വസതിയിലെത്തി കുടുംബാംഗങ്ങളെ കാണും.

അതേസമയം, അറസ്റ്റിനെ തുടർന്ന് കെ‌ജ്‌രിവാളിന്‍റെ ഹരജി വെള്ളിയാഴ്ച രാവിലെ സുപ്രീം കോടതി പരിഗണിച്ചേക്കും. ജാമ്യാപേക്ഷ അടിയന്തരമായി പരിഗണിക്കണമെന്ന എ.എ.പി അഭിഭാഷകരുടെ ആവശ്യം ഇന്നലെ സുപ്രീം കോടതി തള്ളിയിരുന്നു. എന്നാൽ, ചോദ്യം ചെയ്യലുമായി സഹകരിക്കാത്തതിനാൽ കെജ്രിവാളിന്റെ കസ്റ്റഡി ആവശ്യപ്പെടാനാണ് എൻഫോഴ്സ്മെന്റ് ഡയറക്ടറേറ്റിന്‍റെ നീക്കം.

വ്യാ​​ഴാ​​ഴ്ച രാ​​ത്രി 9.15ഓ​​ടെയാണ് ഇ.​​ഡി സം​​ഘം കെ​​ജ്​​​രി​​വാ​​ളിനെ വ​​ീട്ടിലെ​​ത്തി ​അ​​റ​​സ്റ്റ് ചെ​​യ്ത​​ത്. ഡൽഹി മദ്യനയ കേസിൽ ചോദ്യംചെയ്യലിന് ഹാജരാകാൻ ഇ.​​ഡി നേ​​ര​​ത്തേ ഒ​​മ്പ​​തു​​വ​​ട്ടം ന​​ൽ​​കി​​യ സ​​മ​​ൻ​​സു​​ക​​ൾ കെ​​ജ്​​​രി​​വാ​​ൾ അ​​വ​​ഗ​​ണി​​ച്ചി​​രു​​ന്നു. ഇ.​​ഡി സ​​മ​​ൻ​​സു​​ക​​ൾ ചോ​​ദ്യം​ചെ​​യ്ത്​ കെ​​ജ്​​​രി​​വാ​​ൾ ഡ​​ൽ​​ഹി ഹൈ​​കോ​​ട​​തി​​യെ സമീപിക്കുകയും ചെയ്തു. അ​​റ​​സ്റ്റ്​ അ​​ട​​ക്കം അ​​ന്വേ​​ഷ​​ണ ഏ​​ജ​​ൻ​​സി​​യു​​ടെ തു​​ട​​ർ​​ന​​ട​​പ​​ടി​​ക​​ളി​​ൽ​നി​​ന്ന്​ കെ​​ജ്​​​രി​​വാ​​ളി​​ന്​ സം​​ര​​ക്ഷ​​ണം ന​​ൽ​​കാ​​ൻ ഡ​​ൽ​​ഹി ഹൈ​​കോ​​ട​​തി വി​​സ​​മ്മ​​തി​​ച്ച​​തി​​നു പി​​ന്നാ​​ലെ​​യാ​​ണ് അ​​റ​​സ്റ്റ്. പ​ദ​വി​യി​ലി​രി​ക്കെ അ​റ​സ്റ്റി​ലാ​കു​ന്ന ആ​ദ്യ മു​ഖ്യ​മ​ന്ത്രി​യാ​ണ് കെ​ജ്‍രി​വാ​ൾ.