പെട്രോൾ വിൽപ്പന തടഞ്ഞു; ലക്ഷ​ദ്വീപിൽ ജനദ്രോഹ നടപടി തുടരുന്നു

കൽപേനി: ലക്ഷദ്വീപിൽ അഡ്​മിനിസ്​ട്രേറ്ററുടെ ജനദ്രോഹ നടപടികൾ തുടരുന്നു. കൽപേനി ദ്വീപിൽ സ്വകാര്യ വാഹനങ്ങൾക്ക്​ ഇനി പെട്രോൾ നൽകി​ല്ലെന്ന്​ ഉത്തരവിറക്കി. കോഓപറേറ്റീവ്​ സ​​ൈപ്ല ആൻഡ്​ മാർക്കറ്റിങ്​ സൊസൈറ്റി വഴിയാണ്​ ഇവിടെ പെട്രോൾ വിൽപ്പന.

കോവിഡ്​ വ്യാപനം അതിരൂക്ഷമായി തുടരുന്ന സാഹചര്യം കണക്കിലെടുത്തും മേൽ അധികാരികളുടെ കർശന നിർദേശം ഉള്ളതിനാലും ഇനി ഒരു അറിയിപ്പ്​ ഉണ്ടാകുന്നത്​ വരെ സ്വകാര്യ വാഹനങ്ങൾക്ക്​ പെട്രോൾ വിൽപ്പന ഉണ്ടായിരിക്കില്ലെന്നാണ്​​ കൽപേനി ദ്വീപ്​ കോഓപറേറ്റീവ്​ സ​​ൈപ്ല ആൻഡ്​ മാർക്കറ്റിങ്​ സൊസൈറ്റി സെക്രട്ടറി ഉത്തരവിൽ അറിയിച്ചിരിക്കുന്നത്​.

ജനദ്രോഹ നടപടികൾക്കെതിരെ ലക്ഷദ്വീപിൽ വ്യാപക പ്രതിഷേധമാണ്​ ഉയരുന്നത്​. എന്നാൽ, ഇതൊന്നും മുഖവിലക്ക്​ എടുക്കാതെ നടപടികളുമായി അധികാരികൾ മുന്നോട്ട​ുപോവുകയാണ്​.